بنات هذا الزمن :) ؟؟؟؟

[__hadi65__]

عندي شعر بايفة بس حلو :-
يقول الشاعر المرحوم رحمة الله الي اسمة هادي 65 واهو لاف الجرمبة على راسة وحاط القدو تحت ابطة والكتاب جدامة ؟؟؟ جنة فية غلط المهم :-
يا بنية شفيج مكسلة جنج مريضة منشلة
امج قومي ساعديها ما تقومين والله فشلة
ايدينج بسها حنة امج تحتها الجنـــــه
مرضات الوالدة واجب وافضالهم ماكو منها
لي قالوا روحي المطبخ مثل الخلاطة تجـــرخ
تتحلطم مثل البركان بيض وطماط ما تطبخ
أو تمشي مثل البشة كلة تمجع بالكشـــه
الكشة دايم تشكي من الدهن يتمشـــــى
وإلي تبي السعادة تترك عنها هالعادة
وتركي عنج شغل البلادة
وسلامتي من الطق الي بييني من البنات لووول
يا مراقب احميني اوكي ؟؟؟
بحط المرشد وفايمبر حماية لي
عبدالهادي
********************* http://i.am/q8young

[احمد]

صح لسانك يا هادي
الصراحه حريم هالزمن ماعندهم الا كثرة النوم والشخير
والله يا يستر بعدها راح يصير الطبخ والغسيل على الرجال
......الله كريم

[LoOoOoL]

مش كل البنات جذيه !!!

صح إن بعض البنات هالزمن كسولات ...
بصراحه البنت إالي بتربيها أمهاعلى شغل البيت و الطاعه .. ما أظن إنها يتعرف الكسل ..


فديت أمي ... يعلني ما أخلى منها ... أنا أروم اقولها لا؟؟؟؟

بعدين يعني طايحين على البنات طيحه ... و أنتو يا الشباب ... محد مهلك الامهات غيركم ... بعدنا نحن البنات يوم نقول نبا نطلع ولا نسوي شي ... بس تقول الوالده لا ...خلاص سكتنا
بس إنتو إلي أربع و عشرين ساعه هوامه ... الوالده حليلها ماسكه هالتيلفون .... و لا كلمت الولد .. قالها ياي ياي ... و مناك يا حليلها يخليها سهرانه تترياه ... و لا بعد في بعضهم مول ما يردون على التيلفون

[Vampire]

لوووووول ....

مش كل الشباب كذا ..... انتي قلتي كذا بكلامك

يعني نعتبرهم فئة معينة من المجتمع فيهم طبع الكسل والعناد ...



------------------
ســـامر الليـــــــل

[حجايه]

لا والله ......

من وين يايب هالبنت يا هادي ؟؟

مساكين انتو على نشاطكم .. الظاهر ما شفتوا عمركم عدل ..

وين شباب اول يشيلون البيت واهل البيت كله مو الحييييييييييييييييييين...

حتى اهله اذا بوديهم مكان لازم ياخذون موعد منه حشااا وزير مو ولد ولا فوق هذا ما يوديهم براحه لازم وراها طلبات تكسر الظهر ... وكله كوم ولما يكشت فيهم كوووووووم يروح مع ربعه للقز وينسى اهله المواعدهم وتطنششششش للموبايل تلقاه كله مغلق ..

وحتى البيت ما يعرفونه شلون صاير مسوينه جنه للفندق للنوم والاكل ( ومايعجبهم اكل البيت كنتاكي وهارديز لاعبه لعب معاهم ) طول الليل سهر ودوانيات وبالنهار نوم ..

وكل كلمه والثانيه وانا شكووووووو فيكم وانا شكووووووو فيكم موضه صايره الحين ...

ها اكمل واطلع ولا بس كافي عليكم جذي ؟



------------------
عشووووووووووون عيل

[فلاح]

ش السالفة اعصابكم ياجماعة
الظاهر صاير مطاقق واحنا ماندري
وانا ماراح اسكت
اشفيكم على البنات اصلا البنات صاروا اشطر وانجح من الشباب
شوفوا الجامعات والمدارس متفوقات على الشباب
لا.. وتعال في البيت امممممم خلاص بمسك لساني على خاطر الشباب
ولا تبوني اتكلم

[LoOoOoL]

و عاد خص في الصيف ...

كل نص ساعه تقوم من رقادها <<< هذا إذا رقدت>>>> تقول : أخوكم وصل ؟؟

لا بعده... انزين سويله على الموبايل ... أوكيييي

نتصل ... محد يشله ... مره ثانيه و ثالثه ... لحد ما يرد ...

عاد الحين تعالي سمعي ....

.... ألووه ..
.... مرحبا
.... مرحبتين .. و ين إنت ..
.... ياي ياي....
.... الوالده تحاتيك ... و إذا ما ييت الحين ..يتخبر الوالد
..... انزين .. انزين
سكر التيلفون

بعد كم ساعه .... يتصل تيلفون

... كم مره قايل لكم ما تسون تيلفون يوم أكون مع الربع ... ما عليه .. بس خليني ارد البيت ... براويج شغلج ...

.... أنا مالي خص ... أنزين ؟؟؟
.... جب .. جب
سكر التيلفون

........................

أخ vampire

يمكن مش كل الشباب جذيه ... بس معضمهم ...




------------------
smile...smile...smile




[b]<small><small>[ تم تعديل الموضوع بواسطة &nbsp; LoOoOoL &nbsp; يوم &nbsp; 26-02-2000]

[LoOoOoL]

أخ فلاح ...

اتكلم ..اتكلم .... جانك بتقول شي لصالح البنات ...




------------------
smile...smile...smile

[فلاح]

يااااااااااااااااي
كاني ياي
وينكم يالشباب
ماتدرون ان البنات زينة الحياة الدنيا
ولا نسيتوا

[حجايه]

يااااااااريت على جذي بس

وفوق هذا هم طايحين علينا تطنز...

بعد ما يستحون ويفتشلووووون ويسكتون لا هم لهم عين ويتحجون



لووووووول يالله عليهم انا وياج


------------------
عشووووووووووون عيل

[LoOoOoL]

أول شي مبروك على ال300


لا بعد تعالي شوفيهم قبل ما ياخذون الليسن .... ملايكه ... تبين تروحين أي مكان بس قولي .... و يوم ياخذون الليسن .... ما يعرفونج ....

و يوم تطلعين مع الدريول .... يواجعون
و إذا شفتيهم في السوق .... ما يعرفونج .... وأحياناً يتصلون تيلفون .. و يقولون .... رجعوا البيت


صدق ... صدق

سبحان مغير الاحوال



------------------
smile...smile...smile

[حجايه]

تصدقين توني ثبت ال300 هاهاهاهاهاهاهاهاهاهاها

نطريني اروح انزل الاعلان

الله يبارك فيج انتي اول وحده تبارك لي



------------------
عشووووووووووون عيل

[المرشد]

شو اقول الحين؟؟؟؟... مب جني واصل متأخر؟؟؟
والله كل ما ابا اطيح عليكم بشي.. اشوف الحبايب ما خلولي شي... ....

الحين انته يا فلاح.. ليش داير وياهم؟؟؟ .. لاتكون بنت و نحن مانعرف....
والله آل ايه آل شوف البنات كيف شطار و الشباب لا... تععععععال شوفني كيف انا في الدراسة ..... من كثر ما انا شاطر الناس يرشوني بعين .. بس عادي .. عندي حماية ضد العين و الحسد.. توني نزلت برنامج
Murshed Anti3ain...
و يسوي شغله و الحمدلله ...


و انتي يا لووووول و حجاية ....
شو بلاكم؟؟ هاااااااااا؟؟؟ شو ؟؟؟.... طايحين على الشباب.. والله هذه فئة بس .. مب كلهم ...الحين الي يقول البنات ...كللللششششش ... متأدبات ... البارحة وحدة اتصلت دبي اف ام .. قالت كلام.. صكوا التلفون في ويها من الوقاحة.. ماقول كل البنات مثلها .. بس في و في ... و نفس الشي الشباب.. الصراحة و بدون مجاملة .. البنات قامن يزيدن راعيات الحركات و السهرات و و و و و ... شوفوا.... في نوع زين و نوع شين من الجنسين ..

اخاف اخربط و انقع في النهاية ... ما فينا بعد من بعض الناس,..
انزين ... و بسكم عاد... الي يقول هذياه هم الحين ... و عندي تعديل في قصيدة هادي.. لما قال
ايدينج بسها حنة امج تحتها الجنـــــه

والله في هذا الزمن ... الامهات الي في الطريق... تحتهم (.....) اخاف انطرد .. الي فهمها زين والي ما فهمها ... يطرشلي ايميل انه ما فهمها .. عشان مافهمه.... في عكس الجنة..
و بعد ارد و اقول....
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
سبحان مغير الاحوال.....
ملاحظة ... لطفا .. الرجاء عدم التقليد...


------------------
الصلاة الصلاة

[LoOoOoL]

أنا قلت معضم الشباب .....مفهوم .... شكلك ...شكلك ... تحتاج نظارتي

و أزيدك من الشعر بيت .... الشباب أذكى من البنات .... بس لحظه ... لا تستانس ... بس البنات يدرسن أكثر .... و عشان جيه يحصلن أكثر

و مثل ما قلت .... في نوع زين و شين من الجنسين ...&lt;&lt;&lt; اوه سوري .. نسيت الرجاء عدم التقليد &gt;&gt;&gt;&gt;

يمكن كلامك صحيح عن بعض الأمهات .... بس عيب تقول جذيه لانها مهما كانت فهي أم ......


ممكن إطرشلي هذا البرنامج .... أحتاجله .... مادري من دخلت هالجامعه و أنا ما أسلم من الطيحات


سوري على التقليد ......




------------------
smile...smile...smile

[المرشد]

في مثل يقول... مادري مثل ولا حكمة .. المهم .. يقول
لا تقلد ... ابدع...!!!
تشوفينها في دعايه عطر ...
المهم ... عن البرنامج... للاسف ... لازم تسوين فورمات عسب تخزنينه ...
.
مستعدة تسوين فورمات...؟؟؟


------------------
الصلاة الصلاة