السلام عليكم و رحمة الله و بركاته
.......
أيــ كـلامــ | حرامي البرسيم
______________________________
حصلت حقيقي قصادي لاقيتها فيها العبرة
أحكيها يمكن تفيد أو منفعة لبكرة
ركب حماره و مخمخ لأي غيط اليوم ؟
الفجر لسه مأدن والناس بترضع نوم
هسرق منين النهاردة ومنين بهايمي تعيش
وصل مراده و قال دا كنز غيره مفيش
برسيم وغيره ماسابش حتى أي حشيش
كنت فاكر من صاحب الغيط هو شاريه
سألت قالولي دا الحلال من زمان نسيه
ويوم بعد يوم بعد يوم بعد اللي بعديه
وغضب حماره عليه
قام الحمار رفسه و بسرعة جري إليه
قاله حملت على ضهري حرامك ليه
لازم جزاء لأنك في الحرام كالغول
لازم جزاء عشان إيدك للحرام ما تطول
اللي عملته اليوم بكرة في الحساب تلقاه
عضة بسيطة لأجل الحلال ما تنساه
وهبشه الحمار وطار ما كان بيه راجل
وعاش عالورق دكر وفي الحقيقة مفيش
قوم توب وصلي وكفاية لكده تطنيش
وصدق من قال الدنيا شئ بسيط و نعيم زائل
________________________________
…….
يمهل ولا يهمل
يستاهل
…….
ملحوظة : حقوق النشر والتأليف والتلحين وممكن الغناء تبعي