خلافى مع والدي وغزه
بصراحه مش عارف ابدأ منين من كام يوم كتبت موضوع كفاكم كلام عن مصر بس بجد مش عارف كتبته ليه وازاي يمكن الهجوم علي مصر وكل حاجه مصر مصر مصر
اليوم كنت جالس مع الوالد الله يحفظه وقولت له نفس الكلام مصر فى 73 طلبت مساعدات ومحدش ساعدها قلى يا ابني خير الجنود هم جند مصر وربنا سبحانه وتعالي ذكرهم فى القرأن
قولتله هايموتو قلى ياابني يموتو فى سبيل قضيه بيأمنو بيها احسن ما يموتو علي سرايرهم
قولتله يموتو فى سبيل وطنهم قالي وغزه مش وطنهم ؟
قولت لا مصر وطنهم هما هايشتركو ويساعدو بلد غير بلدهم ولاد عم يعني
قالى زمان ايام الحروب كان الرسول صلى الله عليه وسلم وغيره كانو لما بيفتحو بلد كانو بيرفعو رايه ايه ؟؟ مصر السعوديه لبنان العراق قولتله لا طبعا قالى امال ايه طبعا جاوبت وقولت (الاسلام)
قولتله طيب افرض خسرنا نعمل زي كلام الدعايه ونبقى كسبنا شرف المحاوله ؟؟
قالى يا ابني لعلمك انا كنت من جنود 73 والى قبلها كمان النكسه ولعلمك مصر مش ضعيفه مصر اكبر جهاز مخابرات فى العالم مصر مش صغيره بعدين احنا مش محتاجين مصر بس الى تطلع تحارب لازم العرب يقفو واقفه واحده يتحدوو وقتها مافيش قوه فى العالم كله هاتقدر تهزنا او حد هايقدر يفكر يمسنا بسوء
قولتله طيب دا هايحصل امتي قلي ربنا يعلم لكن لازم مصر تاخد موقف مش للدرجه دي
وبعدين ما تنساش ان بني اسرائيل هاتتمحي من الدنيا دي فى يوم من الايام ودا مش كلامي قولتله طيب يابابا الحل ايه
قالى العرب مش ليهم غير بعض اتحدو كسبو زي ما هما دلوقتي هتتوالى الحروب
عراق فلسطين سودان لبنان واحده واحده مافيش مفر هايجي الدور علي مصر دا مخطط وواضح جدا
صراحه اقتنعت بكل كلمه من كلامه انا نقلت ملخص بسيط جدا
وبجد اسف لو حرجت شعور اى اخ ليا فلسطيني عربي مسلم والله حقكم علي راسي والنصر لكم ان شاء الله عن قريب
خالص اعتذاري لخويا MPHP
التعديل الأخير تم بواسطة صلاح الديب ; 11-01-2009 الساعة 07:54 AM
__________________
World Of Design سابقا :)
يارب اشفي لى اخويا واشفى المرضى جميعا
معا يد بيد لنرتقي بمنتدانا سوالف :)
من كاتب هذا التعبير بسوالف ؟؟ مرتع