اي شخص عندة بطاقة ماستر كارد البنك الاهلي يتفضل!!!!!!

[شيبان84]

اخي q1010



بارك الله فيك ياليت تتكرم وتساعدني بالموضوع هذا

حجزت دومين من اينوم وصارت لي مشاكل فيه


http://www.swalif.net/softs/showthread.php?t=101404


وأكون شاكر لك


تحياتي

[LiveIslam]

الأخ www.5sHost.com ياليت تفيدنا
هل هناك شروط للبنك البريطاني من ناحية المبلغ ومامدة استخراج البطاقة وهل هي معتمدة بطاقتهم في أي الأماكن
ومن المستحق باستخراجها ، آمل إفادتنا بذلك وخصوصاً أنك مؤيد للبنك البريطاني وجزاك الله خيراً وبارك في علمك ..

[النمر]

انا استخدمها بشكل اسبوعي او تقدر تقول كل 3 ايام استخدمها على مشتورات اون لاين

وزي الحديد ما شاء الله عمرها ما رجعت


ower:

[www.5sHost.com]

الأخ www.5sHost.com ياليت تفيدنا
هل هناك شروط للبنك البريطاني من ناحية المبلغ ومامدة استخراج البطاقة وهل هي معتمدة بطاقتهم في أي الأماكن
ومن المستحق باستخراجها ، آمل إفادتنا بذلك وخصوصاً أنك مؤيد للبنك البريطاني وجزاك الله خيراً وبارك في علمك ..

اعذرني اخوي على التأخير ويعلم الله اني لم ادخل قسم شركات الاستضافه منذ اكثر من اسبوع

بالنسبه لي الوضع مختلف لاني فتحت الحساب واستلمت البطاقه عن طريق عميل لديهم لا يرفضون له طلب

وبشكل عام اعتقد لابد من تحويل راتب لا يقل عن 7000 ريال او ايداع مبلغ لا يقل عن 30000 ريال

تحياتي

[Smart Solutions]

السلام عليكم

واجهتني مشكلة في بطاقات البنك الأهلي ، و نصيحتي لا احد يتعامل معهم

بطاقتي انسرقت على الإنترنت ، و علقت مبالغ عليها بقيمة 2000 وشوي ، و كنت قبلها اودعت 1500 و راح هالمبلغ لتغطية المبالغ المعلقة

لما اكتشفت انها مسروقة ، طلعت بطاقة ثانية و اوقفت الأولى ، و رجعت اودعت 1500 ثانية بدل هذيك و أمري لله ، لكن المصيبه اكتشفت ان الـ 1500 الثانية هذي برضه راح لتغطية مبالغ معلقة !!!! لما كلمتهم قالوا كل البطاقتين على نفس الحساب و الجديده لازم تتسدد فيها المبالغ المعلقة القديمة

الشي الغريب مو هنا ، الغريب انه البطاقة ما كان فيها من الأساس قيمة المبالغ الي علقت ، يعني بطاقتي قبل ما تسرق كان فيها حوالي 200 ريال ، و تمت عملية شراء عليها بمبلغ 1300 من الي سرقوا البطاقة ،،، فكيف تمت العملية و البطاقة ما فيها هالمبلغ ، و على حد علمي ان البطاقات المسبقة الدفع ما ينسحب منها الا الي فيها ؟؟ و الا ليش سميت مسبقة الدفع !

سألت هالسؤال لواحد من المسؤولين في قسم البطاقات الإئتمانية ، و قال لي انه بعض الأحيان تصير عمليات تحايل و العملية ما تمر على ماستركارد ، تروح للبنك مباشرة ، و البنك يظن ان هذي بطاقة ائتمانية عادية فيروح يسدد قيمة العملية !!!!!!!


يعني هم الي يتحايل عليهم ، و احنا الي ندفع !!!!!!!!!!!!

يعني راحت علي 3000 ريال ، لا ولسه انا مديون للبنك !!!

المشكلة يقولون اذا تبي فلوسك ترجع لك قدم طلب اعتراض بعد ثلاثين يوم ، و راح ينظر في الطلب و يرسل عبر الفاكس للبنك الي يتعامل معاه التاجر الي سحب المبلغ و ينظر في صحة العملية و يردون لنا خبر ، و العملية هذي تاخذ اسبوعين الى ثلاثة اسابيع !!! يعني بالعربي شهرين على بال ما ترجع الفلوس ،، هذا اذا رجعت !!!!!!


نصيحة لوجه الله لا احد يتعامل معهم ، انا ابطلع بطاقة من البنك الأمريكي و ارتاح

تحياتي

[LiveIslam]

بارك الله فيك على هذه الإفادة ولكني لا أمتلك مبلغ 30000 ريال وراتبي لا يتجاوز 3500 ريال !! فما الحل ؟؟

[مربع]

مرحبا Smart Solutions

لنا تجربة أخرى مع البنك الأهلي

بالعكس ... أعتقد ان قسم الإعتراضات في البنك ... من أفضل البنوك ...

أكيد كل عملية إعتراض تاخذ وقت طويل و هذا شيء عادي جداً .. لكنها في النهاية ترجع لك فلوسك

بالنسبة لنا ... نتعامل مع بطاقات البنك من حوالي 4 سنوات .. قبلها كنا نتعامل مع بنك الرياض

خلال الأربع سنوات هذي .. جميع الإعتراضات التي قدمناها ... تمت إعادة المبالغ من البنك

بعضها لعمليات صحيحة .. و عليها توقيعنا .. لكن بسبب إختلافات حدثت بيننا و بين البائع .. و رفضة إعادة المبلغ، او إكمال الخدمة .. فقمنا بالإعتراض على المبلغ .. و تم بالفعل إعادتة



الغريب في موضوعك هو فعلاً تجاوز الحد المسموح به ... هذي فعلاً .. غير معقولة انها تتم و تؤخذ على البنك

[Smart Solutions]

أخي العزيز مربع ، السلام عليكم

الله يبشرك بالخير اذا فعلا يرجعوا المبالغ ، لأني فكرت فيها وقلت المبالغ سحبها التاجر وسلم البضاعه للمستفيد ( الي هو سارق البطاقة ) فما هو ملزوم انه يرجع المبالغ هذي ، ولو على كذا كان اي واحد ممكن يشتري اي شغله من الإنترنت من بطاقته ، و بعد ما توصل له البضاعة ، يروح يقدم طلب اعتراض عليها علشان يسترجع فلوسه !!! هذا الي خلاني استبعد نهائيا احتمالية انهم يرجعون لي فلوسي !


بس فعلا الغريبة مثل ما تفضلت انه البطاقة كان ما فيها الا حوالي 200 ريال ، و تم شراء بضاعه فيها بقيمة 1300 ريال !!!!!!!!!! هذا الي ما ادري كيف صار ، و الغريبه ان كل الي كلمتهم يبررون هالشي بأنه عمليه طبيعية و انه هذي طبيعة البطاقة ( مع انها مسبقة الدفع ! ) .


عموما اخوي مربع اتمنى تعطيني تفاصيل عملية تقديم الإعتراضات و ايش الإجراءات وكم تاخذ وقت بالعادة ؟؟

تحياتي

[مربع]

لا طبعاً سمارت ... يرجعون لك فلوسك بالتأكيد ...

ويغرم البائع ... هو الي يتحمل نتيجة الخطاء .. لأنة المفروض يتأكد من أن المشتري هو فعلاً صاحب البطاقة ..

في حالتك عدة أشياء .. يكفي مثلاً رقم الأي بي لو كان خارج السعودية ...

علشان كذا تشوف بعض المواقع تطلب صورة من الإثبات .. و توقيع .. و خلافة ...

المهم لا تتأخر في الإعتراض .. لأنه إذا عدت علية مدة طويلة .. خلاص مايحق لك تعترض

الإجراء سهل .. فقط أتصل على الهاتف المصرفي للبنك الأهلي و قدم طلب إعتراض على العملية .. راح يعبي النموذح .. ويطلب منك ترسل فاكس (معروض) انك تعترض على العملية ....

في خلال شهر بالكثير تشوف المبلغ في حساب البطاقة



طبعاً .. لو تكررت عمليات الإعتراض منك على كل شيء تشترية .. في الحالة هذي يتم الشك في مصداقيتك أنت .. لكن إذا كنت تعترض على بعض العمليات و أغلب العمليات تتم بدون أي تعليق منك . في الحالة هذي يتأكدون من أن العملية فعلاً غير مقبولة

بالتوفيق ...

[sms5star]

كل عام وانتم بخير

[we_scooter]

كان معي نفس الشي والفيبولتن رافض يرخص
وعلق اكثر من 1600 ريال ...
عمليات معلقة وجربت بالفاكس نفس الشي...

يقول لي مشكلة تخويل من البنك.. والبنك يقول ماعندنا مشكلة ومو واضح ان العملية من مين بس تظهر معلقة..


:anger2:

الأهلي يعاني من مشكلة

أنا لدي ثلاث بطاقات من البك الأهلي و كلها تعاني من نفس المشكلة المشكلة هذي حصلت من أكثر من 25 يوم

كلمت البنك الأهلي عن هذه المشكلة أكثر من 5 مرات

[Alhawe Graphic]

أخواني ...
اللى يواجهة مشكلة في البطاقة .. من حيث تعليق المبالغ ..
يراجع عمليات البطاقة ... والالتزامات المادية اللى على البطاقة ...
لان تعليق المبالغ والمشاكل اللى تواجه البعض .. تكون بسبب المطالبات المالية اللى على البطاقة ...
يعنى شركة تأجر منها .. ويكون الدفع عن طريق السحب المباشر من البطاقة .. ويكون بدون علمك ..
بالتالي عند الاشتراك معهم .. تدفع القيمة لمدة وبعدين يتم التجديد تلقائي .. تسحب الشركة من البطاقة فتجدها فارغة .. فبالتالي المبلغ يتعلق اللين ما انت تودع المبلغ ويتم ايداعه في حسابهم ...
اتمنى تكون وضحت الفكرة ...
لانى انا استخدم بطاقة الانترنت عادي مافيها مشاكل .. ولما سألت أكثر من شخص يعلمون في البنوك عن فكرة التعليق للمبالغ .. اتضح ان تعليق المبالغ يكون بسبب التزامات ماليه على البطاقة ... عشان كذا يتعلق ...

[alotaiby]

طيب اخوي ,,

ليش مهي مقبوله كثير بالشركات

خاصه توشيك ؟؟

لان عندي وحده مستحيل اشتري بواسطتها من التوشيك

[دكتور / مجنون]

شباب انا استخدم بطاقه الاهلي و جربتها مع قودادي و امازون فقط و كانت من افضل ما يكون


بالنسبه لتعليق المبلغ فإلى الان ما فهمت السالفه !!!

اما بالنسبه للـ 200 ريال و اشتريت بـ 1300 ريال .. فهذي قويه بحق البنك

[r7all]

طيب شباب موقع اينوم مايقبل البطاقه ولمن حاولت اشحن رصيدي اعطاني الرساله
Credit card was declined. Declined:XXSP: - This may be due to a bad credit card verification number or date.
There was an error pre-authorizing the credit card
There was an error refilling the account.