ما اتردد بين تكويني لذاتي وانعدامـه

[SlaM1]

استعدوا حان وقت البدء وانتظروا كلامه
مصمم مبتداء يصحـيني وانا في عز نومي

جـا براسي له سؤالٍ صعب وآثرت اهتمامه
لاهو ابعد من تخيلكم ولا اقرب من لزومي

وش تظن يصير غالي لا تراخصت الكرامه
يالبعيد اللي علومه تضـطرب لا جت علومي

والبنادم لا يعيش ان كان مسلوب احترامه
لو ملك ثروات الامم ما زدت سومــي

والليالي علمتني شي عن مبدا السلامه
مثل ماهي علمتني شي واجد عن سلومـي

ودك انك تعرف الرجـّـال ..؟ خاوه (_يالخمامه)
كلمةٍ جتني من اقصى جد تفتل لي وتومـي

قلت اجرب .. رحت اخاوي .. قلت يادرب السـلامه
واللّه اني بـآخر ايامي تضيـعني نجومـي

و ودي اسئل ..ليه نركب بس في (ذروة سنامه)
وان لقيت ان السنام بْـدون ذروة.. ليه اشومـي؟

طـيب .. و ليه اللسان حصان والمربط كلامه
كبوته فيها احتمال يقوم ولاّ ما يقوم

يرجع ويدرس مبادي الخوف من خوف النعامه
وين يلقى مدفن لراسي اذا حس بـقدومـي ؟

بالمواقف ترتفع هامه مثل ما اتـطيح هامه
مثل ماهذا يـُسـمى ديـك .. هذا ديـك رومـي

ما اتردد بين تكويني لذاتي وانعدامـه
جعل من يرخص بنفسه طـيِب .. يومه بعد يومـي

الخـصيم اللي تشوفه خـصم من مبدء خـصامه
ليه اخلي نظرتي تنزل الى دانــي خـصومـي ؟

وسط راسـي له كثـير أشـيـاء ماهي من مقـامه
لا يجــادلني وراس اغلى بـشـر هذي عــلومـي

وســـلامتكم
SlaM1

[الريس]

صـــــح لــســانــك

[الشبري]

مميز












بس لو كنت حاطه بالقسم العام افضل

لا تقول ادارةسوالف الاخوslam1بيقلب لنا قسم التجارة والتبادل الى قسمنثر اشعار التجاره

[Q8uS]

اولا يا اخ سلام

يمكن في خاطرك تقول هذول ما يدرون وين ربي حاشرهم

لكن واضح ان القصيدة تحكي موقف حصل لك

مع شخص اخر واغلب الظن انه مصمم ايضا

والقصيدة جزله واللي مميزها المعاني فيها واضحه يفهمها اللي يفهم بالشعر والغشيم فيه

قصيدة طيبة وجزله منك طال عمرك

لكن ودي اعطيك ملاحظة فيه

عندك بيتين

كلهم ختمتهم بكلمة السلامه

ومن عيوب القصايد انك تحط نفس الكلمة في نهاية بيتين

واتمنى النقطة ذي واضحة

ويمكن انك ما انتهبت لها

ومن الابيات الرائعة
---- ---- ---- ---- ---- ---- ---- ----
يرجع ويدرس مبادي الخوف من خوف النعامه
وين يلقى مدفن لراسي اذا حس بـقدومـي ؟
---- ---- ---- ---- ---- ---- ---- ----
بس فيه خطا كتابي اذا ماني غلطان في هالبيت والخطا هو تغيير كلمة (لراسي) بكلمة (لراسه)

جزلــــــه ووافيه

واذا فيه شعار نتمنى انهم يردون او يجارون هذه القصيدة لكن لازم تشرح لنا او تقص لنا الموقف اللي حصل معك عشان يقدر الاخوان انهم يجارونها او يردون عليها

وشكرا لك جزيل الشكر

اخوك : فهد الزعبي

[ابوساري]

بسم الله الرحمن الرحيم
وكل عام وانتم بخير وعيد سعيد

ابيات شعريه جدا رايعه وهذ ما عرف عنك يا سلام وان

[ابوساري]

بسم الله الرحمن الرحيم
وكل عام وانتم بخير وعيد سعيد

ابيات شعريه جدا رايعه وهذ ما عرف عنك يا سلام وان

[aser]

السلام عليكم
القصيده هذي لها مقصد وانا على ما اظن اني اعرف هذا الشخص الي تقصده اخ سلام1

انا تعاملت مع هذا الشخص ولم ياتي منه قصور
وانت كذالك

وطلبت منه ان احاول احل المشكله الي بينكم
ولان اطلب منك ان اتدخل بينكم لعل وعسى ان تصفى القلوب


واسف على المداخله


aser

[رمضان كريم10]

الله يخلي لسانك
بالمررررررررررررررررررررررررررررررررررررررررة طيبة

[العابر]

الكريم اللي تعدى بالكرم حد الغمامه
----------------- ما يدوّر .. في دروب التيه تدنيس الهدومي
وأن لقيت الدرب يمه لا تسائل وش علامه
----------------( لا تخلي نظرتك تنزل الى دانــي الخـصومـي )
:
:
:

أما قبل .. وأما الحين

كتب ردا ً كان مسترسل (لمدة) خمسه ابيات .. وعندما راجعت نفسي وجدتني أخطأت في قافيه العجز

وعليك أن تقبل ما سلف حتى وان ضمنت .. شيئا لك بشئ لك .

..... والعافين عن الناس .....

ياسلام .. صح راسك ...

تحية جميلة