يا هلا بأهل التصميم والذوق ........ طلب تصميم مجلة إسلامية

[سوالف]

السلام عليكم والرحمة

ما شاء الله عليكم مواضيعكم راقية وتصميماتكم رائعة الصراحة, حقيقة متابع لهذا القسم بإستمرار, وأحب أسلم على جميع الأعضاء المساهمين ومنهم الصديق جي ماستر و أخوي الضراغام (الصراحة رائع بتصميماتك البرقية) وأخوي الأغريقي هوميروس والفنان عبالعزيز صادق والمحارب والفيصل وما أنسى الزعيم بويوسف والجميع ... ولا أنسى الأخوات روضة وشادن وعنود الصقر ....

وأقولكم شكرا لكم على مشاعركم الطيبة وأخلاقكم العالية

أوكيه, ألحينه طلبي وإن شاء الله ما يكون ثقيل عليكم, أريد تصميم لمجلة إسلامية راقية ...

إسم المجلة بتكون : الشجرة الطيبة

تصميم المجلة كالآتي: التصميم العام والترتيب بيكون بالضبط مثل مجلة سوالف سوفت وإللي موجوده على العنوان التالي.

http://www.swalif.net/softs/index.php

إللي أريده هو الجزء العلوي من المجلة, لأنه باقي الأجزاء عبارة عن مواضيع بالضبط مثل مجلة سوالف سوفت.

أحد الأخوات جزاها الله كل خير وهيه الأخت جيون الله يحفظها قامت بتصميم مجلة الشجرة الطيبة ولكن هذا التصميم يوجد به صعوبة في تحديث الموقع وتجدونها على العنوان التالي.

http://www.swalif.com/tree/web/tree1.htm

وأيضا قامت مشكورة بالمساهمة بالتصميم الجديد :

http://www.swalif.com/tree/tree2001/tree.htm

حقيقة الألوان راقية وتعجبني

مرة ثانية أخبركم بالمطلوب, مطلوب تصميم للجزء العلوي ولازم يحتوي على إسم المجلة الشجرة الطيبة ويمكنكم إضافة صور ليكون التصميم مميز وبشكل إسلامي وحبذا لو يكون تصميم بسيط وراقي

إن شاء الله أشوف بعض المساهمات في هذا المجال, شكرا لكم

[MaRWaN]

والله نفسي اخدمك ولو بعيوني لكني بصراحة ماعرف شيء تصميماتي على قدي بسيطة جداً (((((((

[سوالف]

موافق إني آخذ عيونك, متى إن شاء الله تعطيني إياهم

الصراحة شيء مفرح أطلب تصميم وأحصل شيء غالي مثل العيون.

تسلم والله

[عنود الصقر]

أستاذنا سوالف بحاله عدنا يا مرحبا يا مرحبا...

والله توني من يومين أقول أنه الاخ سوالف مو معطينا ويه بالقسم هذا
وانه قسم البيرل والسي جي اي ماخذين عقله
بس يلا لنا الله

تحياتي لك استاذي ولك كل التقدير والاحترام منا

بالنسبة لطلبك أكيد الكل حاب يخدم أنت بس عطنا فرصة بتدبير اللازم لك.. وما يصير خاطرك الا طيب

بس عندي سؤال اذا ممكن.. هل ممكن نضع بعض الفلاشات نصية الجميل كتداخلات بالتصميم

يعني مجرد فكرة

تحياتي لك أختك عنود الصقر

[عنود الصقر]

أستاذي .. الي فهمته الان بعد رؤية التصاميم المقترحة
انه المطلوب عمله HEAD للصفحة الرئيسية او المجلة

طيب خلنا نحصر الموضوع على هذا... عشان يكون في تنسيق بالعمل
حابة أعرف مقاسات الراس المطلوب عمله
ولون الخلفية للمجلة العام

هذه متطلبات بالنسبة لي ضرورية
اوه !!! نسيت أسأل شو المطلوب كتابته فيها

تحياتي لك مرة اخري استاذي سوالف

[سوالف]

المطلوب Head بالتمام والكمال

حقيقه قسم السي جي آي إنقعطت من الكتابه فيه لإنشغالي في أمور أخرى والحمدالله الجماعة مب ملاحظين إني أكتب هني

كنت حاب اكتب مواضيع في قسم الديزاين بس ما عندي تصاميم وبطايق وإذا عندي أستحي أعرضها, نحنا ما نقدر نوصل مستواكم, ما شاء الله عليكم

المواصفات كالتالي:

العرض: حوالي 640 والسمك 75 بكسل

الكتابة إللي فيها: الشجرة الطيبة

اللون ما عندي علم وعلى ذوقكم

الفلاش بيكون جميل,, ياليت فيه ديزاينات إسلاميه

[عنود الصقر]

عولم ... يا عم سوالف ولا يهمك فالك طيب
ما طلبت غالي

وفلاش إسلامي يا عم سوالف... شو يعني هو ما نخلق الا للاجانب
إسلامي وغصبن عن الي يرضى والي ما يرضى

تحياتي لك استاذي

العنود

[عنود الصقر]

اوه تذكرت أستاذي المقاسات الي طلبتها ما تنفع تكون HEAD
لانه هذي مقاسات بانر ومب HEAD

يعني لو تخليني أسوي مقاس إفتراضي وبعدين شوفه شرايك؟

لانه عرض الصفحة يكون اكبر من 640
المفروض يكون أقل شي 800

تحياتي لك استاذي

أنا عارفه إني طوشتك
بس تحملني حد قالك دش عندنا ووتوهق

العنود

[عنود الصقر]

أستاذي العزيز...

هذا العمل سريع.. وعلىالطاير
شوفه بشكل مبدأي
انا سويته بالفلاش لكن اذا تبي العمل فقط جرافيكس
خبرني... طبعا كل شي فيه قابل للتغير وانما خذ فكرةعن الالوان المطروحه وكذلك فكرة العمل
اي اضافه او نقصان انا بالخدمة
تحياتي لك

على فكرة :إذا تحب تشوفه على الصفحة الأساسية خبرني
عشان ارفع الصفحة علىالنت

<embed width="700" height="130" src="http://mypage.ayna.com/al3anod/ISLAMIC.swf" quality=best wmode= type="application/x-shockwave-flash">


<embed width="460" height="75" src="http://mypage.ayna.com/al3anod/ISLAMIC.swf" quality=best wmode= type="application/x-shockwave-flash">

[سوالف]

سمحيلي صغرت حجم الهيدر في الشكل الأول, كان مخلي عرض الموضوع كبير, طبعا أقدر أعدل في مواضيعكم متى ما أريد

طبقته في صفحة مستقلة على هذا العنوان:

http://www.swalif.com/demo/1.html

حقيقة أنا أشوف التصميم جميل ولكن ما يشجع يكون هيدر لمجلة إسلامية, اللون غامق جدا وما أحبذ الخلفيه السوده, كفكره وترتيب وتصميم وتنسيق جدا جميل ما شاء الله عليج.

حقيقه أشوف الخلفية السوده مب مريحه للتصفح وتلفت النظر وايد أثناء قراءة المواضيع, وبعدين الهيدر وايد عريض ماخذ كل الصفحه هاهاها

التصميم بستخدمه حق بانر دعايه للمجلة

بخصوص عرض الهيدر, خبرتج إني أريد 640 بيكسل, لأن التصميم لازم يتوافق مع عرض الشاشة المثبت على حجم 640 * 480

عرض البانر هو 486*60 في العادة ويختلف بكم بيكسل

لو تقدرين تغيرين لون الخلفيه السوده لأي لون ثاني وحتى لون الخطوط,ومثل ما قلت الترتيب جدا جميل بس عيبه الألوان

مشكورة ما قصرتي

[عنود الصقر]

اخي العزيز سوالف...

ولا يهمك المهم تكون راضي عن العمل لانه طبعا المجلة ترجع لما تشوفه وترغبه فيها

بالنسبة للالوان لو تفضلت تكرمني بارقام الالوان... مثلا الي تفضلها
يعني اي لون على سبيل المثال

وبالنسبة للعمل هذا خله واسوي لك واحد غيره بانر يكون اكشخ

المهم اي شي تبيني اسويه واقدر عليه باذن الله ما اقصر

يمكن بس لاني احب الالوان الغامقه مستمرة عليها
ونسيت انه غيري ممكن ما يحبونها

تحياتي لك

[بويوسف]

كان ودي اساعد بس اعتقد المذكور اسمائهم يكفون ويوفون وفيهم البركة ..

[alfdany]

<embed width="650" height="146" src="http://mypage.ayna.com/alfdany/shg1.swf" quality=best wmode=transparent type="application/x-shockwave-flash">

[سوالف]

لو عندي فكرة في الأوان بخبرج, بس للأسف ماشي أفكار بالمره ولكن ألوان الأخت جيون الأخضر مع الأصفر جميل ولكن فيه شيء غير مريح مب عارف شو.

أهم شيء البساطه في العمل وما يكون معقد ووايد ملفت, صعب والله الإختيار والتصميم

بانرات المجلة أكيد ما بتقصرين فيها, مشكورة

[سوالف]

تصدق عاد يوم أكتب الموضوع حسيت إني نسيت إسم وإسم مهم جدا طبعا نسيت الزعيم بويوسف, يا هلا ويا مرحبا.

زين أنا بودي تساهم في فكرة أو تسوي شيء بسيط تراني أطلب خدمة منكم والذوق عندكم يا أهل التصميم والديزاين.