السلام عليكم ورحمة الله وبركاته ،،
بعد عدة نقاشات تناشقت معكم في عدة مواضيع :nice:
أضافني أمس أحد الأشخاص من سوالف سوفت على الماسنجر .. وعندما قام بإضافتي كنت موجودا على الماسنجر بنفس الوقت وقبلت إضافته ولكن !!
قال : السلام
قلت : وعليكم السلام ورحمة الله وبركاته
قال : الاخ !! ماسنجري !! ؟
قلت : حياك الله اخوي معاك
قال : ماتعرف تختار أسماء حلوة بالمنتدى ؟!!
قلت : لا والله عندك اسم حلو ممكن اغيره ؟
قال : انا ما ابي اكثر كلامي معاك شوف :
قلت : اشوف ايش مو شايف شيء ؟
قال : تراني طفشت من نقاشاتك بسوالف وكل يوم تطرح نقاش واللي يقول انك فاهم شيء بالمواضيع هذي خلك بالمنتديات العامة اصرف لك
قلت : تصدق ما ادري انا بس كذا كنت أكتب
قال : شوف انت الحين فتحت موقعك وخلاص اعتقد ماراح تكتب نقاشات بعد كذا صح ؟
قلت : هذا شيء راجع لي اكتب ولا ما اكتب بس انت وش رأيك اكتب ولا لا ؟
قال : اتمنى لا تكتب ويريت لو تكلم أحد المشرفين يعمل لك باند لأن مالك مكان بسوالف :funny:
قلت : لو تعرف أحد المشرفين كلمه وشوف يمكن يوافق يعمل لي باند
قال : كم عمرك ؟
قلت : كم تتوقع ؟
قال : اتوقع انك بزر ماتزيد عن 12 سنة
قلت : ما ادري بس اعتقد 9 سنين بس لازم بعدين اروح اتأكد من العمر الصحيح بالبطاقة
قال : شوف قسماً بالله العظيم لو شفتك تكتب أي نقاش آخر بسوالف راح اخترق موقعك ومنتداك
قلت :أعلى مافي هاكرك اركبه :funny: على غرار : أعلى مافي خيلك اركبه
قال : طيب نشوف
قلت :خير ان شاء الله
قال : انقلع يالله خلاص ما ابي منك شيء
قلت : ماتبي قالب مجاني من موقعي ولا شعار ترى يفيدك بعدين
قال : انقلع ما ابي منك شيء لا انت ولا موقعك
قلت : شكراً بس يريت تعمل دعاية لموقعي
هههههههه وبكذا انتهت المحادثة بيني وبين ....... ما ابي اقول اسمه :funny: بس على فكرة ماعملت له لا حظر ولا حذف ولا شيء لأنه يمكن بيوم من الأيام يقول تتبادل معي إعلانيا؟
انا ابي اقول معقولة وصل حالنا لهذه الدرجة اكتب مواضيع مفيدة وواحد يجي يقول لي كذا وانا ابن امي وابوي :eek2:
يعني ابي اعرف هل أخلاق الرسول صلى الله عليه وسلم كانت كذا ؟ وهو أمرنا أن نقتدي به ويكون هو قدوة لنا ؟
هذا ما اردت قوله فقط لا غير والمقصود بالموضوع لو قام بقراءة الموضوع راح يعرف نفسه .. وانا راح اعطيه الرابط عالماسنجر
ابي اسألكم بكل صراحة :
تبوني اكتب مواضيع ولا ماتبون ؟ ولا تبون كتابة طلب وطلب وطلب
تحياتي لكم