المشاركة الأصلية كتبت بواسطة web4w4w
السلام عليكم ورحمة وبركاته
الاخوه الكرام ...
قمت بطلب استضافه خاصه للقوائم البريديه وقام بالرد على موضوعي احد الاعضاء
قمت باضافته والتحدث معه وقال لي انه يملك استضافه خاصه بالقوائم البريديه ومصرح بها فقلت له كيف هل يمكنني الارسال بدون مشاكل؟
قال لي نعم قلت له اوكيه احب اجربها قبل لا ادفع حتى لو اجربها على الاقل يوم او يومين ... قال لي بالنسبه لتجربه انتظر علي شوي
علشان بيكلم احمد تهامي صاحب موقع
http://www.es2h.com قال لي انه شريك مع احمد تهامي بالسيرفرات والموقع
جيت يوم اخر وكلمته وش حصل ؟ ... قال لي انا بيني وبين تهامي مشاكل ولا يقدر يعطيني استضافه اجربها وبعدين قال لي ما فى تجارب وخاصتا للقوائم..... قلت اوكيه
واتفقت معاه استضافه شهرين بقيمة 150 ريال .. طلب مني احول له على الويسترن قلت له لا اعرف بالتحويل على الويسترن
قال لي : ابيك تشتري لي اربع دومينات طبعا دومينات من شركة اطياب قيمة الدومين 38 ريال يعني اربع دومينات تعادل قيمة الاستضافه
اشترط اني اسجل الدومينات على حسابه اي على ايميله ولوحة التحكم عنده قلت ما فيه مشكله
وخلال ساعه تم حجز الدومينات واستلم لوحة التحكم وارسلي معلومات الاستضافه
جيت اجرب الاستضافه احاول اركب القائمه لا تركب حيث في نفس السيرفر عدة مشاكل في السي جي اي
وبعد كذا راسلته ولا رد وقابلته على الماسنجر وعلمته مشكلة الاستضافه قال لي : انا بحل المشكله انتظرني
وكل ما قابلته وعلمته وش صار على المشكله ان شاء الله بحلها هذا رده لي
وانا على انتظار
تقابلت مع احمد تهامي وكنت اول مره اتكلم مع احمد تهامي وسألته انا اخذت استضافه من احد شركائك واحس انه نصب علي .....عطاني استضافه ما تعمل فيها القائمه
تفاجئ اخوي احمد وقال لي من هذا الي يقول انه شريكي ومعطيك استضافه قوائم بريديه عطيت احمد ايميله وعرفني عليه .. قال لي انه لا شريكي ولا حاجه هذا مجرد معطيه ريسلير مجاني فقط لا غير
ولما عرف اخوي احمد تهامي جزاه الله خير طلب مني ان اكلم النصاب واسترجع الدومينات او الفلوس لانه راح يغلق الريسلير لخلافه بالقوانين
قام اخوي تهامي باغلاق ريسلير هذا النصاب ... قابلت النصاب بعد فتره وسالته ليش تكذب علي وتقول انك شريك تهامي وليش تقولي انه السيرفر مصرح بالقوائم انت كذبت علي
ليش هذي المعامله معاي ..؟
ويحاول تجنب الرد على اسئلتي بعدم الرد لفتره طويله ويتجاهلني دائما وبعد كثرت محادثاتي معه وطلب منه الدومينات
قال لي: ارسل لي رقم حسابك
وسوف ادفع لك فلوس الدومينات بعد يومين وارسلت له المعلومات للحساب ولا حول المبلغ
ولما قابلته قال لي اسبوع وبحول وانتظرت اسبوع ولا حول المبلغ
وبعدين قال لي ثلاث ايام وبحول وانتظرت ولا حول حاجه
وبعد تقريبا اسبوعين رديت على احد مواضيعه بسوالف وقابلني وقال لي لما ابيع الموقع اخذ فلوسه وارسلها لك ولا وصلني شيء منه
دائما ارسله واحاول ارد على مواضيعه ابيه يحس
يرد علي بسوالف: انا لا اعرفك ولا تعاملت معاك
والى هذا اليوم وانا ارسل على جميع ايميلاته واكلمه هاتفيا ولا يرد ولا حاجه
يعني بالله عليكم وش الحل معاه هذا على الاقل يسترجع الدومينات هنا امامكم ولا ابي منه شيء ثاني كذب علي وقال لي انه شريك تهامي ونصب علي بتعامله
انا والله ما ودي اكتب اللي حدث بيني وبينه هنا دائما احاول اقدم الخير واصبر لكن ما في فايده
لي اكثر من شهرين ما شفت منه شيء
وارجو من ادارة سوالف انها تعذرني على هذا التحذير والحدث اللي اكتبه فناتج هذا هو توقي الحذر من امثال هذا النصاب وغيره .. فما لي الا الله ثم ارائكم .؟
لكن احب يعرف حاجه لو امتنع عن استرجاع حقي او نكر كلامي هذا
إنه أول ما يسأل عنه العبد يوم القيامه هو حق الاخرين وإذا ما إستلمت حقي فأنا لا أسامحه أمام الله يوم الحشر الأكبر
رد مع اقتباس
