المشاركة الأصلية كتبت بواسطة Mido
السلام عليكم ورحمة الله وبركاته ..
مبدأيا طبعاً شكراً للأخ mezoo على طرحة الموضوع ..
واحسن تعليق بصراحة شفته لحد دلوقتى تعليقين ..
تعليق الأخ فوجا اللى حسسنى وبكل صراحه انه اعلم بشؤن مصر واعلم بأهلها أكثر منا نحن اهلها ..
لما قال : يعيش مبارك لفتره ثانيه ويسقط عملاء امريكا !!!!! هذا كلامك ضد دستور دولتكم أولا .. ثانيا هل تعتقد أن الرئيس حسني مبارك هو أفضل مفكر سياسي أو إقتصادي في مصر .. هل تعلم أن مصر تجد فيها مالا يقل عن مليون عبقري سياسي وإقتصادي لو تسلم الحكم سترجع مصر مثل زمن الرخص والبساطه والحرية ..
وعجبنى برضه تعليق الأخ إنترنت بلس لما قال : أخي الطاووس .. لم يعودوا يسجنون من يقول "لا إله إلا الله" .. أصبحوا يسجنون من يقول "لا" فقط الآن ..
-=-=-=-=-=-=-=-=-
اللى بيحصل دلوقتى يا سادة ماهو إلا مهزله ..
مهزله بمعنى الكلمة ..
واللى يغيط ويحرق الدم .. تقرير الصحافة المصرية فى اليوم اللى بعده والأخبار اللى فى التلفزيون ..
كما ورد فى الأخبار المحلية " الصحفية خلعت ملابسها أمام عدسات الكاميرا " ..
" صحفية قامت بتعريه جسدها أمام حشد من المواطنين أثناء عملية الإنتخابات " ..
لو انا صحفى وبكتب الموضوع دا حكتبه زى ما حصل بالظبط .. وهو كالآتى
المانشط " صحفية تم تعريتها أمام لجنه الإستفتاء " ..
انطلقت هتافات المواطنين تقول لا لا .. ولكن هذه الـ " لا " لا تعنى رفض القرار الموجود بالإستفتاء ولكن تعنى لأ غيروا صيغه الإستفتاء ..
حيث جاءت صيغه الإستفتاء كالتالى : هل توافق على تعديل المادة 76 من القانون وإضافة المادة 91 ..
نعم ... لا
فإذا أختاروا نعم .. إذن نجحت الحكومه فيما يريدونه .. وهو التعديل لما فيه مصلحتهم .. إحم .. أقصد مصلحة الوطن ..
وإما لو اختاروا لا .. فسيعنى العودة إلى المادة القديمة وهى اسود واضل سبيلاً ..
المفروض يا سادة الصيغه كانت تأتى على النسق التالى :
هل توافق على طريقة تعديل المادة 76 من الدستور ..
او هل توافق على صيغه التعديل ؟!
نعم ... لا ..
وبهذا إذا قال الشعب لا .. يمكن تعديله ..
ولكن كما قال السيد احمد فتحى سرور فى جلسه المناقشه لمجلس الشعب ..
الموافق على المادة التى أقرها المشرع .. يتفضل برفع يده ..
موافقه ..
التى اقرها المشرع ..
اى التى تم إقرارها ولا رجعه فيها ..
والمشرع يا سادة هو رئيس الجمهورية ..
-------------
نرجع تانى لموضوعنا بتاع الصحفية ..
اثناء المظاهرة ..
وأمام لجنه الإستفتاء ..
كانت قوات الأمن المركزى تحاوط المتظاهرين ..
واطلقت الحكومه كلابها .. من البلطجية والنساء ..
بلطجية مسجلين سرقة وخطف واغتصاب ..
ونساء بلطجية برضه مسجلين أداب ودعارة وغيره..
اطلقتهم عليهم ..
وماذا كان دور قوات الأمن المركزى ..
الحقيقة قاموا بدورهم كويس اوى
قاموا بدورهم فى الحماية ..
حماية البلطجية ..
=-=-=-=-=-=
السيدة اللى فى الصورة اللى شالوها وهبدوها وقلعوها هدومها ..
اغمى عليها ..
فوقوها بكلونيا لقت هدومها مقطوعه وعريانه .. راح مغمى عليها تانى ..
والصحافة الجميله بتاعتنا .. تقول ..
سيدة تتعرى امام كاميرات الصحفيين ..
ياخى ... ولا بلاش ..
وانتهى المقال ..
والأخ اللى بيقول 4 قدام الريس ..
يا حبيب قلبى ..
يا روحى
يا عنيا ..
يا ضنايا يا خويا ..
تنفع مطلع أغنية
4 خيال مأته ..
منهم السيدة المحترمة بصراحة .. " نوال السعداوى " الهى ربنا يورينى فيها يوم ..
بأفكارها الجميله ..
قال ايه يعنى لما نعرض افلام إباحيه فى التليفيزيون ..
ولا لما قالت إن الحج وثنيه ..
اااه ..
كنت حقوم اولع فى التليفزيون والدش والديكودر ..
بس خفت على الديكودر عشان ديجيتال مش انالوج ..
اساسا انا عندى اريال 9 قنوات ..
------------------------------------------------------------------------
الله المستعان ..
وربنا يرحمنا برحمته ..
وشكراً يا ميزو عشان خليتنى اتفك شوية بدل ما انا قاعد بضرب نفسى ..
والسلام عليكم