تكفون مساعده .. << شخص مبتدئ

[CSI]

السلام عليكم ورحمة الله وبركاته


تخبرون مشكله اللي توهم يتعلمون بالمنتدياات


المهم يا جماعه الخير انا ابي فزعتكم

عندي استفسارات من شخص مبتدئ

يا ريت تساعدونا .. واكون شاكر لكم

هي صحيح اشياء تافهه لاكن تحملونا شوي :shy:


اول مشكله .. هي لما تضيف موضوع تعدل توقيع ،،،، الخ
ما تحصل القوائم كامله يعني ناقص شغلات مثل كود الصور + الفلاش + الريل وغيره البلاوي الثانيه

وهذي صوره للي بالنسخه حقتي

واذا كان هاك . يا ريت تطول بالك ياللي بتعلمنا وتقولنا طريقه تركيبه << :shy: :shy:

والمشكله الثانيه الاعضاء لما يجون بيرفعون صورتهم الشخصيه .. ما تطلع لهم خيار الرفع وهو موجود بـ منتدى اخر وهذي صوره توضح





:shy: :shy: :shy: :shy:

ادري ان اسئلتي مالها داعي لاكن قلت لكم مبتدى ولا اعرف شلون ..

واللي بيكمل جميله يعلمنا شلون نركب هاك اخر عشر مواضيع

:shy:



الله يجزاكم خير تكفون فيدونا الله يجزاكم خير

[bahrain-ca]

افا عليك اخوي كلنا كنا مبتدئين وتعلمنا من بعض .. خلنا نبدأ من البداية :


1- بالنسبة للأشياء الناقصة .. اخوي انته يمكن تقصد الصندوق الماسي .. واعتقد موضوع اخوي ( العندليب ) بيفيدك جدا في هذي الناحية ،، اتبع الرابط التالي :

http://www.swalif.net/softs/showthread.php?t=119345




2- بالنسبة للسماح بالأعضاء برفع صورهم الشخصية بأنفسهم .. تقدر تسمح لهم بهذا الشي من خلال لوحة التحكم اخوي ،، تابع معي الخطوات :

- ادخل الى لوحة تحكم المشرف العام admincp .

- روح عند ( مجموعات ) واختار ( ضبط إعدادات مجموعة الأعضاء ) .

- اختار مجموعة الأعضاء الي تريد تسمح لهم يحملون صورهم الشخصية واعتقد بتكون ( Registered Users ) .

- بتطلع لك صفحة طويلة عريضة فيها خيارات كثيرة .. انزل الى عند ( ترخيص رفع الصور الشخصية ) .

- بتحصل في بداية المجموعة ( يستطيع رفع صورة رمزية ) حط عليه نعم واختار المساحة والحجم الي يناسبك .

- بتحصل تحته بشوية ( يستطيع رفع صورة شخصية له ) حط عليه نعم واختار المساحة والحجم الي يناسبك .







3- بالنسبة لآخر 10 مواضيع .. عادة ما يكون هاك آخر 10 مواضيع مرفق مع الاستايل يوم تركبه .. اذا ما كان مرفق خبرني وان شا الله بندبره لك .. واذا كان مرفق تركيبه سهل جدا .. بتحصل ملفين صغار حملهم داخل مجلد vb وانتهى الموضوع ..






واذا واجهت اي صعوبة تراني حاضر

[CSI]

يعطيك الف الف الف عااافيه ما قصرت ..


جزاك الله الف خير


ياغالي بالنسبه لـ هاك اخر عشر مواضيع .. كيف اركبه ووين احصله

[bahrain-ca]

هذا هاك آخر 10 مواضيع جميل جدا ويركب على جميع الاستايلات ..

الهاك موجود في المرفقات .. حمل الملف الموجود بداخل الامتداد vb/admincp .. وبعد ما تحمله اذهب الى الرابط التالي :


www.XXXX.com/vb/admincp/lastsetup.php



ضع اسم منتداك بدلا من XXXX .


وبتحصل تعليمات تركيب الهاك هناك .



بالتوفيييييييق اخوي





خالص الود والتحية ،، أخوك ( أبو محمد )

[NetWork]

مشكور اخى على المساعدة