المشاركة الأصلية كتبت بواسطة أبوهيثم
السلام عليكم
هذا رد للاخ ويقول نزله
بسم الله الرحمن الرحيم
والصلاة والسلام على اشرف الانبياء والمرسلين وبعد،،،
السلام عليكم ورحمة الله وبركاته
اولا شاكر للاخ الحيدان صاحب شركة النخبه للاستضافه والتصميم على طرح مشكلته هنا والحمد لله على كل حال
واشكر اخي الكريم اللذي قام بتوصيل كلامي اليكم وارجوا من الله العلي القدير ان يتجاوز عنا وعنكم
بالنسبه لموقع السياده
فكنت اتمنى من الاخ الحيدان انه يوضح الموضوع بكل مصداقيه ووضوح حتى يتسنى للجميع معرفة الحق من الباطل
موضوع موقع السياده يتخلص فيما يلي:
اتصلت بالاخ الحيدان وهذا الكلام قبل او اكثر من 8شهور وقلت انا اعجبت بتصاميم النخبه واتمنى منكم تصميمه واستضافته وقم بحز دومنين اثنان عن طريقه
الاول syadah.com
والثاني alsyadah.com
بالفعل قام بحجزه واعطيتيه مواصفات وشروط التصميم والشكل الذي اريده بالفعل
قام بتصميم صورتين واطلعني عليها وطلبت منه التعديل وحصلت لي حاله وفاه رحم الله امواتنا واموات الجميع مما جعلني خلال اسبوعين لا استطيع الدخول الى الانترنت اتصلت بالاخ الحيدان واعتذرت منه لظروفي وبعد انتهاء الظرف قمت بالاتصال به واواع المماطله الدعم الفني مشغول ومره يقول عندنا مشاريع ومره يقول الان بدخل وبشوف الوضع ومن هالكلام
عدى الشهر الاول وحنا على هالمماطله وكل مااصتل يعطينا من هالرخيص قلت يمكن الرجال يماطل لاني ماحولت له المبلغ حولنا له حق المساحه والدومينات قلت اشوف التصميم بالاول واكلم الباقي
اخينا في الله كان ساحب ومطنشني تدرون ليه كان يصمم موقع مرسى الاحلام ومرسى الخليج وعدة منتديات وانا معطيني اشكل لا احترام لكلمته ولاغيره ووعوده مانفذها والتصميم من حقي لانه ذوقي ولوني واختياري وطلبي وش يكون فيه
كلمت شركه اخرى وحجزت المساحه ودومينات منها
www.alsyadah.com
www.s4s5.com
وبمقابل المبلغ اللذي دفعته للحبيب حق المساحه والدومينات اللي اطالبه فيها لحد اليوم وهو مطنش لانا مو قده والا مدري وش السالفه عشان مرسى الاحلام تطنش الرجال ؟
اخذت التصميم وعندي مايثبت ذلك من ايصال الحواله لمؤسسة بوابة الحاسوب
ولو كنت تحترم كلمتك كرجل كان وفيت بوعدك وكان تكلمت منذ الباديه ماتجي بعد سبعة اشهر لان الموقع بدا بطريق النجاح تحاول تدميره للاسف اني عطيتك في يوم من الايام الثقه
ومن باب الحق والخوف من رب العالمين الى الان مازال تصميم النخبه يتوج التصميم ورابطه ايضا ولو انا مثل ماتقول اخي الكريم حرامي وكلب مثل ماقلتي على الجوال كان مسحة النخبه ونسبته لي ولا فكرت لافيك ولا غيرك لكن هذا جهدك وتشكر عليه ومن باب العدل اسمك يضل عليه
وبالنسبه للشخص اللي تقول اتصل عليه مدري كيف جت اتصل عليك وتصميم وموقع كل هالمشاكل اليوم !!!!! فيها شيء من الكيديه ؟
والان امام الجميع اذا تريد مبلغ مادي من عيوني تبي اشيل التصميم شلته ولاهمني تبي اقفل الموقع قفلته ولا تشيل هم
اما انك ترسل رساله على الجوال ويوم اتصلت عليك تهدد واني ولد الحيدان ومن هالخرابيط الرجال ماتتهدد اولا وثانيا كلنا اولاد 9اشهر وثالثا انت تقول تحجب موقعي عن طريق مدينة الملك عبدالعزيز ومن دولة قطر ومن دولة الامارات انت تفكر هالمدن وهالاساتذه على امرك او على كيفك او انك منصب وراعي نفوذ مستغل معارفه اظن موقعي مافيه شيء يخل بالاداب ولا المحرمات
واقولها وامام الجميع كلمتك لي ووصفك لي اني كلب وراح تجيب رقبتي انا اتظرك بفارغ الصبر واسف على تجاوزي الحدود ايها الاعزاء لكن بالاحترام كل شيء يصير والادب فضلوووووووه على العلم واذا كان الاخ اللحيدان الله عطاه موهبة وتميز تصاميمه هذا مايعطيه الحق ان يضع اولاد الناس كلاب بعينه ويتلفظ بالفاظ بذيئه
واعيد واكررامام الكل
اذا تريد مبلغ مادي من عيوني تبي اشيل التصميم شلته ولاهمني تبي اقفل الموقع قفلته ولا تشيل هم
لكن قلة ادبك ووقاحتك شوف لها حل عشان الله عطاك منزله ومكانه بالنت تستهزي بالناس ؟ليه ؟ ومن عطاك الحق ؟ تفكر الدنيا فوضه انت ماخذك الغرور وراح يجي يوم تعرف ان الله حق وان الكل سواسية
تدرون ياجماعة الخير ان الدومينات اللي عطيتهsyadah.com & alsyadah.com حقها فاتحها بنفس التصميم موقع شخصي لقريبه !!!!!!!!!!!
حبيبي شوف مجاملات ونجاح على ظهر غيرك راح يوديك بداهيه لا انا ولاغيري يقدر يسوي شيء بس فيه شيء اسمه رب العالمين راح ينصف كل واحد .
بالنسبه للي يقول عرب توك وماخذ تصميمه
اولا ياعيوني لو عندك غيره على دينك وعلى وطنيتك ماراح تلومني
ادخل وشوف بعينك السب والشتم وصل الى سب الرسول صلى الله عليه وسلم بقبره بل وصل الى ارحم الراحمين عز وجل وتعالى عما يصفون وصاحب الموقع مبسوط وكلمته الف مره ولكن مافاد الكلام معه
انا مجرد انسان بسيط يحاول بمحاربة الفساد القائم بعرب توك وخبث صاحبه وتشهيره ببنات خلق الله والكل جالس ويناظر محد قدر يقله عيب والا حرام عليك
انا انافس بطرق شريفه وواضحه واتمنى من الله التوفيق وليس منك ولا من احد
ولا بغيت اغير التصميم غيرته وهذا حق من حقوقي واختار اللي يعجبني
تحياتي واسف ان بدر مني غلط ولكن مجرد توضيح للامر وننتظر طلب الاخ الحيدان مالذي يريده
التشهير ام التظلم ام فرد العضلات والسلطه لمكانته ؟
وانا مستعد للتنفيذ لكن انتبه زلة اللسان ولا زلة القدم
والشكر للاخ الذي اوصل كلامي
ودمتم بالف ود
صاحب موقع السياده وعرب هوك
حسبي الله ونعم الوكيل
والسلام عليكم ورحمة الله وبركاته
ابو طلال
وصلتني كما هي وتم انزالها كما طلب الاخ
اخوكم / ابوهيثم
