بسيطه اخوي ,,,
نفرض ان عندنا صورة بامتداد GIF اسمها sample.gif تبي تكتب عليها.
1. اول شي نكون الصوره و نحطها بمتغير عن طريق دالة imagecreatefromgif بهذي الطريقه :
كود PHP:
$image = imagecreatefromgif('sample.gif');
2. نكوّن لون الخط اللي نبي نستعلمه على الصوره عن طريق دالة imagecolorallocate :
كود PHP:
$fontColor = imagecolorallocate($image, 255, 255, 255);
اخر ثلاث ارقام ترمز لقيمة للالوان الاساسيه اللي استخدمناها لتكوين اللون اللي تبيه (احمر و اخضر و ازرق) و القيم تكون بين 0 و 255 . اخترت 255 لكل الالوان بحيث يتكون لنا اللون الاسود و يتخزن بمتغير fontColor
3. تكتب الكلام اللي تبيه عن طريق دالة imagestring بالطريقه هذي :
كود PHP:
imagestring($image, 4, 5, 5, 'This is my Image - USA', $color)
بسيطه جدا. اول شي الصوره اللي بتكتب عليها , ثم نوع الخط (اعتقد كل ما زاد الرقم يكبر الخط) , ثم الاحداثي السيني و الصادي اللي يبدا منه الكتابه (يعني بدال 5, 5 لو حطيت 0,0 بتبدا الكتابه من الطرف الايسر العلوي). ثم اخيرا الكتابه اللي تبيها و لون الخط.
4. على افتراض ان الصفحه بتطلع الصوره بس , نرسل header للمتصفح عشان نقول له ترا هذي الصفحه بتعرض صوره عن طريق قيمة الـContent-Type :
كود PHP:
header('Content-Type: image/gif');
5. و اخيرا نعرض الصوره بالمتصفح :
كود PHP:
imagegif($image);
و بكذا تكون كتبت على الصوره (لكن بالانجليزي , مادري كيف بالعربي). اذا كنت بتستخدم صورة امتدادها غير GIF , مثلا JPEG , فكل اللي راح تسويه انه تبدل كل شي (حتى باسامي الدوال) فيه gif الى jpg, و نفس الشي مع صور png. يعني دالة imagecreatefromgif راح تصير imagecreatefromjpg ,و هكذا..
ممكن تكون فيه اغلاط بالكود (لاني ما جربته) , بس راح اذا تواجدت فراح تكون بسيطه.
اتمنى يكون ردي فادك,,,