مساء الخير
عندي اثنين ستايل .
نفس التصميم
نفس حجم الصور
نفس الطول والعرض
نفس المقاسات
الأختلاف فقط باللون
المهم أنا طالعت الهدر لهم كلهم . زي بعض نفس اللي هنا هو هنا في الهدر حق الأستايل الثاني
قلت بشيل ذا السطرين من واحد منهم
$spacer_open
$_phpinclude_output
شلتها وعملت حفظ
رحت واستعرضت المنتدى من الأستايل اللي أنا شلتها منه .
شدعوى ما شفته يوم فتح من السرعة ما شاء الله
أفتح الأستايل الأول اللي ما شلت من الهدر حق السطرين
لقيته زي العادة ما تغير شي يفتح شوي شوي
معقولة ..
عكست الوضع شلت السطرين من الثاني . ورجعت سطرين الأستايل الأول
رحت أجرب أستعرض الستايل اللي كان سريع . لقيته رجع يفتح شوي شوي مثل ما كان
أستعرضت المنتدى من الأستايل الأخير اللي شلت من السطرين . لقته صار أسرع مثل الأول يوم شلت منه السطرين . وسرعة بفرق
قلت لا يكون فيه خصائص تروح ولا تشتغل بالأستايل اللي تشال منه
جرب كل الخصائص . للأعضاء والمشرفين والمراقبين والمدير . وكل الهاكات شغالة
قلت بنتظر لوقت ثاني . يمكن النت . سرعتها تتغير . جربت الصبح اليوم
جربت العصر ..
جربت قبل شوي . ما تغير شي اللي أنشالت منه سريع . واللي موجودة فيه مثل العادة شوي شوي
غيرت الجهاز . دخلت من طريق المحمول . نفس الشي . واحد سريع واحد مثل ماكان
أذن وش سالفتها ذا السطرين . اذا لها تأثر على سرعة المنتدى . ولا لها تأثير بخصائص المنتدى
$spacer_open
$_phpinclude_output
سؤال يسدح نفسه وينتظر أحد يطاه على بطنه بجواب مقنع
تحياتي