برنامج شات جديد يحتاج لفطاحلة المبرمجين

[php]

من بيتطيع تعريبه وبدون عيوب ويعلمنا على طريقة التركيب


هذا هو البرنامج


http://ralfchat.de/download/chaten.zip

[_-*الفيصل*-_]

والله ياخوك لو كنت فاضي والله كنت عربته لك .. ولكن اسمح لي والله مشغووووول هاذي الايام .. وان شاء الله اذا خلصت من شغلي (وماعتقد اخلص الحين) بعربه ..

وبعدين الاخوان بسوالف ما يقصرون .. وبقول لك .. ليش ما تعربه بنفسك ..

ترى التعريب مب ذاك الشبح المخيف والشئ العظيم كما يعتقد الكثيرين .. لا بل التعريب من اسهل الاشياء .. كل اللي عليك اذا ما بغيت انك تعرب سكربت .. اذا كان بالبرنامج التعريب من ملف واحد .. افتحه .. ودور الكلمات الانجليزية مب كلها طبعا طبعا انته تقدر تعرف لانها تكون بين وسوم معينة مثلا:

<p/> <p>

وايضا تكون ظاهرة من نسق الكلام .. تستطيع اكتشافها بمجرد النظر .. حتى لو لم تكن لك خبرة بهذه البرامج او حتى بلغة html
اما اذا كان التعريب يجب أن يتم من جميع الملفات .. تكرر نفس العملية السابقة لكن بفتح كل ملف وتعريبه..


... يعني شئ جداً سهل .. وياريت تحاول وتجرب .. لانك كل ما جربت أكثر .. بتتعلم أكثر..


تحياتي...مغرم دبي...الفيصل

[php]

الفيصل مب التعريب امر سهل في نظرك ونظري طيب قدام الكل اتحداك يالفيصل تعربه

[_-*الفيصل*-_]

ههههههههههه والله ظحكتني اخوي php شوف اخوي .. ان يوم قلت لك حاول تعرب .. كان قصدي .. انك تتعلم وتستفيد على العموم ما علينا ..

وطبعا قصدك واضح وقصد مب التحدي .. بس كنت تبغي تستفزني علشان اعربه ... وانا والله كنت ببدا بتعريبه على هاذي الوصلة :
http://www.dubailover.net/cgi-bin/chaten/chat.cgi

.. بعدين قال لي اخوي الوطواط الله يجزاه خير..


انه عربه زمان .. ولقيت البرنامج من تعريبه بسوالف على هذا الموضوع http://www.swalif.net/softs/showthre...?threadid=1958

فقلت مافي داعي اعربه

ومثل ما اقول دايماً البحث زين والاعتماد على النفس أزين..

هههههه وبعدين حبيبي مثل ما قلت لك التعريب زين..حاول تعرب بنفسك .. وبتتعلم ...



تحياتي..مغرم دبي..الفيصل

[snake]

انت ياphp شكلك توك صغير عشان كذا باكلمك على قد عقلك انت تدري انت الاخ الفيصل معرب منتديين واوتورانك ونــــــاشرها في منتدى سوالف مجاناً المنتديين منهم منتدى phpBB والثاني ناسي اسمه وجاي تتحداه او بالاحراء تستفزة عشان يعرب برنامجك استح على دمك على الاقل الواحد اذا جا يطلب يطلب باحترام وصدق من قال الي استحوا ماتوا.

[مثير]

هل قصدك يا خوي هذا انا عربته ولكن مب كامل مع العلم اني زودت فيه أشياء كثيره مثل الصور وغيره ومع الايام بتكون له وظائف كبيره
http://www.motheer.net/chat2/chat.cgi

[زائر]

ههههههههه أقول يا اخوي تراك يبت البلا لنفسك عيل تتحدى الفيصل هههه
الفيصل صاحب أفضل تعريب لاوتو رانك على الاطلاق
مافي احلى من تعريبه واتحداك
لا و phpbb و xmb
يا حبيبي والله المفروض تكون اكبر من كذا
المهم ترى تعريبه سهل مرة ولولا اسلوبك الهمجي (ان صح التعيبر)
كان اخونا فيصل اقرب فرصة عربه
شفت شلون خربت على نفسك
بعدين قول لي انت وش تعرف تسوي عشان تتحدى
يعني لو مثلا تعرف تصميم مثل الفيصل
لو تصمم لو 1% من تصاميم الفيصل
لو تنسق نصف تنسيق الفيصل
لو تتكلم بنصف اسلوب الفيصل
كان قلنا يا ولد مشها له
لكن اشوف توك جديد مالك ولا 12 مشاركة وجالس تنافخ
على بالك حنا فينا شي في عقولنا
الا ما شاء الله على بعضنا فطاحلة ما شاء الله
المهم يا فيصل ولا يهمك ترى شكله توه لك عليه مشها هالمرة
بس لا تعرب البرنامج له عشان يتادب

[_-*الفيصل*-_]

يا شباب أول شئ أشكركم على المساندة وبعدين بلاكم خذتوا الريال بشراع وميداف يمكن الريال منقهر يبغي التعريب وتعب من كثر ما يدور ومحتاجه ضروري اضطر يقول هذا الكلام..

على العموم اخوي ما حصل الا الخير وانا بالخدمة..


تحياتي...مغرم دبي...الفيصل

[زائر]

يا رووووووحي على التواضع كبير والله كبير يالفيصل

بصراحة بصراحة
اعتقد لهنا كفاية وش تبوني اقول

[_-*الفيصل*-_]

خجلتني والله يا دارت *_* الله يخليك ويسلمك.


best regrads ... dubailover ... alfaisal

[php]

السلام عليكم هلا والله الفيصل كيف حالك ههههههههههههههههههههه

عرفت قصدي يالطيب

بس الشله هاي ما تخلي النايم نايم ولا الواقف واقف

اعنبو بليسكم شرحتوني وصلختو جلدي ن عظمي هي هييييييييي
ترا الفيصل اخو عزيز وغالي كل اللي قلته له حسيت انه ابتعاده او ان الرجال انشغل وحبيت اقوله اخوي تراك ابتعدت عنا ولكل ناس اسلوبهم في المزاح الاخوي ولكل ذوق فهم معين وصدق المثل اللي يقول لولا الاذواق لبارت السلع

اخوي الفيصل اذا هذول الاخوان جزاهم الله خير حسسوك باني متهجم عليك فوالله اجيك ابوس راسك ياخي السبب انت عرفته وانا لولاه ما سطرته بحرفين او ثلاثه فارجو ان لا تغفل عن سوالف معقل الرجال الاقويا وانا وانت وغيرنا من الاخوان هنا لخدمة العرب الطيبين
اللي مثل الاخوان معنا في هذا الملف انا مثلا جبت برنامج وانت مثلغا تعربه لهم والخوان الثانين بعد لا نحدد احد بل كل من معنا انسان ينفع غيره

ارجو من سيادة الاخ الفيصل ان يعتبر كلامي هذا باني اخ واطلب السماح من اخي الكبير

تحياتي للجميع

مب العيب ان الانسان يخطي العيب التمادي في الخطاء

اخوكم الصغييييييييييييييييييييييييييييييييييييييير
php

[_-*الفيصل*-_]

ههههههههه والله ياخوي ههههههههه انا زعلان كثير قبل شوي كتبت كلام يهز الجبال عشرين ثلاثين سطر .. وقبل ما ارسله .. علق الجهاز

فخلاص مب مشكلة .. بعطيكم التلخيص

التلخيص اخوي اننا اخوان وما بيننا شئ واي شئ تريده انا حاضر وممنون ومن عيوني ..

وكلنا بخدمة العرب والمسلمين ..



تحياتي...مغرم دبي...الفيصل

[الإماراتي]

مثير و php
وكل واحد ركب وبيركب البرنامج

راجعوا درس التركيب
لأنكم كلكم كلكم كلكم مغلطين
وكاشفين اشتراكات الأعضاء
لازم تعطوا تراخيص لاشتراكات الأعضاء حتى ما يقدر الكل يشوفها !!!!!!!

الدرس
http://www.swalif.net/softs/showthre...threadid=13259

[مثير]

تسلم يا خوي الاماراتي على هذا التنبيه وجزاك الف خير
لكن انا ماخذ احتياطي وهاي النسخه الجديده اللي انا مركبنها وتختلف عن السابقك تمنياتي لك التوفيق

[الإماراتي]

مثير .. وأنا ليش قلت اسمك يعني !!!

مثير 5108
nokia335 0504444692



أقول البقية ولا لا

بالمناسبة
هل هذي اشتراكات أعضاءك ولا أنا غلطان
http://www.motheer.net/chat2/data/nicks


مع تمنياتي لكم بحمايات موفقة