بـــــــــــــــــــــــــ 13 ـــطاقة

[عسليه]

وهم حطيت البنية بروحهاعلى شورك

[bufatima]

السلام عليكم ورحمة الله وبركاته
الأخت عسلية سوري مو هاذي مستواك راجعي نفسك؟؟؟؟؟؟؟؟؟؟

[عسليه]

قولي من فضلك وين الغلط علشان اعدله واجنبة مرة ثانية ؟

[bufatima]

السلام عليكم
استحملي اللي بيجيك أنتي اللي جبتي لنفسك خذي
1 الصور ككل وايد غامجة
2 الشدو وايد وايد خففيــــــــــه مره
3 استخدمتي صورة البنت من قبل
4 ليش امخليه الخلفية البيضة أتبين
ها كفاية أتوبين عن هالتصاميم وترجعين مثل ماكنتي عسلية اللي بدت تصعد درجة درجة لايغرك مديح الجماعة مع إحترامي للكل فالظاهر أن كثر المديح ......
لاتستعجلين النجومية ياعسلية وأصعدي خطوة خطوة حتى لو أنك بتحطين كل أسبوع لوحة واحدة أفضل من أنك أتحطين كل يوم لوحة أو ماتعطينها حقها.... أوف تعبت يدي
لاتزعلين مني ياعسلية انا آبغيك أتصيرين أحسن وحدة
مرة ثانية لاتزعلين تره ماقدر على زعلك

[G-Master]

الاخ العزيز بوفاطمة .

قد تكون محق في ان الظلال غامقة اكثر من اللازم .. اما عن كون اللوحة غامقة .. فلست معك لسبب بسيط و هو نوعية شاشتك قد تكون بحاجة الى معايرة لانه ما اراه غير ما يراه الاخرين .. اما عن استخدام نفس الموديل في عمل اخر فلا يمنع كون العمل الجديد يحمل نظرة جديدة و فكرة غير المستخدمة في عمل سابق .. و لو لا لم تستخدم الخلفية البيضاء مع الظل لما برزت اللوحة حيث ان اللون الابيض اعطى اللوحة البعد الثالث كونه يمثل الخلفية و يبقى التركيز على العمل .. و في العادة مناظر الغروب يجب ان تكون غامقة و مقاربة لجو الغروب الحقيقية .. كما ان انعكاس لون الشفق على جانب وجه الحسناء اضاف الى العمل الكثير من الواقع ... اما ما غاب عنك فهو اختلاف زاوية ظل اللوحة و زاوية ظل توقيع عسلية فكان يجب على عسلية ان تتنبه لذلك في المستقبل .


عسلية .. لوحتك فيها الكثير من الرومانسية و الدفء .

[bufatima]

السلام عليكم
الأخ G-Master بعد التحيه
1 لو لم تكن شاشتي معيره لما رأيت أعمال عسلية السابقة ومدحتها والظاهر ياأخي أن شاشتك ...
2 بإمكان استخدام البعد الثالث للوحة بدون خلفية بيضاء وذلك بتحويل الصورة إلى Gif لإستخدام الأمر ترانز بيرنسي
وبالله التوفيق
أخوك بوفاطمة

[PHOTOGRAPHER]

لاأريد ان أفتي كثيرا في موضوع التصميم ..لأن هناك من هو مطلع على هذه البرامج بشكل متخصص ولكن كراي شخصي..ارى أن اللوحة لو استخدم فيها اطار بسيط بدلا من الظلال على الجهه اليمنى لكان أكثر راحة للعين بحيث لاتتشتت..ولااخفي عليكم أن التصميم يقترب كثيرا من (بوستر الافلام) اكثر منه الى البطاقة..الالوان في الصورة -كما يظهر لي في الشاشة(دخلنا في أزمة شاشات!!) - مناسبة..وهناك تناسق بين الالوان ..واوافق الاخ G-master في ان ظل التوقيع مغاير لظل الخلفية الصورة....
التصميم بحاجة الى رتوش اضافية بسيطة....لاأكثر...وحذف التفاصيل غير المهمه كالظلال الجانبية...
photographer

[عنود الصقر]

كل الي تسويه يا غاليه حلو

ويكفى انها عاجبتنج
يعني الصج انا شفتها حلوة
وبالنهاية هي سالفة اذواق

سلمت يمناج يا غالية

اختك العنود

[وهم]

طبعا يا عسليه العمل حلو ومرتب

ولكن ما ادري ليش الشباب طايحين بالصوره فيها وفيها

السالفه وما فيها انه شوف
الي خلا الشباب تشوف تغير في الصوره هوه شي بسيط انه الطول والعرض الي رسمت به اللوحه مختلف عما تعودنا عليه فهذا الي خلا النظره تتغير وبعدين ما يحتاي بس تغيير في الطول والعرض شوي يعني يزيد العرض ويقل الطول على كم لمسة تغيير في الظل وصدقوني وجهة نظركم كلكم بتتغير

جربي يا عسليه ما يحتاي خمس دقايق
وبشان استخدامك للصوره مره ثانيه صراحه لا ارى فيها من غلط وارجو من اخي العزيز بوفاطمه ان يراجع نفسه شوي

(( مجرد وجهة نظر )) طبعا لن اعلو على اساتذتي مثل جي ماستر والشباب

[actrôn™-x]

ااا ..
اضافة بسيطة .. حاولو استعمال النسبة الذهبية في رسوماتكم ..
النسبة الذهبية هي 1.618 طبعا نسبة طول وعرض وكل شي في الرسمة .
هذه حقيقة علمية ثابته..
وشكرا !!

[bufatima]

السلام عليكم ورحمة الله وبركاته
أشوف الكل هاب فيني يمين أويسار أنتو مافهمتو قصدي زين؟!
آنه قصدي أنكم ماتمدحون البنت على أي عمل أنتقدوا أشوي أنتقاد حقيقي علشان ترتفع كفاءة البنت ويعلى مستواها مو بس فالحين مدح مدح مدح
ولاتواخذونه ياجماعه تره كلكم عزيزين على قلبي
في أمان الله

[عسليه]

ما شاء الله ما شاء الله متى ستوا هذا كله
ربي لا يحرمني منكم اخواني
والله فرحت بردودكم لي كلها حنان وطيبه
بصراحه فى هذى الوحة كنت اتعلم اسوي ظلال خارجي للبطاقة
وما قدرت اتحكم فى المقاس ما ادري ليش
وفعلا ظلال التوقيع غير مقنع ومش حلو
باذن الله مرة ثانيه بحاول اكون اكثر دقه
علشان ارضيكم ,,,,ان شاء الله اقدر بس

[Q8CaSh]

عسليه عملج فعلا عسل .......



بس ملاحظه صغيره اختي الخلفيه البيضه ما عجبتني
والناس اذواق يا عسل ...


الله يوفقج اختي