كيف تحمي ملفات موقعك من السرقة وشفاطين الباندويدث والسطو المسلح

[mkman]

السلام عليكم ورحمة الله

بعد كثرة السطو المسلح على المواقع في الايام الاخير وخاصة بهالعشر الاواخر من رمضان حسبي الله عليهم وطلب الناس للمال مهما كان مصدره لو هو حرام حاولنا انقاذ الناس بالشرح التالي

كيف تحمي موقعك من السطو المسلح :

عن طريق لوحة تحكم موقعك ابحث عن زر كما في الصورة تحت اسمه
HotLink Protection



بالضغط عليه تطلع على التالي ضع بالمربع اسم موقعك هنا
لا يسمح لاي موقع انه يستعرض الملفات او ينزل الملفات او الصور الا المواقع اللي عنوانه بالمربع مثلا
لو كان عندك موقعين وحاط مكتبة ملفات على موقع والتحميل على موقع ثاني حط عنوان الموقعين كلهم علشان يسمح لموقعك يحمل اما غير الموقعين حقينك ماراح احد يقدر يحمل اي شي


بعدين انزل تحت شوي تلقا التالي



في المربع الاول حط الامتدادات اللي تحب تمنعهن من السرقة مثلا شف انا حاط zip و rar بينهم شرطة تقدر تمنع تحميل الصور مثلا انك تحط gif jpg بس لا تنسى تحط بين كل امتداد وامتداد شرطة وحط كل الامتدادات اللي ماتبي احد يسرقهن بعدين بالمربع
الفاضي اللي تحته مباشرة حط الرابط اللي مثلا لو حاول ا حد يدخل على الملف مباشرة راح يوديه للصفحة اللي انت حاطه
لو حطيت عنوان الموقع راح يوديه مباشرة للصفحة الرئيسية للموقع
لو حطيت عنوان صفحة مكتوب فيها مثلا " عيب عليك ياقليل الادب"
راح يوديه له وهكذا

بعدين اضغط على الزر اللي فوقه السهم وراح ينحمي موقعك بمشئة الله تعالى

مع تحيات ابو صالح

[7laa.com]

بارك الله فيك

وجزاك الله الف خيــر

[محبوب ياسين]

للأسف الشديد موقعي على سيرفر ويندوز ولوحة التحكم من نوع Plesk فما الحل بلييييز :con2:

[chating]

يعني اخوي اذا وضعت عنوان موقعي وش يصير بزبط يعني ما يقدر الزوار يحمل الصور الموجودة عندي في البوم الصور و ما يقدر ينزل النغمات يلي عندي ؟؟؟؟؟ هل هذا المقصود الصراحة ما فهمت ؟؟؟؟

ياريت تشرح لي أكثر ما عليك امر
وشكرا لك

[صُهيب]

طيب لو حبيت الغيها وشلون؟
وعندي قسم البرامج بمجلة نيوك ابي احمي البرامج احط بس امتداد zip ?
وهل معناه انه مايقدر يحملها الا اذا دخل موقعي؟
طيب اذا ضغط وش تجيه من صفحه؟
وشكرا لك

[Alhawe Graphic]

قم بإنشاء ملف .htaccess
وأرفعه الى المجلد الذي ترغب حمايته ..
RewriteEngine on
RewriteCond %{HTTP_REFERER} !^$
RewriteCond %{HTTP_REFERER} !^http://(www.)?domain.com.*$ [NC]
RewriteRule .(gif|jpg)$ - [F]


قم بتغيير الصيغ الى الصيغ التى تريد منعها ....
تحياتي لك

[mkman]

لا مهو كذا

اللي بموقعك يسوي كل شي مثل المعتاد لكن

لو عندك ملف فيديو حاطه لزوارك اللي يجي يشوفه اوكيه

فيه واحد يجي يسوي بموقعه ويقول فلم فيديو تعالوا لموقعي شوفوه وحاط رابط للفيديو لكن رابط التحميل سارقه من موقعك ..
يعني اللي يحمل الملف يطلع له موقعه هو لانه بموقعه ويشهر موقعه وانت اللي ينزلون منك الملف ويشفطون الباندويدث حقك وهم مايطلع لهم موقعك ولا احد يدري عن موقعك لكن هذاك يستغل موقعك بحيث انه هو بالواجهة ومن الخلف انت اللي تنشفط ..

مثل كثير من مواقع التحميل وخاصة اقلاع سوفت الله يقلع ضروس راعيه ياما طلعوا روحي ..
مسوين لي فيها موقع تحميل برامج وهم يسرقون الروابط من مواقع خلق الله ويشفطون باندويدثهم .. كم مره قفلوا علي الموقع ..

ابو صالح

[internet]

يعطيك العافيه اخوي مغترب

ولكن برامج التحميل تتغلب على الهوت لينك

يعني لو استخدمت مثلا برنامج Download Accelerator في تحميل من موقع مفعل الهوت لينك راح يحمل مباشرة وبدون مشاكل

هل هنالك حل لجعل التحميل يكون فقط من موقعي او منتداي ؟

[sheva]

يعطيك العافيه اخوي مغترب

ولكن برامج التحميل تتغلب على الهوت لينك

يعني لو استخدمت مثلا برنامج Download Accelerator في تحميل من موقع مفعل الهوت لينك راح يحمل مباشرة وبدون مشاكل

هل هنالك حل لجعل التحميل يكون فقط من موقعي او منتداي ؟

ولا برامج ولا شي

كلها بالزر الايمن وحفظ باسم وجعلك سالم

[mkman]

انا والله مشغله تمام وضابط معي وافتكيت من جد

[ZaeeM]

وخاصة اقلاع سوفت الله يقلع ضروس راعيه ياما طلعوا روحي ..


يحول راعيه وش دخله الاعضاء هم السبب

لكن مشكور يالغالي علي شرحك هذا وانا صراحه مليت الباندويدث كان يخلص بالسابق لكن خليته مفتوح وارتحت لكن

ابي اللي يشوف مقاطع يجي لم الموقع لان المقاطع اللي عندي حصريه انا اللي اصورها والصور كذلك

يعني لقينا الحل مع اني كنت ابيه سابقاً

[مبرمج قوي]

طيب اذا الواحد ضغط على الرابط الي من موقعي وهو في موقع آخر وش يطلع له ؟؟؟؟ ينقله لموقعي أو يتلف الرابط أو... ؟؟؟

[kin11g]

مشكووور وماقصرت

على الشرح الرائع

تحيتي

[saudi lover]

عفوا مالقيت العبارة هذى فى لوحة التحكم ؟.؟؟

مع العلم انى استخدم لينكيس ؟؟
اي اجدها وشكرالك ؟؟؟

[haamas]

تسلم اخوي على المعلومه

وربي يوفقك

تحياتي لكم

haamas