شرايكم بقودادي GODADDY؟

[KuwaitNET]

السلام عليكم و رحمة الله وبركاته

سؤال غريب ها؟ :nice: ولكن لو ندقق شوي فيهم ما تلاحظون انهم وصلوا للمركز الأول بسرعة رهيبه اللي وصلت انه يتم تسجيل ما يقارب ربع مليون نطاق إسبوعيا!
http://www.webhosting.info/registrar...istrars/global

كل واحد يحط فكرة خل نتحاور فيها و ان شاء الله بعد كم رد اضع استنتاجي

بالتوفيق

[جوردن هوست]

شوف
بعد تجربه قديمه مع الجودادي

الجودادي جيده في مجال الاستضافه

بس يستحيل انك تامنها على دومين

سيئه جدا في مجال الدومينات والحمايه عندها ضعيفه

خدماتها مشتته وماعندها تركيز

بس قويه في مجال الاستضافه

بالنسبه لقنص النطاقات انسى موضوعها

[(محمد)]

الشركة حسب ماسمعت سابقا انها ماتقبل لك تبيع الدومين اقل من اسعارها

[q8up]

والله كل شركة لها سلبيات واجابيات وصدقني للحين مافي شركة بالعالم كاملة الكامل وجه الله سبحانه فقط
كل كل شركات الاستضافة والله تقريبا جربتها كلها مشاكل لازم يطلعلك شي يعكر مزاجك المشكلة مو مشكلة اينوم ولا قودادي ولا شركة بول المشكلة بالعرب ليش مايسون خدمات استضافة عربية مو وسيط يعني السيرفرات والاستضافة وسرعات السيرفرات عربية مو نحجز من الغرب وتعال ترجم وتعال ارسل ايميل لو كان الاستضافة من العرب على طول كان كل واحد دق سلف سيارته وراح للشركة على طول وسلامتكم

[KuwaitNET]

ولكن الشركة تميزت بالنطاقات حسب ما تشوفون 10 ملايين نطاق عندهم كتسجيل وليست استضافة

[Suliman1]

أعتقد إن السبب في وصولهم للستوى هذا عدة أمور:
1- الإعلانات والإغراءات اللي يضعونها عندما تقوم بحجز نطاق. يعرضون لك النطاق بالإمتدادات الأخرى مع بعض المزايا، يعرضون نطاق باسمك الأول أو الأخير أو كليهما، وهكذا.
2- طفرة info أعتقد إنها استغلتها بشكل كبير جدا، وسوقت لنفسها ومنتجاتها في تلك الفترة.

[KuwaitNET]

السبب الأول احد الأسباب

السبب الثاني ماله شغل لأن اصلا قودادي ما وفرت نطاقات مجانية على امتداد info حتى بوقت الفتره المجانية


للحديث بقية ان شاء الله...

[الشبري]

بالنسبه لي,

ادمنت على التسجيل في GoDaDDy

بعد ماصارت منهم مواقف وكنسلوا كم كريدت عندي وبالاخير قبلوها .

وكل شهر اسجل مابين 4-8 نطاقات , وفي شهر واحد اعتقد سجلت تقريبا 20 نطاق

وكلها نطاقات اعجبتني وقودادي سهلتلي العمليه .

وحتى بالشغلات الثانية الي تتعلق بالدومينات من خصائص الدي ان اس وماخلافه , جدا ممتازه وعندهم محفزات قوية .


ويمكن عيبهم بمشاكل الدفع الي هي الكريدت
مره يقبلون ومره يقولون الباب ياسع جمل .

تحياتي

[FUN]

انا بصراحة مابسجلش دومينات الا من عندهم ادمان
ومرة قلت اغير من نفسي عشان زهفت كل شوية احجز من جودادى
والمرة الوحيدة اللى غيرت فيها حجزت نطاق واحد فقط من name.com

[Kuwaitna]

السلام عليكم
والله هالشركه ما شفتها اللى كل خير
لكن بالمستقبل مادري والله بس شغلي معاهم ميه بالميه
لكن أمور القنص هذي ماتوقع انها قويه

[Musleem]

يبدو انها نحجت بإستقطاب اليوزر العاديين

يعني نعتبر قودادي هامور سوق اليوزر بسبب اسعارهم وعروضهم


اذكر كان شخص يستشيرني بحجز الدومينات
فقال شرايك بقودادي قلت جيده
فقال انه عندهم عرض تحجز نت واورج وانفو بـ20 دولار

انا قلت له ما تحتاجهم اكتفي بالكوم

يعني عندهم اسلوب اغراء للمستخدمين
ويخلونه يشتري اشياء ما يحتاجها





اما الإستضافه فما اظن انهم بهذه القوه

اما خدمه البريد عندهم جيده

كما ان لوحه تحكم الدومين عندهم مميزه جداً
ويتم تطويرها بشكل دائم


ولي عوده للموضوع ..

[Dizaen]

السلام عليكم
اخوي بشار استغربت انك ماتعرف هالمعلومه وانك تشهد بقودادي انها قويه
وعلى فكره مو الشركه الي تحجز دومينات اتكثر او تملك اكثر دومينات اهي اقوى شركه بين جاراتها
لا بالعكس
ممكن تكون معروفه وذات اقدميه ويعرفها الكثيرين وسهلة التعامل وخصوصن في مجال لوحة التحكم
لوحة تحكمهم مميزه والي يتعود عليها او عنده 50 دومين عليها مايفكر يغير النضام لان بيني وبينكم
ذات خدمات عاليه بغض النظر عن الامان وسعر التسجيل فيها رخيص
-
لاحد يجيني ويقولي طالع سكيورتي واي لان سكيورتي واي ماخذين رسيلر من اينوم وأمان اقل
انا عن نفسي نقلت لشركه مجهوله مع العلم انني الي الآن احد المعجبين بقودادي
شكراً

[Domain]

بالنسبه لي ما اشوف انها فيها شي مميز عن بقية الشركات من الناحيه التقنيه ولوحة التحكم عاديه ورغم انها تحتاج ضغطات اكثر للوصول للي تبيه لكنها بشكل عام تؤدي الغرض منها

ماتابعت احصائيات الشركه بشكل دقيق حتى اعرف سبب الارتفاع لكن اعتقد السبب هو عروضهم الخاصه ومهارتهم الاعلانيه اللي يتميزون فيها عن بقية الشركات وبشكل أدق
* الاكثار من العروض اللي تظهر لك لما تجي تشتري اي شي بموقعهم ومحاولة جمع اكثر من شي ومن عدة انواع (نطاق واستضافه وبريد واشهار وأمان و و و..) في عرض واحد حتى تاخذ الباكج كامل بسعر حلو حتى لو ماكنت تحتاجه .. معروف ان الكثير من المتسوقين عندهم هوس لشي اسمه sale بغض النظر عن الحاجه له .. صحيح قد تكون كثرة العروض مزعجه للشخص الخبير لكنها بالتأكيد تعتبر مغريه كثير للشخص المبتدئ اللي يعتبرها صفقه ناجحه
* تنخفيض اسعار التسجيل على الامتدادات الاساسيه وبالأخص .com بعروض خاصه بين فتره والثانيه .. هذي احد اهم الاسباب انه مايزال لي نطاقات عندهم رغم اني افضل اينوم ومونيكر عليهم
* اشعار العميل بأنه اكثر من مجرد عميل كأي عميل آخر في اي شركه واشعاره بأنه راعي محل بالاكثار من الجوانب الشخصيه وهذا يظهر بشكل واضح في رسائلهم البريديه تجيك بخطاب من رئيس الشركه نفسه وتوقيعه تحس كأنها مرسله لك بشكل شخصي وانهم يهتمون فيك اكثر وهذا طبعاً راح يخليك ترتاح في تعاملك معهم وتستمر اكثر .. مدونة صاحب الشركه اللي تظهر رؤوس عناوينها بموقعهم اشوف انها لها دور نفسي ايضاً في زيادة الاحساس بالتعامل الشخصي
* بشكل صريح عندهم توجه واهتمام كبير بالبحث عن العميل الجديد والزباين الجدد أكثر من اهتمامهم بعملائهم الحاليين وأظن هذا هو سبب الارتفاع الكبير في عدد النطاقات في الفتره الأخيره خصوصاً اعلانات super bowl اللي اغرت اشخاص بتسجيل نطاقهم الأول وبداية معرفتهم بالنطاقات
* ايضاً قد يكون سعرهم الخاص لامتداد .us & .biz في فتره سابقه له دور في الحصول على مجموعة جديده او نوع جديد من العملاء

هذي المميزات ماتعني ان مالهم عيوب بعضها خطير مثل مسائل الأمان المتعلقه بالنطاقات وسرقتها والقصص في هذا كثيره وعدم تعاون الدعم الفني بشكل سريع مع الزبائن لاعادة نطاقاتهم .. وكذلك جانب آخر يزعجني وهو عدم اهتمامهم بتصميم الموقع ومن كم سنه إلى الآن ماشفنا تغيير جوهري في هذي الناحيه مثل اللي عملته اينوم بل وحتى NetSol وكل اللي قاموا فيه هو تعديلات خفيفه (حتى صورة البنت اللي في الصفحه الرئيسيه دايم يجددونها ومصرّين عليها مدري وش قصتها؟ ).. هاليومين لما سجلت دخول شفت تعديلات جميله اكثر من قبل لكن مازال بإمكانهم عمل الافضل


صحيح الارتفاع كبير وعدد النطاقات هائل الاسبوع اللي فات كان 10 ملايين واليوم اشوفه صار 11 مليون ما شاء الله
بس تدري .. أحس انك صايد عليهم شي

[User 5]

بإستثناء ما قدمه بعض الإخوة من معلومات مفيدة جداً ..
رغم إني أحجز دومينات بشكل متواصل لكني لم أفكر مرة واحده ان أحجز من godaddy
من وجهة نظري أن الأرتفاع والإتساع الغير مدروس يمكن ان يسبب مشاكل كبيرة على مستوى
الشركة نفسها وعلى مستوى العملاء .. وعن نفسي لو كنت آمناً على نطاقاتي عند شركة
enom مثلاً بنسبة 99% فإن هذه النسبه ستتقلص لو كان الدومين عند godaddy إلى 90% او أقل ..
حالياً أرى أن enom هي الخيار الأول .. ولو تجاوزتها لن أبتعد عن شركة networksolutions
لأني أعتبرها من أفضل شركات النطاقات ..

دمتم بخير ,,

[KuwaitNET]

......
بس تدري .. أحس انك صايد عليهم شي

لا بالعكس مو صايد شي, لاحظة كم شغله عليهم و قلت اشوف راي الشباب اذا مطابق لملاحظاتي ام لا