[درس] كيف نقوم بأخذ جزء معين من موقع وندرجه في صفحة خاصة بنا .؟

[almosmm]

السلام عليكم ورحمة الله وبركاته ...

كيف حالكم اخواني عساكم بخيير ان شالله ...

اخواني حبيت اقدم لكم درس بسييط يمكن شغلة الكثيير منا يحتاجها في بعض الاحيان ..

درسنا كيف نقوم بأخذ مقطع من موقع وكل يوم يتحدث على حسب الموقع ... مثلاً نقول جدول المواضيع المميزة في منتدى سوالف ..

لو اخذناه عن طريق html راح يكون ثابت وما يتحدث .. لكن ان شالله في طريقة راح نشرحها وهي عشان ناخذ الجدول نفس الي في المنتدى بالضبط .. وايضاً يتحدث مع الموقع تلقائي .. يعني إذا تغيرت المواضيع في المنتدى يتغير عندنا ...

بسم الله نبدأ ..:

اول شي نسوي ملف جديد php

في البداية ما نكتب الوسم

<?php

لإنه راح نضيف اكواد html وما راح نزعج نفسنا ونضيفها عن طريق echo وتحويل اكواد .و .و

في بداية الصفحة أضف

<!-- بسم الله الرحمن الرحيم --> 

عشان نبدأ على خير

بعدها الحين مثلاً راح نجرب على منتدى سوالف .. وراح ناخذ الجدول الي فيه المنتديات مع المتواجدون الآن وإحصائيات المنتدى ...

بعد الكود الي اضفناه ... اضف

<?php

عشان نبدأ اكواد الـ php

في البداية اضف

$url = "http://www.swalif.net/softs/index.php"; 

وهذا عنوان الصفحة الي راح ناخذ منها المعلومات ..

ثانيا أضف هذه الأكواد .. وهي خاصة بإدراج معلومات الملف الي حددناه وبداية أخذ الكود وإنتهاءه:

$string1 = implode("\n", file($url));
$string2 = explode("<!-- main -->", $string1);
$string3 = explode("<!-- end what's going on box -->", $string2[1]); 

===== الشرح =====

1- السطر الأول هو لإدراج معلومات الملف الي حددناه ...
2- السطر الثاني هو بداية أخذ المعلومات ,,, .. الحين لو رحنا على الصفحة الأولى في منتدى سوالف .. وشوف السورس للصفحة .. راح تحصل جدول المنتديات بداايته تبدأ بالسطر هذا :

<!-- main -->

اذا هذي بداية أخذ المعلومات اي انه لازم نحدد لبرنامجنا بداية ونهاية لأخذ الكود الي بين السطرين .. الآن حددنا بداية أخذ المعلومات وهي :

<!-- main -->

3- السطر الثالث هو لنهاية أخذ المعلومات وهو :

<!-- end what's going on box -->

أي انه الآن فهمنا انه لو نبا ناخذ معلومات من موقع لازم يكون نظام الموقع فيه اسطر المعلومات الي هي تكون مثلاً :

<!-- بداية التصويت -->
<!-- نهاية التصويت -->

وفي مواقع كثيرة جداً تستخدم هذي الطريقة لتنظيم الموقع ..

الآن بعد ما أضفنا الثلاث أسطر هذي
نضيف هالأسطر ايضاً :

$link1 = array("images/statusicon/forum_old.gif", "forumdisplay.php", "online.php", "member.php");
$link2  = array("http://www.swalif.net/softs/images/statusicon/forum_old.gif", "http://www.swalif.net/softs/forumdisplay.php", "http://www.swalif.net/softs/online.php", "http://www.swalif.net/softs/member.php");
$newp = str_replace($link1, $link2, $string3[0]);
echo("$newp"); 

راح اشرح هالأكواد شو فايدتهم في النهاية ..

الحين نغلق وسم الـ php ونحط هذا السطر في النهااية ..

?> 

الحين اعرض الملف وشوف شو بيصير ...

1- ممكن الكلام ما يطلع عربي
2- مافي تنسيق للخطوط
3- الصور ما تطلع الي هي جانب كل منتدى
4- رابط المنتدى والأعضاء الي في جدول المتواجدون الآن لا يعمل .. راح تحصل انه مربوط على موقعك وليس على منتدى سوالف ...

الآن نشوف شو الأسطر الأخيرة الي اضفناها

=========== الشرح =========
1- السطر الأول الي هو

$link1 = array("images/", "forumdisplay.php", "online.php", "member.php"); 

انا طبعاً أضفت هالكلام الي داخل المتغير عشان نصلح المشاكل ... اول شي اضفته الي هو

images/
وهي لروابط الصور ..

و forumdisplay.php
وهي لروابط المنتديات

online.php
وهي لرابط صفحة المتواجدون الآن

و member.php
هي لروابط الاعضاء الي في جدول المتواجدن الآن ..

2- السطر الثاني الي هو :

$link2  = array("http://www.swalif.net/softs/images/", "http://www.swalif.net/softs/forumdisplay.php", "http://www.swalif.net/softs/online.php", "http://www.swalif.net/softs/member.php"); 

راح تفهمونها ان شالله وهي .. انه اول كلمة دخلناها في المتغير الأول الي هو $link1
راح تتبدل بأول كلمة دخلناها في المتغير $link2

الي نفهمه من هالشغلة انه لو اخذنا معلومات من صفحة مثلاً راح تحصل انه الروابط مربوطة بموقعك ... ف تاخذ اول شي من الرابط مثلاً لو كان

index.php?do=aaa
راح تبدل هالكلمة بـ
http://www.aaaa.com/index.php
وما تحط
?do=aaa
لإنه لو حطيتها راح يبدل اي رابط index.php ويضيف عليه الكلمة aaa وعلامة الـ = وممكن يكون في روابط ثانية على صفحة index.php لكن مافيها السطر الي هو :
?do=aaa

اتمنى وصلت الفكرة .. والسطر الثالث

$newp = str_replace($link1, $link2, $string3[0]); 

هو لتبديل .. المعلومات في المتغير link1 بالمتغير link2 ..

3- والسطر الأخير هو لإدراج العمل الي قمنا به ..
الي هو

echo("$newp"); 

الآن راح تحصل تنسيق الكلام مخربط ...

اول شي نحول الصفحة نخليها من اليمين لليسار
ونحط هالكود بعد كلمة بسم الله الرحمن الرحيم

<html dir=rtl>

ثانياً نحط الكود هذا عشان يخلي الكلام عربي :

<meta http-equiv="Content-Type" content="text/html; charset=windows-1256" />

بعدين بالنسبة للتنسيق شوف السورس للصفحة الاولى في سوالف وانسخ اكواد الـ
css كاملة .. من بدايتها الي هي :

<!-- CSS Stylesheet -->

وحتى نهايتها الي هي :

<!-- / CSS Stylesheet -->


تم بحمد الله ...

وبهذا يكون الكود كامل مثل المرفق ....
احذف كلمة txt من اسم الملف وخلها فقط

1.php 

رابط للمثال

ارقى التحية ...

اتمنى عدم نقل الدرس إلا مع ذكر المصدر وهو سوالف سوفت ...

اخوكم
مصعب الزيني

[سيف جرافيكس]

بارك الله فيك اخي almosmm

درس رااائع ومنظم

الف شكر لك والله لا يحرمنا منك يارب

[almosmm]

الله يخليك أخي سيف اتمنى انه افادك ..

اخوكم

[أبو عبدالملك]

شكراً لك..

عمل جيد.

[jadweb.com]

جزاك الله خير شرح رائع اخوي .

[almosmm]

أبو عبدالملك

العفوو اخوي

jadweb.com وجزاك خيراً اخوي


تحياتي

[EISA AHMED]

انا أشهد انك ذيب .. جاري التجربة

واعطيك النتيجة ان شاء الله

[PHP-Master02]

بسم الله الرحمن الرحيم
========


جزاك الله خيرا على هذا الدرس الرائع
تحياتي لك

[GrEaTxP.com]

بارك الله فيك اخوي

[almosmm]

Dr.Gix

وأنا انتظرك يالغالي والحمد لله انه عجبك


PHP-Master02

وجزاك خيراً اتساذنا . يعطيك العافية على المرور

GrEaTxP.com
مشكوور يالغالي على المرور

[alsohba]

ما قصر و جزاك الله خير .. و الله إني أدور شي مثل هذا و ما قصرت في النهاية

[almosmm]

وجزاك خيراً اخي alsohba ... اشكرك على مرورك ..


اخوكم

[كاسر الأمواج]

جزاك الله خير

[almosmm]

وجزاك خيراً اخوي كاسر الأمواج ....


اخوك

[حلول للبرمجة]

مبدع ايها almosmm ربنا يزيدك ويزيدك

وجزاك الله كل خير