السلام عليكم ورحمة الله وبركاته .. كيف حالكم يا شباب ان شاء الله طيبين ..
انا حبيت اخذ رايكم بخصوص موضوعي .. انا كان عندي منتدى واخترقوه عيال الحرام من كم شهر يوم اكتشفوا ثغره الphp .. ومن يومها سكرت المنتدى والحين افكر افتحه مره ثانيه بس ابغي استشير خبراء الاستضافه والحمايه في سوالف ..
انا راح اخذ vps من شكره LiquidWeb لأن يوم اخترقوا موقعي اخر مره اكثر من هاكر اعرفهم قالولي موقعك مافيه ثغرات ابدا لكنهم مخترقين السيرفر وقاعدين يلعبون في المواقع لعب .. المهم انا قلت vps احسن لأن خاص فيني انا بس..
الحين ابغي رايكم في الحمايه .. ايش اسوي بالضبط عشان اضمن ان محد يقدر يخترق موقعي .. يعني ايش هي اصداره الphp والmysql اللي فيها ثغرات لأني ماعرفهم ..
وهل تنصحوني مثلا اخذ الحمايه من securityway.net لأنه عنده الخطه البرونزيه ادفع فيها 70 دولار مره وحده .. ولكن انا اهم شي عندي حمايه المنتدى .. هل هذه الحمايه بتكون كافيه ضد اخطار الاختراق ؟ ..
انا مالي خبره بالحمايه وايد .. لكن في موقعي ماكان عندي مركز تحميل ونسخه المنتدى ارقيها اول بأول .. وماعمر اي حد اخترق الموقع الا بعد ما نزلت هالثغره واذكر بعدها بكم يوم منتدى الليزر بعد سكروه .. ومعناها ان الثغره كانت خطيره وايد ..
الزبده وادري اني طولت عليكم .. الصراحه هالمره ابي ابتدي صح .. ومابي اعور راسي كل شوي مخترقيني .. وقلت مالي الا الله ثم اخواني في سوالف سوفت ..
اتمنى اسمع نصايحكم ..
اخوكم عبدالله