المشاركة الأصلية كتبت بواسطة nothing4u
السلام عليكم ورحمة الله وبركاته
انا برايي ان اي واحد موقعه يخترق لا يقعد يسب ويشتم ويدعي على الي اخترق الاول احمي موقعك او اعمل لنفسك احتياطات في مثل هذه الحالات اخذ باك اب وغيره وتنام وانت مرتاح
لكن اخوي موقع كبير مثل موقعك (على حد وصفك) ماخذ من جهد كبير جدا واموال كثيره ماتكون ماخذ له باك اب يومي !!! وكل السالفه خمس دقايق في اليوم !!؟؟؟ غريب الصراحه انت المحقوق قبل الهاكر يعني انت الغلطان ومثل مايقول المثل المال السايب يعلم السرقة
بعدين اخوي عندك شي غلط في مئات الالوف من المنتديات الي ماحد يقدر يخترقها ونفس نسخة منتداك ليه انت الي اخترقوك ؟؟؟ دور على هل سبب شوف انت كم هاك مرك ميه ولا ميتين ؟؟ وشوف الاضافات وشوف مراكز التحميل الي انت مركبها وما بتاخذ باك اب وكل هل امور وتيجي الحين تقول ليه اخترقوا موقعي
يعدين على فكرة وجود الهاكر هو ظاهره ممتازه جدا
ياريت ان كل يوم يجي هاكر يحاول يخترق موقعي ويقلي انا حاولت اعمل كذا وترا عندك ثغره هنا وهنا ياريت والله لان وجودهم مكمل للموقع لولا خوفك من الهاكر ما كان رقيت منتداك ولا ركبت عليه انظمة حماية ولا اخذت باك اب ولا تعلمت وحاولت تعرف طرق سد الثغرات وووو
انت لو ماخذ احتياطاتك في مثل هذه الحالات ماكان نزعلت ولا شي ومرت عليك الحادثه كانه ماصار شي والاختلاف الوحيد هو انك كنت رح تكتشف ثغره عندك بواسطة الهاكر هذا وتسدها وتسد غيرها بعد
على شو اخوي ؟؟؟ على موقع انترنت ؟؟ تراها والله ماتسوا كله موقعه انترنت الله يهديك خلك انت احسن منهم
خلنا نقول الله يهديهم يارب وياخذ بيدهم انهم يستغلوا علمهم ومعرفتهم في اشياء مفيده ويزيد في علمهم اكثر واكثر