لم هذا الاهمال يا استضافة مربع ؟؟

[web4host]

الراسم رجال والنعم فيه بس الحسودين والغيورين منه ومن نجاحه يحاولون تشويه صورته بكل طريقه

واذا كان مربع اكبر من هالامور على قولتك
بيكون قد حل المشكله وديا قبل ما توصل لسوالف
ترى والله يا اخوان انا ما كتبت الموضوع الا بعد ما شفت اللامبالاه من الجماعه
لكن الواحد مايقول غير الحمدلله على كل حال

:con2: سبحان الله :con2:

[هوست دبي]

مربع كم عدد عملائه ؟؟

معقولة هذا الكم الهائل من العملاء يراسلهم بشكل يدوي !!

لين بكره ما راح يخلص ؟

فشيء طبيعي يستخدم نظام إلكتروني لإبلاغ العميل بموعد انتهاء الاستضافة

و إذا العميل أصلاً يهمه أمر موقعه ، المفروض كان يعرف متى تاريخ الانتهاء ؟

ما ينتظر المستضيف يخبره !!!

سلام

[دهن عود]

هوست دبي
سؤال
اتصالات كم عدد هملائها؟
مه كل هذا .... لما تتاخر عن السداد يتصلون بك ويقولون لك تعال ادفع
لكن مربع اقسم بالله حتى ايميل ما وصل

[Mohammad Ali]

هوست دبي
سؤال
اتصالات كم عدد هملائها؟
مه كل هذا .... لما تتاخر عن السداد يتصلون بك ويقولون لك تعال ادفع
لكن مربع اقسم بالله حتى ايميل ما وصل

اتصالات عندها 10205477748545625844414 موظف

[NaMr]

اخوي

الاهمال جاء منك

اذا الموقع يهمك

ادفع وان شاءالله الاخوان مو مقصرين

لكن تكون مهمل وتنزل موضوع تفضح فيهم وتبيهم يرجعونلك باك اب

لا والله هذا مهب اسلوب

والله يعينك

[دهن عود]

اتصالات عندها 10205477748545625844414 موظف \

اتصالات عندها اسلوب تتعامل فيه مع عملائها
لو اي شكوى صغيره من اي زبون حتى لو كان هندي يشتغل عامل نظافه له الحق انه يشتكي للمدير العام وينصفون له
لكن ربعكم اللي تدافعون عنهم ما عنهم اسلوب حتى في الرد والكلام ع عملائهم

امحقها من استضافة

ادفع وان شاءالله الاخوان مو مقصرين

ادفع ليش انا من حقى اخذ الباك اب وماابغي اجدد عنهم غضب يعني

لكن تكون مهمل وتنزل موضوع تفضح فيهم وتبيهم يرجعونلك باك اب

عزيزي انا مثل ما ذكرت من قبل ما لحجات لكتابه الموضوع الا بعد ما شفت مربع يماطلون معي ويردون علي بطريقه كلها لامبالاه

عموما
انا وجهت سؤال لصاحب مربع وما رد علي

يا اخ مربع
مكالمه وحده للعميل ماراح تكلفك ريالين هذا اذا طولت في المكالمه
و50 هلله عن طريق الاس ام اس

فهل كلفتوا نفسكم وتتصلون فيني عشان تذكروني
حتى ايميل ما وصلني منكم

ارجو الشفافيه يامربع

[هوست دبي]

هوست دبي
سؤال
اتصالات كم عدد هملائها؟
مه كل هذا .... لما تتاخر عن السداد يتصلون بك ويقولون لك تعال ادفع
لكن مربع اقسم بالله حتى ايميل ما وصل

أي اتصالات تقصد ؟ السعودية و إلا الإمارات ؟

إذا على لاإمارات أنا أخبرك شو يسووون ؟

يطرشون لك الفواتير شهرياً على بريدك ، و تصير أحياناً و ما توصلنا فواتير ؟

نعم يتصلون لنا أحياناً ، بس منو اللي يتصل ؟ عندهم برنامج يقوم بعملية الاتصال آلياً و الكمبيوتر اللي يتكلم معاك ؟

و إذا ما دفعت قطعوا التلفون ؟

طيب اعتبر إنك أهملتهم شهرين أو ثلاثة ، حسب المدة القانوية و قوانينهم ؟

خلاص يروح عليك رقم التلفون ؟ و عقب لو تضرب براسك أربعة حيطان ما بتحصل الرقم ؟

[Mohammad Ali]

أي اتصالات تقصد ؟ السعودية و إلا الإمارات ؟

إذا على لاإمارات أنا أخبرك شو يسووون ؟

يطرشون لك الفواتير شهرياً على بريدك ، و تصير أحياناً و ما توصلنا فواتير ؟

نعم يتصلون لنا أحياناً ، بس منو اللي يتصل ؟ عندهم برنامج يقوم بعملية الاتصال آلياً و الكمبيوتر اللي يتكلم معاك ؟

و إذا ما دفعت قطعوا التلفون ؟

طيب اعتبر إنك أهملتهم شهرين أو ثلاثة ، حسب المدة القانوية و قوانينهم ؟

خلاص يروح عليك رقم التلفون ؟ و عقب لو تضرب براسك أربعة حيطان ما بتحصل الرقم ؟

نفس الإسلوب المتبع في (شركة الإتصالات السعودية).

حيث أنها ترسل لنا فواتير كل (شهرين) ، وفيه أكثر من مرة مايوصلني أي شيء نهائياً ، بما أن عندهم عدد كبير من العملاء ، لازم يصير فيه اخطاء بشكل يومي بل لحضي ، وكثير ماتوصلني الفاتورة!

وهم يخلون جهاز (كمبيوتر) يتصل عليك بشكل آلي فقط اذا كان هاتف ثابت ، أما الجوال لا مافيه للأن.

أما مسأله ان شخص يكلمك (شخص حقيقي) موظف بالشركة ويقولك سدد فاتورتك هذي مستحيلة ولا عمرها صارت بالاتصالات السعودية ولا راح تصير.

واذا ماكنت منتبه أو مسافر أو أو أو .... إلخ ، وانفصل الخط خلاص يروح عليك .... هل تقدر تطالب فيه ..؟

وكثير من الشركات العربية وأجنبية تستخدم نفس هالاسلوب وتلقاه موجود في شروطهم واذا تبي امثلة الأن أجيب لك روابط لشركات عربية كبرى وأجنبية كبرى عندهم نفس الشرط.

اذا أنتهت استضافتك وماجددت الباك اب لموقعك ماتاخذه الا لين تجدد وهذا شيء معروف مثل ماذكرت بشركات كبرى عربية وأجنبية والأمثلة كثيرة جداً.

لكل شركة أو مؤسسة نهج ودراسة تمشي عليها ، ماتغيرها بشكل نهائي ، ولا يخالفون شيء هم كتبوه بيديهم.

وبوجهة نظري أنت تتكلم مع شركة أو مؤسسة ومافيها المسأله (وقفة رجال) او (الرجال تعرف بالمواقف) أو أو ...... إلخ

يعني هالكلام هذا غير موجود ، لو انك تتعامل مع شخص واحد يمكن نقول بينك وبينه شيء !

ولكن هم عندهم شروط يطبقونها على الكل ، وماعندهم مسألة وقفة رجال وغيرها ، لأنهم اذا مرروها لك ، ليه مايمررونها على غيرك ؟ واذا مرروها على غيرك وش فايدة الشرط اللي حاطينه ؟

بوجهه نظري الشركة اللي ماتطبق شروطها الموجودة عندها ماعندها (سالفة).

[دهن عود]

و إذا ما دفعت قطعوا التلفون ؟

طيب اعتبر إنك أهملتهم شهرين أو ثلاثة ، حسب المدة القانوية و قوانينهم ؟

خلاص يروح عليك رقم التلفون ؟ و عقب لو تضرب براسك أربعة حيطان ما بتحصل الرقم ؟
هوست دبي للإستضافة و التصميم

ثلاث او اربع شهور
مب اسبوع اسبوعين

عموما
ما ابغي اصدع راسي ويا مربع والمسجلين باسامي ثانيه التابعن لمربع

الخلاصه ان الشركه طيرت الباك اب مالي بغير ان تبلغني عن انتهاء المده
على قولتها ان الرد كان الي ...... اذا كان الرد الي وما ارسل معناه ان فيه خلل في البرنامج
فهذي بعد مسؤوليتهم
هذا غير تعليقات السيرفر اللي كانت تصير
لو كنتوا بترجعون الموقع كان رجعتوه من الباك اب الشهري ولا دورتوا لكم صرفه
والاخ مربع ما عنده جرأه انه يرد على اسئلتي
شكله فالح يتهرب الله يعين عملائه الباقين
دام ان الموقع طار باهمال منكم ما اقول غير
حسبي الله عليكم يا مربع والله خير الحاكمين

[Ali Hamad]

السلام عليكم :

في البداية احب اوضح ان ردي هذا غير ملزم لا لكاتب الموضوع ولا لشركة مربع . الموضوع فقط يمثل وجهة نظر خاصه في تطبيق النظام وقوانين الشركة ( اي شركة ايا كانت ) مدام الموضوع تحول في اخر الردود الى نقاش اعتقد انه بيكون صحي بناء على ردود محمد ، هوست دبي .

اي شركة ايا كانت ملزمه بوضع شروط يوافق عليها العميل عند بداية التعامل مع الشركة ، ولابد يكون ملم بها وبحذافيرها لانها هي شريعة التعامل بينه وبين الشركة.
في حالة الاختلاف ، اي اختلاف كان ، يرجع لشروط الشركة الي وافق عليها العميل ( لاحظ وافق عليها ) اول ماسجل في الشركة .
بخصوص ايقاف الموقع او انقطاع الخدمة ، الشركة مطلوبة دائما توضح النقطه هذي في عقدها ، والشركات تختلف في الطريقة ، شركة تطلب قبل فتره معينه ، وشركة تطلب في نفس اليوم ، وشركة تعطي فتره بعد يوم ا لسداد توصل الى 5 وحتى 10 ايام .

الي يصير في اغلب الاوقات ، ان الشركة تختلف مع العميل وهنا الشركة عندها خيارات كثير غير الرجوع الى ( نص القانون ) ، اهمها الرجوع الى ( روح القانون ) . (( محمد علي ، هذا تعليق بسيط اتمنى تقبله بصدر رحب رد على الجمله : بوجهه نظري الشركة اللي ماتطبق شروطها الموجودة عندها ماعندها (سالفة). ))

روح القانون وهذا الي انا افضله دائما . لو مشت جميع الشركات على القانون ، مابقى فيه مستضيف يطلب استضافه ، لانه السر في التعامل هو التعامل بناء على ثقافة المجتمع الي انت فيه ، مثلا لو كنت في امريكا او بريطانيا او اي دولة ثانية ، لازم تعرف ان الوقت هو وقت صارم مافيه تغيير ويسموها ثقافة اللو كونتكس كلتشر ( low-context culture ) والقوانين قوانين مافيها تغيير او فلاكسبليتي ، فلما تسوي شروط ، اعرف ان العميل مية بالمية راح يتلزم فيها لانه جزء من ثقافته ، حياته ، وقته، حتى لو مابلغته راح يجي هو بنفسه لانه بالتأكيد حاسب له ، والشاذ او الغريب انه مايجيك هو .

هنا في السعودية ، كهاي كونتكس كلتشر ( high-context culture )، الوقت يتغير ، والعميل 99.99% مايتزلم ، والفلاكسبليتي هي البزنس . العميل تعود انه مايمشى على القانون او يحب انه يرتبط بشيء ، مايلتزم بوقت محدد ، تعود على كلمة ( طالبك ، وتكفى ، ويارجال انشغلت ، وعادي يارجال مثلها وصار ) . فتوقع 99.99% من العملاء مابيسدد او يلتزم الا اذا بلغ ، مره ومرتين وبعضهم اكثر من مره والغريب او الشاذ ، هو الي يسدد في وقته .

فالخلاف هنا ، ان العميل تعود على ثقافته وبيئته وحياته الي في الهاي كونتكس كلتشر ، ويتوقع ان الشركة الي تعودت على اللو كونتكس كلتشر لتعاملها مع الشركات الاجنبية ، يختلفوا وهذا شيء طبيعي ، فالرجوع هنا يعتمد على مرونة ( لاحظ مرونة وتفهم ) الشركة للخلاف ، والا فمعها الحق كل الحق ( بدون ادنى جدال ) في تطبيق نص القانون على ايا من كان .

بعيد عن الكلام العلمي ، انا شخصيا لما كنت اشتغل سابقا ، كنت ارسل للعميل شخصيا وانتظره ، اذا ماسدد اوقف الموقع فتره معينه من الوقت ، ثمن اعطيه فتره ممكن تجي اسبوع ، وبعدين احول موقعه على البك اب الخارجي ، واحذفه من السيرفر . يجيني بعد فتره ، اعطيه البك اب ، بس بغرامه الي هي في نظري ، تعبنا في المتابعه + البك اب الخارجي والمساحة الي هو اخذها طول هذيك الفترة ، وهذا يعتبر مرونه في التعامل الى حد ما ، والا كان عندي خيار التعامل بنص القانون ولا احد يقدر يسالني .

لكاتب الموضوع /
انا اسف ان كان طلعت عن نطاق الموضوع ، ولكن احقاقا للحق وايضاح الصوره لك ولغيرك من العملاء الي يقع في هذي المشاكل ، واتمنى لك التوفيق في حل المشكلة .

شركة مربع /
انا اسف للدخول في موضوع قد لايكون هناك فائده من دخولي فيه ، ولكن راي خاص لايضاح المعلومه والتركيز على اختلاف ومشاكل صرنا نشوفها بشكل دائم على الساحة مع كثير من الشركات .

محمد وهوست دبي /
شكرا لكم لتقبل المداخله في الموضوع !

كل الود للجميع ،
علي حمد /

[abumazen]

الحق يقال :
الدعم الفني عندهم اسرع من السريع مجرد مااسجل بطاقة بعدها بكم دقيقة اجد الرد وغالبا من أكثر من شخص في الدعم الفني والله العظيم كأنه منتدى اكتب السؤال اجد رد من واحد واحيانا اثنين وولله اناها اكثر من مرة يرد علي ثلاثة من الدعم الفني قبل ان ان ارد على الأول .( ووالله اني لصادق ) راسلتهم قبل فترة اسالهم عن انتهاء مدة الإستضافة
فكان ردهم انها تنتهي بالتاريخ الفلاني اي بعد 15 يوما من اليوم ووالله العطيم ان المدة انتهت وفات عليها اكثر من 5 ايام ولم يغلق الموقع ثم جددتها وبمجرد ماحولت المبلغ وارسلت لهم تم التجديد في ظرف 15 دقيقة من التسديد .
لكن الحق بقال انه لم يصلني اي ايميل يخبرني عن قرب انتهاء الاستضافة مع العلم اني فاتح الهوتميل بالكامل .
وايضا منذ ثلاثة او اربعة أشهر لم يتوقف موقعي مطلقا ولله الحمد .
فالمفروظ عليك اخي دهن العود ان تنتبه لموقعك وتراجع تاريخ الاستضافة باستمرار حتى لايتعرض موقعك للاغلاق .
واتمنى من الإخوة في مربع ان كان لديهم باك اب لموقعيك ان يعطوك اياها .
تحياتي للجميع .

[دهن عود]

اي شركة ايا كانت ملزمه بوضع شروط يوافق عليها العميل عند بداية التعامل مع الشركة ، ولابد يكون ملم بها وبحذافيرها لانها هي شريعة التعامل بينه وبين الشركة.
في حالة الاختلاف ، اي اختلاف كان ، يرجع لشروط الشركة الي وافق عليها العميل ( لاحظ وافق عليها ) اول ماسجل في الشركة .
بخصوص ايقاف الموقع او انقطاع الخدمة ، الشركة مطلوبة دائما توضح النقطه هذي في عقدها ، والشركات تختلف في الطريقة ، شركة تطلب قبل فتره معينه ، وشركة تطلب في نفس اليوم ، وشركة تعطي فتره بعد يوم ا لسداد توصل الى 5 وحتى 10 ايام .

شكرا لك اخي
نفرض ان عطت الشخص مهله 5 ايام
مب المفروض ان هي نفسها تاخذ احتياطها للعميل وتحتفظ بالنسخه اسبوعين على الاقل من باب الاحتياط

والنقطه الثانيه اللي بتهريون من جوابه ان ما وصلني منهم ايميل تذكيري
صحيح اني لازم احفظ موعد الانتهاء
لكن الواحد اوقات يغفل
فهذا الشي ماتنتبه له الشركات اللي ما تهتم بعملائها بشكل جيد
اما عن الشروط
لما اخذت الاستضافه انا شخصيا قريت الشروط
البند االي كان مال 5 ايام ما كان موجود اصلا
وما اخبروني على الايميل انهم ضافوا هالبند
يعني لازم كل يومين ثلاث اقرا شروطهم شو ماعندي شغل انا
اما عن الدعم الفني
فياما الموقع كان مسكر لاسباب تافهه
مره سكروا موقعي عشان انا راسلت اعضاء المنتدى من لوحه التحكم وقالوا سبام
وتكرر هالشي كذا مره
ويوم اراجع الدعم الفني على المسنجر يقول لي عادي كثير من المواقع تعلق

ومره الدعم الفني يقول لي رقي استضافتك لان الاستضافه اللي ماخذها انت عليها مواقع كثيره
يعني بالعربي الفصيح ادفع زياده عشان يكون موقع شغال صح

عموما
ماراح اقول شي غير - وركز في هالجمله يا مربع ان كنت تخاف ربك ...
(((( حسبي الله ونعم الوكيل ))))

[نيشان كوم]

المشكله في الموضوع ان الخطأ كان يجب فيه المحاسبه تكون لنفسك اخوي مهوب لشركه المستضيفه

والشرط هذا اللي تقول مهوب موجود انا من عملاء مربع الاوئل ولي عندهم موقعين والثالث جاي في الطريق باذن الله

نجي لروح القانون انا سجلت في خطتهم القديمه بمبلغ 100 ريال وتمت ترقية موقعي بنسبة خمسين في الميه مساحه وباندوث بدون لا ادفع شي وذالك لما رقو خططهم وهذا اعتبره حسن خدمه منهم وتعاون

وجددت وبرضو استفدت من ترقيه مجانيه في تبادلى البينات على خطة مربع اكبر بمعدل 50 قيقا باندوث وهذا مجاني ايضاً وهذا اعتبره تعاون ايضاً

رفعت مره ملف مضغوط وما انتبهت انه لم يتبقى لي مساحه كافيه لفكه وكلمتهم وقلت ابي رفع المساحه بمقدار 600 مياقا لمده قصيره وقالو ابشر وفكيت ملفي وحذفت ملف الضغط واستفدت من رفع المساحه المؤقت وهذا كان مجاناً وهذا ايضاً تعاون وحسن تعامل

انا خايف يسموني فلان مجاناً

طيب نجي لدعم ياخي تعودت لما افتح تذكره اني اسوي رفريش خلال دقيقتين او ثلاث لاني متعود انهم موجودين على طول ونظام تذاكر الدعم تقول كنك في شات وهاتك يارسايل في وقت قصير

حتى لو مالقيت طلبي من موظف الدعم مجرد اني اطلب التحويل على الاداره اذا كنت محتاج روح القانون اللي هم حقيقه ما يقصرون فيه

الشي الاخير ترى انا اغلب تذاكري في اوقات يندر تواجد ناس فاضين دايم من الفجر تقول شايب بدووو



اللي يجي يقوول انت وش منقزك وجايبك ادافع ... ارد عليه بختصار

مربع استضافه مواقعي ويهمني انهم يدرون ان فيه ناس تقدر شغلهم وتشد من ازرهم ليستمرو في خدمتي على الوجه المطلوب

بالفصيح بقاء مربع بنفس الجوده ووتيرة التطور يكفل لي بقاء موقعي بدون مشاكل وحتى تطورهم يهمني لكي اجد مجال في المستقبل يواكب تطور موقعي ان كتب الله له التوسع وانا اشوف لله الحمد والمنه الخطط تتوسع وتتطور ووصلت لسيرفرات وريسلر وهذا شي يحسسني ان هالشركه وجدت لتستمر وتتطور

واذا كان عيب مربع هو انه رخيصه اقولهم مربع ربحانه اكثر من ابو عشر مواقع وخمسه منها له شخصيا ويقول استضافه

اخوتي مربع قضت مضجع الكثير من من اعتادو اخذ مبالغ خياليه


واسف على الاطاله



تحياتي

[مشعل نت]

الحق يقال انا ماشفت من مربع الا كل خير والدعم الفني يعطيني الجواب قبل ما انزل المشكله

لكن هذي هي مشكلتهم التبليغ حنا يا مربع ما نبيك تجي لبيت كل واحد وتقوله يالله تبي تجدد ولا الباك اب ولا قلنا لك كلمهم او ارسلهلم رسايل اس ام اس حنا نبي منك رساله على الايميل كلها رساله على البريد قبل ما تنتهي الاستضافه باسبوعين فرضا والرساله مجانيه وغير مكلفه ابد وكلها برمجة سكربت واحد صح ولا لا

انا صارت لي مشكله معكم بالسبب هذا لكن الحمد لله اني لحقت على الوضع قبل ما يروح الموقع

مشعل نت

[البروفسيور]

اذا كانت مشكلة المربع في التبليغ فبإمكانه يركب modernbill وهو يقوم بالتبليغ

بدون ما يتعبون انفسهم و يراسلون المشتركين و بكذا تنحل هالمشكلة