[كيف] تعرف ان موقعك متعطل ؟

[البروفسيور]

السلام عليكم ورحمة الله وبركاته

بصراحه اطلعت على هذا الموضوع أصبحت مهزله وطريقه جديده للاعلانات ! مع اني لست اوافق كاتب الموضوع على ما قاله .. لان اغلب منهم في سوالف اصحاب مواقع و ليسوا بحاجه لزيارة مواقع اخرى اعتقد يكفيهم المواقع اللي عندهم و الله يخلي قوقل!

المهم اخواني بعضكم .. بعض الاحيان يشك موقعي هو خربان عندي و الا عند الكل ؟

و بعض الاحيان المستضيفين يقولون له موقعك شغال و هو معطل :deal:

و بصراحه حبيت افيدكم كيف تعرف هل العطل من عندك .. من مزود الخدمة حقك و الا من السيرفر نفسه عموماً فيه طريقتين

الطريقة الاولى:-
و هي بسيطه و معروفه عند الكل و هي عشان تتاكد ان سيرفر الموقع موجود و شغال و عشان تتاكد من عمل موقعك ايضاً

اول شيء تسويه عشان تتاكد هو انك تجرب تعمل ping لموقعك عن طريق الدوس

و بكل بساطه أذهب إلى Start (ابدأ) ثم run (تشغيل) و اكتب cmd في المستطيل الفارغ الموجود امامك

ستظهر لك شاشة الدوس اكتب ping localhost (طبعاً استبدل localhost بعنوان موقعك)

اذا ظهر لك رد مثل هذا

فهو يعمل ان شاء الله

اما ان اختلف الرد فاستخدم الطريقة الثانيه للتاكد

الطريقة الثانية:-
وهي بالحقيقة موقع يقوم بعملية مشابه للعملية الاولى و لكن من عدة دول (يعني من اكثر من مزود خدمة أو network)

بصراحه فيه عدة مواقع لكن فيه موقع استخدمه من زمان و فيه خدمة حلوه باقولها لكم بعد الشرح

أدخل لموقع Alertra و بعدين دخل عنوان موقعك في المربع الواضح في الركن الاعلى على اليمين و هذي صورة للتوضيح


طبعاً التجربة كانت على موقع قوقل المهم انه طلعت الـresult (النتائج) OK و معناها ان الموقع يعمل عندهم و بدون اي مشاكل

و لكن أن ظهر لك كلمة Error بدل OK .. معناها أن موقعك معطل حتى في الخارج يعني تقدر تروح تقول لمستضيفك ابو الشباب مش علينا :deal:

طبعاً ممكن بعض المستضيفين الله يهديهم و انا قلت البعض تكفون تراني انسان مسالم كلكم في الخير و البركه و اكرر و اقول بعض المستضيفين :deal: وجهه مغسول بمرق* و يخش في عينك و يقول لك يابو الموقع شغال لا تقعد تتفلسف علينا :con2:

هالحين راح تحتاج لاثبات ان موقعك معطل .. بسيطه :eek2: تشوف الصورة ؟ انا حطيت مستطيل على الوقت و التاريخ .. بكل بساطه اضغط عليها .. عشان تعرف المشكلة اولاً ! لانه راح يفيدك وش سبب المشكلة بإظهار رقم الخطأ .. و هل السيرفر متعطل او فيه خلل و الا المشكلة من لعبك في الموقع

المهم ان كنت تجهل بهذي الامور بكل بساطه انسخ الرابط و حطه و ارسله للمتسضيف و قله شف بعينك .. يمكن الموقع شغال بخط تلفونكم انتم بس لكن عندي و في امريكا و المانيا و في دول العالم متعطل :deal: للتنبيه الرابط ما راح يكون موجود للأبد راح يظل شغال عدة ايام و بعدها راح يلغى

اتمنى هالشرح مفيد و يكون ساعدكم و وفر عليكم وقت انتظار ردود الاعضاء هل موقعي يعمل ام لا ؟


لمن يرغب في نقل الموضوع لاي موقع اخر لا الزم بذكر المصدر و هذا الشرح هديه مني لكل اعضاء سوالف
_________
* وجهه مغسول بمرق:تعني انه وسيع وجه

[سطام سعد]

موقع جميل وطريقة مريحه بعد ..

لكن سؤال خارج الموضوع ؟؟
ابي اعرف مدى استجابة السيرفر لدى المستضيف .. بحيث اعرف كم يقدر يتحمل ضغط زوار !!! اتمنى فهمت وش اقصد

[alwa7eed]

اخوي اللي فهمته من موضوعك انه يذكر اذا كان السيرفر او الموقع شغال ولا لأ ..

لكن معظم المواضيع تسأل اذا الموقع محجوب ام لا ولا اعتقد ان موقعك المذكور يبينها ..

صححني ان كنت مخطئ

[البروفسيور]

هلا اخوي هاجس ليل نورت الموضوع

اتمنى اكون فهمت سؤالك بالشكل السليم

اعتقد سؤالك هو كيف اعرف الضغط على السيرفر الآن ,صح ؟

اعتقد و غالب الظن انك تستخدم لوحة تحكم cPanel بكل سهوله ادخل على هذا الرابط
http://localhost:2082/frontend/x/status.html

استبدل localhost بـموقعك و راح يظهر لك ان كان مستضيفك عليه ضغط كبير و الا لا

و شف النتايج اذا كانت كلها باللون الاخضر تطمن الضغط على مستضيفك قليل

و ان كان اصفر عليه شوية ضغط اما احمر خذ باك اب لموقعك و افتح تكت عشان تشوف وش القصة

alwa7eed
هلا خخخخ ياخي وش بك مكشر كذا تكت ايزي اهم شيء انكم استفدتم

و صح يا عسل اي نعم اللي فهمته هو المقصود .. و بيني و بينك ما ادري صراحه وش اكثر المواضيع للاسف ما عندي احصائيات عشان كذا ما اقدر اصحح لك

[alwa7eed]

alwa7eed
هلا خخخخ ياخي وش بك مقشر كذا تكت ايزي اهم شيء انكم استفدتم

و صح يا عسل اي نعم اللي فهمته هو المقصود .. و بيني و بينك ما ادري صراحه وش اكثر المواضيع للاسف ما عندي احصائيات عشان كذا ما اقدر اصحح لك

خخخخخخخ يقولك الكلمات ما تظهر تعابير الوجه لكن الهاء والخاء تظهر أسنان الفم .. << وكذلك هذي

ويعطيك العافية

[البروفسيور]

ههه زين رديت انتبهت لخطأ املائي كنت مسويه المهم عدلته

و الله يعافيك و حياك الله تعال كل يوم

[abadiksa]

تسلم حبيب قلبي البروفيسور

وافدتنا الله يجزاك خير

تحيتي لك

[Abdullah Alhoshan]

ازحك الله سنك يافتى :nice:

أعجبتني الحاشيه :funny: هههههههههه

شرحك ولا أروع .. وتعليقاتك اروع .. وصيفنا مع اهلنا أحلى

مشكور والله يعطيك العافيه يارب ..

والله يزوجك ..

[الإمبراطور وحيد]

تلسم بروفيسور
فعلا بحاجة لمثل هذه المواقع لمعرفة كل مايتعلق بالموقع

زدنا زدنا ..

ارق التحايا

[فكرة للدعاية]

شكرا الف شكر على لاشرح

ولكن الموقع ده احصائياته بالشكل التالى :

09/05/2006 03:51:07 Atlanta USA    OK      4.6 0.32 117.79 
09/05/2006 03:51:07 Oklahoma City USA      OK       4.6 0.50 74.87 
09/05/2006 03:51:08 London UK      OK       4.6 1.18 31.82 
09/05/2006 03:51:07 Frankfurt GERMANY      OK       4.6 0.75 50.21 
09/05/2006 03:51:07 Orlando USA      OK       4.6 0.65 57.93


 

ولا يفتح عندى الا اوقات قليلة وحين ادخل بروكسى ...


يبقى المشكلة من ايه ؟


الموقع اهو
Www.sr7.org

[البروفسيور]

abadiksa
يا هلا و غلا و الله يسلمك يا قمر

جواني
هههه دوووم هالضحكه مهيب بيوم

و الله يسلمك و تشكر على دعواتك لكن لو انك داعي ان الله يسهل لي هالجامعة كان احسن محاكيك متورط بمعدله

الإمبراطور وحيد
الله يسلمك و ان شاء الله منب باخل في علم على احد .. و يا هلا و غلا يا عسل

صديقي فكرة للدعاية
ازيك يا عم ؟ عامل ايه ؟ يا رب كده تكون ميه ميه

بص يا سيدي المشكلة زي ما هوه عمال بيئول من الواد التعبان اللي اسموه (دي ابن اس اس السلام عليكو )dns فيه شوية مشااكل
http://www.dnsreport.com/tools/dnsre...domain=sr7.org

ح تعرف آيه اللي انا عمال بئوله (شيك على اعدادات الـdns) و ان شاء الله باساعدك قد ما اقدر

وكإقتراح سريع جرب غير الـdns إلى
ns2.hegypt.net
ns1.hegypt.net

احتمال كبير تنحل مشكلة لكن ما أضمن لك !

(لا تاخذ بخاطرك بس حبيت امزح معك )
و كمان شرفتنا يا فكره باشا

[فكرة للدعاية]

شكرا لردك الغالى والكريم


كيف اغير الدى ان اس الى موقع غير المستضيف ؟؟
----------
خارج الموضوع
اتمنى لو تنور قائمة المسنجر لدى

[البروفسيور]

يا هلا و غلا اخوي (احس انك زعلت من ردي معليش )

و بخصوص تغير الـdns من لوحة التحكم حقت الدومين

و بخصوص الاضافة تامر امر (لكن مهوب الحين ان شاء الله اليوم بالليل اضيفك لان الماسنجر عندي live و قاعد اسوي ابديت له ) ... و دانتا تنور يا حج

[فكرة للدعاية]

والله ابدا انا عمرى ما ازعل من الناس المحترمة ده يشرفنى انك تهزر معايا

--------

انا سؤالى كالتالى اغير ازاى الدى ان اس من لوحة التحكم الدومين الى موقع اخر ؟؟

يعنى انا واخد من شركة واعطتنى الدى ان اس عشان الموقع ليه اربطه بدى ان اس موقع اخر ؟؟؟

ياريت تفهم قصدى

انا واخد من System4host والدى ان اس حقهم كالتالى

ns2.system4host.com
ns1.system4host.com


لما اغيره الى
ns2.hegypt.net
ns1.hegypt.net

...


اكيد الموقع ما بيشتغل

[البروفسيور]

الشرف لنا .. و بخصوص سؤالك اعتقد اني فهمت سؤالك امم بصراحه اخاف انه مالي صلاحيه اقول السبب .. لان ردي ممكن يزعل مستضيفك system4host

عموما اخوي كل الـdns (حقت system4hots و hegypt ) يوصلون لسيرفر واحد .. يعني سيرفر system4host هو نفسه سيرفر hegypt

اتمنى اكون وضحت لك