اخوي GoST اعتقد ان الفايده من طرح الموضوع اخذ راي اصحاب المواقع
ماهو المدح والثناء ولو انكم تستحقونه لكن مافيه صاحب موقع راح يغامر ويحول الى منتدى ثاني الا بعد دراسه كبيره
خصوصاً اذا كان يسعى ورى مصلحة اعضائه ....
عندي كم استفسار وياليت تجاوبني عليها =
1- وين الهاكات الخاصه في المنتدى ؟؟؟
بتقولي موجوده برد عليك وبقول وينها في المنتديات الكبيره سوالف سوفت ترايدنت اقلاع الويب العربي وغيرها من المنتديات الكبيره خلوها على الاقل تجذب اصحاب المواقع واللي بيكونون اصحاب مواقع في المستقبل محتاجين ناس تتفرغ للنقطه هذي تنشر مميزات النسخه وراح تشوفون الاقبال عليها بعد وقت <<<< محتاجه صبر
ليه ما تطلبون من بعض الاخوان تحويل منتجاتهم الى منتدى mysmartbb مثل الصندوق الماسي اللي مطلوب بشده <<<< اعتقد انه موجود في نسخة mysmartbb لكن فقط كنت اضرب مثال لكم
2- الاستايلات وينها ؟؟؟
من اهم مايجذب الزائر للتسجيل في المنتدى شكل المنتدى وهذا واقع ملموس ما احد يقدر ينكره الا اذا قارناه بالمنتديات الكبيره وهذي انشهرت وخلاص صارت علم بين المواقع اما المواقع المبتدئه براح يدور على اي شي يجذب الزائر للتسجيل واذا اجتمع شكل للمنتدى مع محتوى بهذا المطلوب...
الاستايلات عزيزي ما اشوفها هنا في سوالف سوفت الا بعد شهور ينزل استايل وانا من متابعين سوالف سوفت حتى قبل ما اسجل فيه ....
خلاصة الكلام اثنين فقط يستلمون مهمة نشر المنتدى العربي مع اضافاته (( الهاكات )) مع استايلاته في المنتديات الكبيره والخاصه بأصحاب المواقع راح تقطفون ثماره عن قريب المهم انهم يبتعدون عن الكلام الاستفزازي مثل منتديات vb صاحبها يهودي وغيره من الكلام لا تنسون انكم بالطريقة هذي راح تبعدون اصحاب المواقع عنكم اكثر من ما تقربونهم لكم...
والأن نقطه تحسب في لصالحكم الثغرات اللي كل يوم تطلع في منتديات vBulletin واعتقد انها خلاص اكل الزمان عليها وشرب وبدت في الهرم والشيخوخه من ضعف كبير في نفس النسخ الجديده مهما مدحوها الا انها صارت عبئ كبير عليهم وانا افكر من فتره في تحويل المنتدى عندي والسبب الثغرات القاتله والمتعبه جداً ..
ذكر اخوي abdolla نقطه مهمه الاعلان عن الموقع شوفوا الاخوان في المواقع الكبيره راسلوهم والله ماراح يقصرون معكم
فقط مع كل مسابقه يركب بنر لكم وراح تكون مجانيه ان ماكان منهم كلهم بيكون من بعضهم ابدوا مع المبدعين من المصممين ومع مبرمجين الهاكات ...
انا طولت لأن جهدكم يستحق النصيحه ويرفع الراس
زبدة الكلام محتاجين ناس تنشر المنتدى وتهتم بنشره ما تكتفون بالموقع الرئيسي لكم
مع تطويره المستمر وتلبيه طلبات المستخدم العربي <<<< هذي متأكد انا منها وانكم ماراح تقصرون ابد