السلام عليكم
أنا أستخدم فايروول من نوع CSF وش حلاته إرتحت له بعد المعارك الطاحنة بيني وبين APF
ماني بصدد شرح مزايا أو عيوب .... السؤال كالتالي :-
أحيان يجون عملاء يقولون لما أعضاء يجون يدخلون المنتدى يطلع لهم لا يمكن عرض الصفحة
قلت يا جماعة المنتدى شغال وأسأل اللي وياي ماسنجر قالوا يفتح .. قلت له خله يشيك من إتصاله قال يفتح معه كل المنتديات إلا منتداي
المهم مالكم بالطويلة ذي نادراً تصير ... واليوم عاد الأخلاق تجارية وجاتني نفس الشكوى وأشيك على أخونا في الله CSF لقيته حاجب 6 آيبيات
اللي جنبه إتصالات توصل لـ 720 إتصال واللي جنبه دخول متكرر بكلمات مرور خطأ
المهم شلت الآيبيات حذفتهم وسويت ريستارت للفايروول وقلت للعميل خل خويك يشيك .. قال تمام والله يعطيك العافية
قلت في نفسي خلاص عرفنا السر وهو إن الحجب جاي على الايبيات اللي تصير مشتركة بين اللي يدخلون من السعودية
جيت طال عمرك وسويت سماح للآيبيات اللي أنت ذكرتهم هنا مع بورت الإتصال
http://www.swalif.net/softs/showpost...4&postcount=10
وخليتهم في قائمة السماح ... وبكذا ريحت بالي ما فيه حجب إلا على اللي برى السعودية
تعرف السعودية يشتركون في آيبيات معينة وهو اللي يخلي المواقع اللي مسويه حماية تسوي منع لنا في السعودية
لكن هل هالآيبيات كافية ولا فيه آيبيات سعودية ثانية .. خلنا نضيفها لقائمة السماح ونرتاح مرة واحدة
وربي يعطيك العافية مستر أبو سارة