معليش على الدخول في الموضوع عرض وطول .. اول شيء كل عام وانتو بخير كلكم على توقيت السعودية .المشاركة الأصلية كتبت بواسطة BIOs
وابي اعلق على ردك هذا ، في شركة امريكية ، بدون ذكر اسماء ، كان فيه تصويت وش راح تسوي خلال اليوم ( الوحيد ) الي كان اجازه الي كان الكرسمس ( ميلاد النبي عيسى عليه السلام ) .. المهم ان 99.99 % من الموظفين قال راح انام اليوم كله .. فانت صادق من ناحية اجازة ياخذوها كاملة مكملة ( راحة ) عكسنا بالضبط كعرب ( مو الكل بس الغالب ) ، نروح نتمشى والجوال شغال يستقبل اتصالات عملاء حتى لو في الاجازة .
لكن بشكل عام شركات الاستضافة ترى ماتأجز كامله ، يكون فيه الشفت المناوب ويكون له مميزات غير الشفتات الي ماداومت هذاك اليوم .. على سبيل المثال ، في نفس الشركة الي صار فيها التصويت ، الي كان مداوم يوم الاثنين ، اخذ الثلاثاء والاربعاء اجازة . حتى راس السنة ، ترى ماشفت فيه طاري اجازه عند احد ، العالم بتكون مداومه ماعدى من الساعه 11 في الليل الين الساعه 2 الفجر .
لكن مشكلة التاخير ( اتوقع ) حصلت لانه الدي اتش ال ، وفدكس ، وكل الاسواق والمحلات هذاك اليوم كانت مقفله ...
<--- كان يدور مكدونالدز او حتى هارديز ولا لقى شيء فاتح
فحتى لو كانت شركات السيرفرات مداومه ، و دل الي هي المصدر للسيرفرات المطلوبة مداومه ، وسائل النقل كانت في اجازة ,, وهذا سبب التاخير اعتقد . وان شاء الله يوصل سيرفرك باسرع وقت ممكن .
كل عام وانتم بخير ، جعله الله يعيد علينا وعليكم اعوام واعوام والله يتقبل من الحجاج ويرجعهم سالمين ان شاء الله ،
علي حمد ،