مشكلة : الدومين محجوز من شركتين بنفس الوقت -وش الحل إقرأ قصتي

[bader_ppc]

السلام عليكم


أنا عندي حساب بشركة ريجستر فلاي من زمان المهم قررت شراء دومين واتبعت الخطوات الى أن وصلت لعملية الدفع جيت بدفع ظهر خطأ عدم قبول عملية الدفع حاول أكثر من مرة دون فائدة


قلت خلني اروح لشركة اينوم وافتح حساب واحجز الدومين منها

رحت اينوم فتحت حساب حجزت الدومين دفعت كل شي مضبوط تم اضافة الدومين بلوحة التحكم حطيت الدي ان اس لحد الآن حلو ؟


اليوم رحت دشيت حسابي بشركة ريجستر فلاي تخيلو شنو لقيت مع الدومينات ؟

لقيت الدومين اللي رفضت فيه عملية الدفع مضاف مع دوميناتي بلوحة التحكم


يعني الدومين الحين موجود بلوحة التحكم بشركة ريجستر فلاي وبلوحة التحكم بشركة اينوم بنفس الوقت




وش الحل؟

[User 5]

عزيزي .. لا يمكن أن يكون هذا الشئ .. الدومين الفعلي موجود الآن في حسابك في أينوم ..
الدومين نزل بشكل خاطئ عند الطلب في ريجيستر فلاي وهذا تحدث أحياناً لكن فترة وينشال ..
خلاصة القول لو كان الدومين تسجل من ريجيستر فلاي ما كان قدرت تحجزه من أينوم ..
جرب تتعامل مع نطاقك اللي في ريجستر فلاي وتعدل على خصائصه أو الدي ان اس تحصل خطأ ..
بالتوفيق ,,

[Domain]

تصير أحياناً ولكن النطاق مو ممكن يكون مسجل بشركتين لذلك هذا بالتأكيد خطأ والنطاق مسجل عند أحد هالشركتين - أو ممكن حتى شركة ثالثه لشخص آخر اذا حظك شين
شيك الهو از للنطاق حتى تعرف الشركه اللي تم تسجيل النطاق فيها بنجاح وراسل الشركه الثانيه اطلب اعادة مبلغ الحجز لبطاقتك refund

[DoWnLoAdiZ.CoM]

لدي مشكلة أكبرررررررررررررررررررررر
http://www.swalif.net/softs/showthread.php?t=186220

[bader_ppc]

تصير أحياناً ولكن النطاق مو ممكن يكون مسجل بشركتين لذلك هذا بالتأكيد خطأ والنطاق مسجل عند أحد هالشركتين - أو ممكن حتى شركة ثالثه لشخص آخر اذا حظك شين
شيك الهو از للنطاق حتى تعرف الشركه اللي تم تسجيل النطاق فيها بنجاح وراسل الشركه الثانيه اطلب اعادة مبلغ الحجز لبطاقتك refund

فعلا النطاق طلع مسجل بأينوم

بينما اللي برجستر فلاي زينة فقط

مع العلم أن ريجستر فلاي أخت فلوسه من بطاقتي

ممكن أخي صيغة رسالة بالإنجليزية أرسلها لريجستر فلاي ؟

آسف إنجليزيتي لا تؤهلني

أخي DoWnLoAdiZ.CoM

الله يعينك على حل مشكلتك مشاكل النطاقات لاتنتهي

[Domain]

Kindly refund my account for the domain (domain.com) because the registration process was not successful and the domain was registered with another registrar.

بين القوسين حط نطاقك .. ولا تتوقع منهم الكثير من الاهتمام لأن رجسترفلاي سيئين جداً خاصه فيما يتعلق بالدعم الفني

[bilba]

اعتقد المبلغ يتحول تلقائي للفيزا بعد 15 يوم او شهر او حسب البنك

[bader_ppc]

ننتظر ونشوف فتحت أكثر من تذكرة وصارلها ثلاث ايام لي الحين محد رد فعلا كما قال أخونا دومين الدعم الفني سيء جدا جدا

أنصح بعدم التعامل مع هذه الشركة

[bader_ppc]

أخي دومين ردوا علي بالتالي :

Please give us more information about your transaction.

What date was your transaction processed?

What was the total of your purchase?

What method of payment did you use?

And what was the total of domains you attempted to register or renew.

Do not copy the transaction reports or reference numbers. Please just provide us with amounts, dates and totals.


Angie V.
Thank you and have a wonderful day!
Billing and Collections

Registerfly.com INC
ICANN Accredited Registrar


ممكن الترجمة و الحل والإرشاد معا

[Domain]

طالبين منك مجموعة بيانات ترسلها لهم

What date was your transaction processed?
تاريخ الشراء
What was the total of your purchase?
مجموع مبلغ العمليه
What method of payment did you use?
طريقة الدفع المستخدمه
And what was the total of domains you attempted to register or renew.
عدد النطاقات اللي كنت تبي تسجلها او تجددها

مع شرط غريب وهو انك ماتنسخ هالبيانات من سجل العمليات اللي بحسابك
صراحه نظام تعيس .. المفروض هالبيانات كلها تكون عندهم وعارفينها من سجل العمليات بدون مايطلبونها منك من الأساس
بس انهم يطلبونها منك لا ومايبونك تنسخها من سجل العمليات فهذي غريبه !!

عموماً هذا التوضيح حطيته لك والله يعينك عليهم

[bader_ppc]

ياخوي وانا شعرفني بالتاريخ و هالطلبات الغريبة تحقيق هو؟ انا كل يوم استخدم الفيزا والماستر على النت

اصلا انا زين مني اتذكر شنو غداي امس

خلهم يولون وعلى فلوسي العوض كلها 9 دولارات ماهمتني

الى الجميع لحد يتعامل مع هذي الشركة التعبانه

تحياتي

[زعيم2000]

وخذوها مني نصيحة ابداً لا احد يتوهق ويحجز نطاقه عند الياهو !! بيكره اليوم اللي فكر يشترك معهم جداً جداً سئيئن وهمهم كيف ياخذون فلوسك مرتين يسحبون مني قيمة التجديد ولايتجدد وغير كذا لو كنسلت دومين يحسبون عليك قيمة تجديده ويرفضون يرجعون لك المبلغ ومايرضون يكنسلون رقم فيزتك مهما كان كل سنة بيسحبون رضيت وإلا مارضيت قد صارت لي معهم مشكلة كل شوي يسحبون مع اني مبلغهم ما ابي اجدد وكنسلت الدومين لكن مافي فايدة سحبوا لين كلمت البنك اللي اصدر لي الفيزا وقلت للبنك بطاقتي انسرقت اصدروا لي جديدة وبكذا اضمن انهم مايسبحون اكثر.