هل من أحد جرب AraServ سيرفرات ؟!

[snooopy]

شوف ماراح اسبهم

لكن ابحث في هالقسم عن ارا سيرف وبتلقى الاجابه الشافيه لسؤالك

[AraServ]

السلام عليكم
الأخوة :
Arab-Land.Com - وليد نت - Xircx - الدلع - albrens
الف شكر على ثنائكم وجعلها سبحانه في ميزان حسناتكم .

نصيحة خليك بعيد وانحش قبل الندم

هل تعاملت معنا اذا نعم فيرجى التكرم بذكر تجربتك السيئة معنا لتكشف لنا عيوبنا وتوضحها للغير ليحذروها .. وإذا لا فهو تجني وكسبنا من حسناتك فلا تبخل علينا بها .

الاخ snooopy اطلق العنان لقلمك وسب فلن يخرج ردك عن رد صاحب الرد السابق .

تحياتنا

اخوكم : م. عبدالله الحربي

[Gmc.9]

صراحة رد قوووي
يعطيك العافيه عبدالله .

[الخليج المتقدمة]

يا جمس 9

صرت وارد أمريكي ههههههههههههه


خذ العلم مني وعلم يجي من دونه كل علم


شفت أبو طلال أمسك عليه لا تفكه والله مالي مصلحة ريال واحد


لكن شفت اللي يقولك لا بغيت شيء وقالك " تكي على جبل " يعني إعتمد على جبل


هالجبل تراه أبو طلال



ودامك طلبت سلبياتهم فأنا بعلمك بسلبيات الآدمي


أول شيء رجال إذا علمك بالكلام وفهمك وقعدت تعلج الكلام وتحوسه تراه مهوب بيرد عليك


وبعذره والله لا فهمت إنسان وأقنعته وقعد يحوس الكلام ذا إما يقطع وقت ولا أدر إنه بس يستعرض الأسعار


لأن الصادق معروف من كلامه


والشيء الثاني آدمي لا عطيته الشغل وخلصه لك يحب شغله تمام مهوب تحوس السيرفر وتجي تقوله أنت وانت ترى تنفقع كبده وبعذره تخرب شغله وتجي ترميها في رأسه



غير كذا ترى الرجال أجودي ... وأنا دعيت عليه في التونة بس ربي يحبه فكه منها


هو يعرف وش أقصد بالتووووووووووونة يا عسى تفداه مصانع التوووونة كلها


يشهد الله إني أحبه ... أبو طلال ترى فيه مشروع قوي في التونة وأنت عارف كلامي إستفد من المشروع تراها فرصة العمر

[البروفسيور]

الله يشهد انه ما تربطني بالاخ araserv اي علاقه

لكن كل ما شفت موضوع عن هالموقع شفت يوزرات انتحاريه ما ادري من وين تطلع هدفها بس تخريب (منب اعني احد بذاته)

و انا اعرف ان بعض المستضيفين الله يصلحهم يحاولون يخربون سمعة شركات ثانيه لاهداف شخصيه للتذكير فقط ان هالشيء ما يجوز و لا يقبله الشرع و ما ظنيت ان احد يقبل ياكل حرام (كمان منب اقصد احد من الاخوان الغالين اللي ردوا على الموضوع)

[AraServ]

الاخ: الخليج المتقدمة

شهادتكم محل اعتزانا وفخرنا والتونة تركناها لك يا راع الغنم .

الاخ الفاضل البروفسيور

ولا نحن نعرفك ونسأل الله ان تكون شهادتك شهادة حق في مقعد صدق بالرغم انك اوضحت فقط اهداف بعض اليوزرات في سوالف ولم تمدحنا ولم تذمنا وهذا ما يعزز ثقة كلمتك فلا يمدح او يذم من غير تجربة الا متجني على نفسه .. وكان حريا بكل من يرد على كل سائل بأمانه وان يشرح تجربته فلا هذا الموضوع ولا هذا الموقع هو من سينجحنا او يفشلنا وقد لا نتفق معه او لا يتفق معنا ولكن الكلمة تبقى وحسابها عسير .

تحياتنا

[الرومانتك]

أبو طلال
والنعم به هالإنسان
من أروع الناس اللي عرفتهم بالنت وياجبل مايهزك ريح
عجبتني النقطه هذه من الخليج

ودامك طلبت سلبياتهم فأنا بعلمك بسلبيات الآدمي
أول شيء رجال إذا علمك بالكلام وفهمك وقعدت تعلج الكلام وتحوسه تراه مهوب بيرد عليك

لأنها من جد
الله يوفقك يابو طلال . ماقدرت أزيد على كلام أخونا الخليج لأنه قال اللي بالخاطر
أسئل الله للجميع التوفيق

[smilycom.com]

السلام عليكم
الاخ صاحب شركة ارا سيرف ابو طلال الله يبارك فيه ويطول بعمره
والله انسان 100 المية
وانا جربته وتعاملت معاه كتييييير
مشاء الله عليه ما في اي عيوب عليه والي يعيب على ارا سيرف مقهور منهم يكون
تعامل 100 المية
اخلاق عالية
يكفيك وقت ما تبيه او تحتاجه تلقاه جنبك
الله يطول بعمره بو طلال الله يرضى عنه
انصحك في التعامل معاه
والله لو الوضع ممتاز عندنا بفلسطين كان انا سيرفراتي كلها من عند بو طلال
الله يطول لنا بعمره

[ابو خليل]

اخ عبدالله

السلام عليكم جميعا

ما ابي ادخل بجدال ولا ابي رد على الموضوع ولا تبريرات ولا ابي اطول

يكفي اذكرك بموضوع rajawi.net والظلم الي تعرض له

[MANTEK]

يشهد الله اني ما كذبت في نصيحتي
وبيني وبين ارسيرف الله والحساب يوم القيامة
موضوعي لو سنين وما راح انساه
هي نصيحة قلتها وانا صادق ومافي داعي التشكيك والاخوان اللي يطبلو فوق

[الخليج المتقدمة]

مانتك هد أعصابك وريح بالك


تحصلك حاط أغاني كذا ولا كذا وذي ربنا ما يرضاها بجلاله

ولا مسوي شغلات تخل بامن السيرفر والرجال له حق يحمي سيرفره


يعني مش معقولة أضحي بأمان السيرفر علشان عميل دافع ألف ريال


أو مسوي ثقل ولا شغلات نص كم بالسكربتات تتعب فيها السيرفر أو مهما يكون



شرط وعني أنا لو داق على أبو طلال بيعلمك بالكلام


شوف لا صار لك شيء غامض ترى ما ينفع إلا الصوت إتصل جوال مهيب مخسرتك كلها خمس دقائق كذا كذا ومع السلامة

[AraServ]

الاخوة الرومانتك .. smilycom.com

شاكرين ومقدرين ثقتكم وتعاملكم .

الاخ ابو خليل دومين rajawi.net لم يسبق تعامل معنا واذا تقصد rajawi.com فهو موقف بسبب حسابات استضافة لم تدفع لحسابنا المعروف وادعاء صاحبه بخصمها من حسابات بينه وبين المصمم سلام 1 لا تعنينا .. فنحن لنا حساباتنا وطرق الدفع لنا معروفه ولا نقبل دفع اي مبلغ لنا بدون فاتورة صادرة من مؤسستنا التجارية ولحساباتنا المسجلة .. اذا لديكم اعتراض على فهم ما سبق يمكنكم فتح موضوع ويسعدنا توضيح ما يستعصي عليكم توضيحه بشرط ان يكون هدفكم هو استرجاع حقكم واعطائنا حقنا .

الاخ MANTEK اذا لك حق بتاخذه مضاعف بشرط تثبته وان لا يكون مخالف لأنظمة آرا سيرف المعتمدة على شريعتنا السمحاء .

[w2host]

والله انا من عادتي اني ماتدخل في أي امر وخصوصا بموضوع وش رايكم في فلان

انا تعاملت من الأخ المهندس عبدالله الحربي من تقريبا عام 2002م وحتى الان انا اتعامل معاه وطلعت بالتالي من خلال تعاملي معه
1- رجل راعي عمل مايحب الكلام الواجد مبدأه خذ حق وعطني حق
2- الي يكلمه من أول مرة يحس انه عصبي طول الوقت بس الي يتعمق معه يدري انه رجال حبيب وطيب بس دايم عملي بزياده
3- رجل يخاف الله بقوة وما يبي يدخل جيبة مال حرام أبد
4- اخيراً توكل على الله مع أبو طلال بس قبل أي شي صلي ركعتين إستخاره

في الختام ماقول إلا جزاك الله خير يابو طلال على فزعاتك معي وان شاء الله بيعطيك الله على قدر نيتك

اخوك عبدالعزيز

[ابو خليل]

صحيح الدومين هو rajawi.com

واصلا ما تعامل معك هو
صاحب الدومين اسمه ناصر وكان تعامله مع سلام1

وسلام 1 كان ماخذ ريسلر من عندك

وانت اخذت بيانات الدومين ولا رجعته لصاحبه بحجه في حساب بينك وبين سلام1

وهذا لا يعنينا اذا بينك وبين سلام1 حساب

ولا يحقلك تستولي على الدومين بكل الاحوال

بس الشغله بالقوه لا اكثر

وسبق تكلم معك الاخ ناصر صاحب الدومين وكان تكلم مع الاخوه مجموعة الرشيدي وطلبو منه 50 ريال قيمة التجديد وحول المبلغ ولاكن ما رجعتو الدومين

تحياتي لك وهذا اخر رد

[الخليج المتقدمة]

يا ليل البعارين أنت وأرا سيرف


ياخوي أطلع أنت وهو لحالكم ثم كل واحد يضرب في الثاني لين يقول الله حق



خلاص قالك عندك شيء أثبت له ما عندك إثبات فكنا من كثر الكلام اللي يجيب صداع للرأس



قلت وقلنا وقلت وقلنا وقلت وقلنا


رأسي إنتفخ صار مثل الطبل من كثر الكلام



يا رجاوي أرا سيرف جاته مواقع أكبر من موقعك مهوب انت كلها منتدى ومواضيعك أفقش البيضة وأرمي الجحة على اللي بعدك