[للنقاش] ما رأيك بالشراء عن طريق الانترنت؟؟ وهل اشتريت مره من الانترنت؟؟

[عبدالله الكواري]

ارماني حدهم قمصان وبدل لوووول

ايش المشكله اللي تواجهك اخوي امير الظلام ؟ انا مشترك من زمان واشتري عادي من الموقع , الفيدباك مالي 4 ههههه ,

لووووول لعبه Worms 2 شكلها مالت اطفال , ... لا صج ماحب العب اونلاين الا Counter Strike Source .. اذا ماجربتها انصحك تجربها .. لعبه خطييييره ..

الله يبارك بعمرك يالغالي وتوه اليوم وصل التلفون والله , شغل عدل بصراحه بس مشكلته طلع صيني خخخخخ بس لا دورت في النت ونزلت الباتش الانجليزي وشغال مضبوط ..

بخصوص eBay اذا حبيت تشترك وعندك اي سؤال انا حاظر وبالخدمه اخوي ..

[M. Al-Dhafeeri]

هلا فيك اخوي الكواري على راسي والله تسلم يالغالي


مبروك وصول التلفون وان شاء الله يتقطع بالعافيه



مشكلتي مع ebay اني قاعد اشترك مال البريطانيا مادري ايهوا احسن بريطانيا ولا امريكي؟؟


ولا نفس الامازون ؟؟؟؟


انت اي واحد مشترك فيه؟؟


مشكلتي معاه اني لما اوصل حق Account Verfication استخدم عن طريق ال Credit Card


لانه انا ما عندي تلفون ببريطانيا عشان يدقون علي فاختار الطريقه By Credit Card


وكل ساعه يقولي انه البطاقه غلط!!!!!!!!!!!!!!!!



ارتفع ضغطي !!!!!!!!!!



لازم يكون بالبطاقه فلوس ولا عادي؟؟؟ انا مصفرها فيها يمكن 200 فلس ههههه << كويتي طبعا



قولي اذا لازم احط فيها ولا لا؟؟



وشكرا

[عبدالله الكواري]

والله ياخوي انا اشتركت عن طريق motors.ebay.com والعضويه وحده يعني تقدر تشتري من اي مكان فـ ebay.com , احتمال تكون المشكله في الموقع البريطاني لأن الموقع الرئيسي تقدر تختار فيه بلدك , انا مشترك من قطر عادي , يمكن ماتقدر في الموقع البريطاني لأنه موجه لدوله وحده بس .. جرب ebay.com واعتقد راح تتسجل عادي .. وبخصوص البطاقه والله ياخوي مادري انا استخدم الـ visa العاديه وماجربت النوع اللي تحط فيه فلوس .. عالعموم جرب تحط فيها اي مبلغ فوق الـ 100 ريال وجرب , يمكن ..

على فكره لازم حساب paypal عشان تقدر تشتري .. ولازم مايكون طالب عنوان verified , انا جذي اشتري واحول الفلوس عن طريق paypal واعطيه عنوان ارامكس .. هههههه فلم هندي بس شنسوي ..

[M. Al-Dhafeeri]

لوووووووووول


مشكور وجاري التجربه


وانا توني الحين قبل 10 دقايق شريت هذي اللعبه


http://www.amazon.co.uk/Sold-Out-Sof...1937310&sr=8-2



عموما جاري التجربه على ebay


وعلى فكره انا الحمدلله اشتري من فيزا مالتي << مخصصه فقط للانترنت يعني ما اقدر اشتري منها شي بالكويت فقط للانترنت



وعادي الحمدلله اشتري منها يعني لا Paypal ولا هم يحزنون

[عبدالله الكواري]

مبروك عاللعبه الجديده , تكسرها بالعافيه ..

صح كلامك بخصوص الفيزا , بس المشكله مب فيها المشكله فـ eBay لازم تتعامل بالـ PayPal لأن معظم الاشخاص اللي يعرضون بضاعتهم هناك مايقبلون الا PayPal , مب نفس امازون ... ومافي مقارنه بينهم لأنه كل واحد فيهم نظامه مختلف عن الثاني , لكن امازون بصراحه اضمن بوايد من eBay بس مرات ما القى اللي ابيه الا بـ eBay مثلا ..

وبعد ترى الفيزا مب كل المواقع تقبلها , لأن في بعض المواقع تقولك لازم تكون البطاقه طالعه من بنك في امريكا , وعشان جي ماتلاقي الا امازون بس هو اللي يقبل .. من زمان اشتري منه ولا مره صارتلي مشكله وياهم بصراحه .. .. مثلا جرب تشتري من NewEgg , احسن Computer Parts Retailer بصراحه لكن ماقدر اشتري منه .. قهرر

[M. Al-Dhafeeri]

بالنسبه للفيزا اللي طالعه من امريكا << حيل بسيطه


خدعه يقوم بها البنك اللي انت مطلع منه الفيزا


كلمهم وقولهم حطوا عنواني على امريكا << عنوان البطاقه


طبعا راح يحطونها ولما تيي تشتري ماكو مشاكل





ماتعرف او محد يعرف موقع يبيع Portable DVD Players باسعار حلوه ؟؟؟

[Mercedes]

ماتعرف او محد يعرف موقع يبيع Portable DVD Players باسعار حلوه ؟؟؟

موضوع جميل جدا
بالنسبة لل Portable DVD Players تجده في سوبر ماركت تقريبا ب80 دولار
===========================
لي سؤال بدائي وبسيط أخ شاعر الظلام
أفكر مند زمن في أخد فيزا كارد لكن لا أعرف ماهي الخطوات المتطلبة لذالك

[M. Al-Dhafeeri]

هلا فيك اخوي الغالي


بالنسبه للفيزا تعتمد على البنك اللي بتاخذ منه سواء كانت فيزا او ماستر كارد


يعني البنك اللي انا اخذت منه مادفعت ولا فلس لفتح الحساب كانت مجانا << من بنك الكويت الوطني << من الكويت


وفتحته والحمدلله كل شي تمام معاهم..


واي سؤال حاضرين

[رشيد]

كل شيئ يخص الحاسوب او البرامج وكل هذه التوابع اشتريها من النت.

الان افكر بشراء عنكبوت ترانتولا بواسطة النت ويتم فحص التكاليف والشحن ...

[M. Al-Dhafeeri]

بس شلون تشتري عنكبوت؟؟!!!


ما اعتقد يقدر يعبر الجمارك!!!



وممكن صور عنه؟؟؟

[محمد 902]

الان افكر بشراء عنكبوت ترانتولا بواسطة النت ويتم فحص التكاليف والشحن ...

هههههههه من جدك يارشيد
أنت مثل خوينا اللي أشترى كمية شوكلاتا من بلجيكا ويوم وصلته كانت سايحة ومنتهية الصلاحية ( من كثر ماجلست عند حبايبنا الجمارك :nice: )

ورينا صورتة على الأقل نشوفة حي قبل لايوصلك ميت

[Mercedes]

شكرا على الكريم أخ شاعر الظلام
لو سمحت اخي ممكن موقع للدراجات النارية المستعملة أريد ان اعمل مقارنة بين ثمنها في السوق وعلى النت
وهل هناك مشكلة مع الجمارك في إدخال مثل هذه السلع
وهل هناك ضريبة عليها

[M. Al-Dhafeeri]

لووووووووووووووووووووول محمد902 لا لا حلوه هههههههههههه


عاد حرام كاكاو تنتهي صلاحيته <<< اصلا عندي انا ما اخلي الكاكاو يتهنى بيوم كامل على طول آكله


يالله قوله تعيش وتاكل غيرها


+++ وين صورة العنكبوت +++ <<< نطالب بوضع صوره له



هلا اخوي مرسيدس

تفضل مواقع

http://www.mototime.com/

http://www.cycletrader.com/


وهنا مثل شرح او درس (كيف تشتري دراجه ناريه..؟؟))
http://www.popularmechanics.com/auto...s/1751147.html


وهذي تكملة المواقع للشراء

http://www.bikesales.com.au/

http://www.buyausedmotorcycle.com/classifieds/



وبالنسبه للجمارك << عندنا بالكويت مافيها مشاكل


والضرايب وغيرها كل شي تدفعه اول ما تشتري الدراجه الناريه كله عن طريق الانترنت على ما اعتقد

لانه الاغراض اللي تشتريها من الانترنت مثلا من امازون تلقى اول ما تشتري يحسب فوق سعر السلعه Shipping, Tax, Vat وغيرها


فأكيد نفس الشي للدراجه الناريه..

[أبو هادي]

الله عليك ياشاعر الظلام
موضوع رائع بجد

وانا لي بعض التعاملات واشتيري من المواقع بس انت ماقصرت
وقمت بعمل مرجع للشراء عن طريق الانترنت

متابع لك واستمر


لاتوقف

[Desplanet]

والله اخوانى

لو احد يعرف كيفية الشراء من موقع Ebay

خاصة بالنسبة لاجهزة الجوال؟؟

وهل الشراء عن طريق الموقع مضمون ام لا؟؟

ياليت احد يقولنا وش الطريقة وهل هى امنة ام لا