[للنقاش] ما رأيك بالشراء عن طريق الانترنت؟؟ وهل اشتريت مره من الانترنت؟؟

[M. Al-Dhafeeri]

بخصوص الموقع الثاني على ما اعتقد بتصير فيه مشاكل وعوار راس

او بمعنى آخر الموقعين اثنيناتهم..

السبب,, انك لما تفتح وتسويلك عنوان بأمريكا من خلال الموقع الثاني

راح تواجهه صعوبه باستقبال السلعه! يمكن جمارك وغيرها.. ولأن أراميكس وDHL يخلونك تدفع فقط للتوصيل

فهذا شي ممتاز.. تخيل تطلب شي ويوصلك الكويت او دولتك اللي انت فيها وتدفع عليها جمرك!!! لا ويطلع الجمرك نص مبلغ السلعه نفسها مثلا.. وتدفع حق التوصيل!!! بتصير قصه :\

فالأحسن انا بحاول ان شاء الله بعد 5 ايام اروح DHL وافتح عندهم (مع اني مو مصمم حيل) بس ان شاء الله اذا الله كتب

++++++++++++++++++++++++

بخصوص بعض الاخوان اللي اشتروا شغلات ودفعوا عليها Taxes

ياحبايبي والله الحمدلله :funny: امس اشتريت بعد PSP و اشتريت Pocket PC HP ولا دفعت ولا Taxes ولا شي!!


الظاهر انا مرفوع عني القلم

[هوازن العرب]

اخوي شاعر الظلام
انا هم اشتريت شغلات
تقريبا ست انواع
فقط واحده اخذو منها ضريبة والباقي ولا شي
ومن ضمن هذه الاشياء فلم كرتون اعتقد تابع لامازون

[M. Al-Dhafeeri]

امممم يعني تمام في شخص ثاني ماياخذون منه ضرايب :nice:

[Shehabi]

سلام عليكم
كيف حالك شاعر
يا ليت لو تشوف لي هالساعة
حسب ما فهمته إنك تقدر تحفظ فيها معلومات
Amazon.com: Casio e-data Bank Watch: Electronics

[M. Al-Dhafeeri]

وعليكم السلام

الحمدلله بخير :nice:

الساعه هذي مواصفاتها:
-) فيها توقيت للعالم
-) 100 مدينه
-) اضائه
-) 5 منبهات
-) عداد تنازلي
-) وفيها Calender لي سنة 2039
-) ونوع التوقيت في 12 ساعه وفي 24 ساعه
-) عمر البطاريه تقريبا سنتين


وبالتوفيق

[هوازن العرب]

اخوي شاعر الظلام هل تعرف موقع امريكي يعتبر موثوق للادوية الطبية وغيرها

[M. Al-Dhafeeri]

امم بخصوص الادويه.. جاري الشوف مع اني ما اعتقد في موقع موثوق!! *الصيدليه وبس :nice:*


وهم على فكره أراميكس مايوصلون أدويه@@!!



شاكر مرورك وتفاعلك

+++++++++++++


موقع رائع رائع رائع بمعنى الكلمه.. أخذته من صديق

Joann.com: Online Shopping for Sewing, Scrapbooking, Yarn and Crafts

خاص بالاعمال اليديويه وشغلات ثانيه.. أسعاره رخيصه و دايما عندهم Free Shipping

[عبدالله الكواري]

اخوي شاعر الظلام هل تعرف موقع امريكي يعتبر موثوق للادوية الطبية وغيرها

اتعامل مع هالموقع من فتره طويله , والحمدلله ما واجهت اي مشكله معاه ..

drugstore.com Online Pharmacy - Prescription Drugs, Health and Beauty, plus more

ارامكس يوصلون عادي , دوم اطلب منه انا واخوي فيتامينات وهالسوالف , لكن على حسب قوانين الدوله اللي انت عايش فيها ممكن يحجزون الدواء وانت تروح تستلمه من وزاره الصحه او الهيئه المسؤوله عن هالمواضيع ..

الادويه اللي ممكن تطلبها هي اللي يسمونها Over the counter وما تحتاج وصفه طبيه , لكن اذا الدواء ما يصرف الا بوصفه راح تضطر ترسل لهم الوصفه عن طريق الفاكس وحاله ..

بالتوفيق

[M. Al-Dhafeeri]

الله يعطيك العافيه اخوي عبدالله الكواري على التعقيب..

وشاكر لك.. الصراحه معلومه جديده انه الادويه عادي تدش..

اللي اعرفه انه 100% بالسعوديه الادويه تروح وزارة الصحه ولازم تروح تستلمها من هناك


مشكور

[هوازن العرب]

اخوي شاعر الظلام

انا طلبت مره علاج ودش عادي
وعلى فكرة هي على حسب المفتش ومزاجة مرات يعدي اشغاله ومرات لا

المهم
شنو اخر اخبارك عن شركات الشحن
لاني انا حصلت شرح من احد الاشخاص عن شركة امريكية للشحن
وان شاء الله عن قريب بحط الشرح
وانقله لكم بعد ان استئذن من صاحب الموضوع لانه تعبان عليه

[M. Al-Dhafeeri]

ممتاز والله.. اهوا عدل كلامك يوم اشتريت لابتوب قالي مال اراميكس اذا الموظف مال الجمارك مشاها يكون تمام واذا لأ.. لازم تروح لهم وتدفع جمرك :\

بس الحمدلله الموظف طلع خوش واحد :nice:
++++++++++


وبخصوص الشحن.. انا اشوف يمكن الايميل اللي وصلني ونقلته لكم كان Spam!! الله اعلم

لاني اليوم بروح استلم شحنه واسعار الشحن نفسها ماتغيرت!! يالله الحمدلله على كل حال


وشاكر لك اخوي هوزان على التفاعل..

[هوازن العرب]

اخوي شاعر الظلام

تسلم على ردودك الحلوة وللامانة ترى انا ااتابع موضوعك من زمان
لكن ماباليد حيلة لاني حاولت كذا مرة اسجل وبلافائدة

المهم انا بعطيكم موقع يشحن العطور على بلدك وهو مجرب(طبعا انا لم اجربة الي الان)

Perfume, Skincare, Makeup & Cosmetics from Strawberrynet

[هوازن العرب]

للي يحبون هواية العملات مثلي(:

ببحثي بمحركات البحث عن مواقع لبيع العملات ظهرت لي هذه المواقع
ومن لديه مواقع لبيع العملات يتفضل ويضعها

واليكم النتيجة:

موقع رقم 1:
Home

موقع رقم 2:
World Banknotes

موقع رقم 3:
Audrius Tomonis - Banknotes.com

[M. Al-Dhafeeri]

الله يعافيك يالغالي

افا عليك ولو احنا اهني نفيد ونستفيد ونحاول نفيد أكثر من مانستفيد باللي نقدر عليه


مشكور على المواقع.. الصراحه هواية جمع العملات حلوه صج ويبيلها فلوس.. وحقي ماراح تنفعني :\ (طالب :nice


بالتوفيق وشاكر لك تفاعلك.. وأكيد في أعضاء ما شاء الله ايمعون عملات << اي ماكو شغل :funny: وفي جم واحد أعرفه بعطيه هالمواقع

[هوازن العرب]

اشرايك اخوي شاعر الظلام بهذا الموقع
IPmart.com - Mobile Phones, GSM Devices, MP3+MP4, iPod, iPhone accessories and more

هل تعتقد اسعار الاجهزة مقاربه باللي بالكويت