السلام عيكم ورحمة الله
أسعد الله أوقات الجميع بكل خير
مشكلتي الي بطرحها اليوم سبق وطرحتها قبل سنة تقريبا بس أنا ما أتعلم
هذا طال عمرك أنا عندي موقع عليه شوية حركه ولله الحمد ووضعه شوي حرج ..يعني لازم يبقى شغال وبدون مشاكل لأن المشاكل بتخسرني فلوس وماتتخيلون كيفية ضياع الفلوس.. يعني في أوقات ممكن تخسر بالراحة آلاف الريالات بسبب غفلة أو تغافل الناس الي ماسكين لك السيرفر
مالكم بالطويلة ... أنا الحين ماخذ سيرفر عند احدى الشركات المرموقة والمعروفة ... والشهادة لله الجماعة متفاعلين إلى حد ما ..عندهم دعم فني على التذاكر وعلى التلفون وعندهم أكثر من شفت وماعليهم خلاف ...
لكن كما قلت لهم عدة مرات يبدو أنني عميل غير مرغوب به
كنت ماخذ منهم سيرفر مو ذاك الزود ...يمشي الحال لان موقعي ماعليه ضغط ... بدت تظهر مشاكل في السيرفر وطبعا المشاكل = خسارة فلوس .. وبدت تزيد الخسائر .. سألناهم عن السبب قالوا السيرفر مايتحمل ..قلت يفدا راسكم .عطوني أحسن سيرفر عندكم .. عطوني مواصفات وقالو ترى هذا انت ماتحتاجه ..هذا قد السيرفر الي كنت عليه 100 مرة ... كذا بالحرف الواحد
قلنالهم مو مشكلة ..المبالغ الي خسرناها تخلينا نحاول نحل المشكلة من جذورها ..
دفعنا قيمة السيرفر ..طبعا السيرفر يكلف شهريا حول 4500 ريال
ونقلنا للسيرفر الجديد
وبدأت المشاكل
وطاح السيرفر أول مرة
وثاني مرة
ومايشتغل طبعا الا اذا كلمناهم
طيب وين المشكلة ياشباب ... بدت التبريرات الي مالها طعم ولا لون وكلها خطأ ...
وفي النهاية بدأ التطنيش... تذاكر الدعم الفني لها أسبوعين ولا رد
واذا كلمتهم ..وكما ذكرت الجماعة ودهم يشتغلون ..لكن أتوقعهم مشغولين .. أقول اذا كلمتهم قالو ابشر 10 دقايق وانا اكلمك وهذ وجه الضيف ..
وأنا بصدق ... ودي أبقى مع شركة عربية لأني ضد الي يقولون العرب مافيهم خير لكني أجد نفسي مضطراً للإستسلام والبحث عن بديل أجنبي صادق وقوي وعنده دعم فني فعلي
طبعا الداتا سنتر ذا بلانت
هل ممكن أكمل معهم وهم يديرون السيرفر؟؟
ماهي البدائل المطروحة
فزعتكم تراني والله ضااااااااااااااااااااق صدري
أعيد وأكرر الشركة الي انا معهم ونعم فيهم ...لكنهم ما أشفو غليلي والله يرزقهم كثرو زباينهم وماعاد يلحقون على العملاء الصغيرونين أمثالي
رجاء
الحبايب الي حاجزين لهم ريسلرات لايردون
ولا احد يقول تعال عندي
أطيب تحية