كم عمرك دخلت النت وحاليا كم ؟

[bohamad]

السلام عليكم ...

موضوع يراودني كثيرا وهو اني دخلت عالم النت منذ وقت واقول هل الذين بعمري تركو النت .

بالنسبة لي :

دخلت النـت : سنة 1998 .... كان عمــــــــــري : 21 سنة :app:

عمري حاليا : 31 سنة


الله يعطينا ويعطيكم طولت العمر .. آمين يارب


موضوع أظن ان الكثير فكر فيه وحبيت اطرحه كتسلية لنذكر كم هي السنين تمر من غير لا ندري

اخوكم بو حمد

سلام

[رائد العجيلي]

وعليكم السلام ورحمة الله وبركاته

موضوع حلو كتير

أنا الصراحة عمري صغير

وماصار لي كتير داخل النت

بس هادا اللي أقدر أقوله ( مابحب الفضايح ) خليها مستورة :shy:

الله يعطينا ويعطيكم الصحة والعافية يارب

ويدخلنا جنات النعيم .. آمين ياريب العالمين

ننتظر مشاركة بقية الأخوة

وشكراً لك أخي الكريم على هذا الموضوع

[A-z-k9]

تقريباً في بداية شهر 2004


كان عـمري 18 والآن 22 :looking:


والله يرزقنا وياكم بطولة العمر وراحة البال "آمين"

[جوهر]

للأسف بالدقة لا أذكر لكن بين عامي 97 و 98 وللأسف ما تعرفنا على سوالف إلا بعد كم سنة من دخول الإنترنت عن طريق إحد الأصدقاء الإمارتيين .. دعاني لهذا الموقع الجميل لإطلع على أمور المنتديات أيام CGI ومنتدى UBB . هذا الكلام طبعا عام 2000 وهو تاريخ إنضمامي لهذا المنتدى

تحية

[الإبداع]

دخلت النت عام 2000

كان عمري 15

والحين 21

[خالد الحربي]

عام 2000 دخلته

واللحين عمري 25 سنه

[Kasper]

بالنسبة لي مااذكر متى بداية استعمالي للنت بـــــــس كانت على ايام مايكروسوفت شات وموقع اين على عزة يعني ايام مغبرة شوي

الان عمري ربع قرن <<<<<<<<<<< متأثر بالاحافير خخخخخخ

[عبدالله الكواري]

1997 تقريبا ً .. كان عمري 12 والحين عمري 22

[Waleeed]

امممممم

خشيت النت يمكن القرابة الــ 98 - 99 ميلادي

واول ماتعلمت عليه هو الــMIRC عرب جات والى الان به < اقدم واحد بالعرب جات لووول


وفي كمن موقع كنت اخشهم قديمه موااقع شات منهم اتوقع شات الشله وفيه كم شات بعد

لكن البدايات كانت حلوه وما كنا ناكل هم ..

دخولي مجال المواقع كانت بـــ2002


بخصوص عمري .. فأنا أصغر منك يا بو حمد بسنة تقريباً و3شهور


--
وليد
t7t7.com <سابقاً

[b-najd]

دخلت النت يوم كان عمري 11 سنة

و اللحين 16 و كم شهر

من عام 2001 وانا ادخل نت ..

[سليمان عبدالعزيز]

انا دخلت وعمري 9 سنين

واللحين عمري 13 سنه

[ليث الشرس]

كنت طفل لما بدأت استعمل النت .. كان عمري 11 سنة وادور على مواقع الاطفال والخرابيط ..

لما صار عمري حوالي 13 سنة بديت اسوي على مواقع مجانية على جيران وغيرها..

وفي هالمرحلة بديت اتعلم .. والعلم بالصغر كالنقش على الحجر ..

لما صار عمري 15 سنة شريت دومين ومساحة وشبكت على منتدى سوالف - للاسف نسيت باسوورد العضوية - وسويت كم موقع فاشل كلها كان مصيرها الزبالة الا موقعي الحالي لانه موقع شخصي ..

الحين عمري 18 سنة ومستقر على موقعي اللي بالتوقيع .. وقاعد اطور وازيد واضيف واتعلم شغلات جديدة ..

وان شاء الله ناوي هالصيف اسوي موقعين جدد .. لاني الحمدلله وصلة مرحلة زينة بالتصميم والبرمجة والخرابيط كلها ..

لكن للاسف ماني داخل الجامعة تخصص كمبيوتر او هندسة كمبيوتر بالرغم ان معدلي عالي ويأهلني ادخل .. لكن بروح مجال البزنس والبنوك علشان الفلوس

اما انت يابو حمد .. مال اول خلاص .. جار عليك الزمن .. :1power:

[arabSquad]

لا اذكر تماماً لكن فتره دخولي النت كانت مابين 1999-2000

[EISA AHMED]

فتره دخولي كانت تقريبا 2001 وزاد اهتمامي بالمواقع عام 2003 وهو السنه الي عملت فيها اول موقع والى اليوم هذا 2007 عمري 19 سنه

[سطام سعد]

انا تقريبا معرفتي في النت .. كانت على اخر ايام 2001 وطبعا .. كنت معرفه شبه بسيطه .. تقريبا عام 2002 صار لي جوله بعالم النت .. وما انسى فرحتي يوم حطوني مشرف في مدرسة المشاغبين .. وطبعا كنا داشرين وحقين تفحيط .. اخبر موقع الديرة نت .. طبعا تعلم الشي القليل .. وكانت وقتي ضايع في شغلات او الطريق اللي اتبعته في التعليم كان خاطئ والآن الحمد لله بديت اضبط وضعي والصيف هذا ناوي اتفرغ لتعليم ..
هذا يوزري ايام الدشره ..

http://www.bdr130.net/vb/t24036.html