السلام عليكم
مساء الخير
اتمنى ان الجميع بخير
باترك الكلام الكثير و بادخل في الموضوع على طول
طبعا كلكم سمعتو عن العاصفه المتوقع انها تجي للخليج
ولاحظت ان الكل مو عارف ايش يسوي
ان الكل يقول عسى اجراءات السلامه تكون مستعده لها العاصفه ..
عسى الجهات المختصه عندها المام..
ليه وسائل الاعلام ما قالو لنا شي
ليه ما علمونا وش بنسوي
باختصار؟
شفت حالة خوف كبير و جهل و اتكاليه على الغير
محد حل المشكله
كل واحد يكتب موضوع و يخووف العالم اكثر
خلنا من اليوم نتعلم نكون جزء من الحل مو جزء من المشكله
عشان كذا انا كتبت الموضوع
و ترجمت من موقع يعلمك كيف تستعد للعاصفه بكل مراحلها
قبل العاصفه
اقتراب العاصفه
وقت العاصفه
بعد العاصفه
خلنا بسم الله نبدا
قبل العاصفه</B>
كيف تستعد للعاصفه
التاكد بان بيتك جاهز للعاصفه
* هل انت مستعد *الاستعداد المبكر
*خطوات اساسيه * ماذا تفعل
هل انت مستعد
اهم شي الاستعداد النفسي و معرفة ما يمكن ان يحدث بالخارج ..رياح قويه مره و امطار شديده ..
نظف حول بيتك وملاحقك من الاشياء الي ممكن يطيرها الهوا و يضرب بها على الشبابيك
تحسب لإنقطاع الكهرباء
أمن البيت ..خزن كميه كافيه من الاكل ..الماء..و المستلزمات الثانيه اللي انت تحتاجها و يحتاجونها اسرتك ..
هل انت مستعد بها الاشياء؟ اذا ما بعد استعديت هذا وقت انك تتحرك و تضبطها
خلك مستعد من بدري
قبل أي تحذيرات و تنبيهات
-امن منزلك شبابيك ..بيبان ..اشياء خفيفه يمكن تطير او تتضرر من المطر والريح القوي
-التموين :فيه 6 اشياء مهمه لازم تركز عليها لمن تفكر في ها النقطه :
*الماء :كراتين موية صحه تحسب لانقطاع المويه لاي سبب كان و للشرب لانك ماراح تطلع و تدخل من غرفه لغرفه وقت هبوب العاصفه ..
*الاكل:حضر نفسك بالاكل اللي يكفي يومين بالكثير و مايكون محتاج ثلاجه او طبخ ويكون خفيف يعني معلبات و لا تنسى الفتاحه
*حقيبة اسعافات اوليه: حبوب للزكام و الحمى و الحساسيه....الحاجات الطبيه لاي مريض في العائله من علاج و خلافه ..مريض سكر ..ضغط..اجهزة قياس السكر و الضغط و الاشياء اللي مثل كذا ..
* المستلزمات الصحيه ..مناديل ..اكياس زباله ..مناديل حمام.الله يعزكم ..صابون ..حاجات نسائيه خاصه ..
*الملابس و مستلزمات النوم :غيار ملابس لكل شخص..جزم لحماية الاقدام لانه مع العواصف يكون فيه امطار و ممكن يكون فيه سيول..وتدخل البيوت ..وبرضو بتحتاج لبطانيه لكل شخص او كيس نوم
* الامدادات و معدات الطوارئ: راديو ببطاريه +بطاريات اضافيه ..كشافات + بطاريات اضافيه ..طفاية حريق صغيره ..شموع..و تسكر الكيبل حق الكهرب و الغاز .. صافره <<للاستغاثه <<يعجبني تفكيرهم ها الامريكان يحسبون حساب كل شي
معدات خاصه
*الرضع: حليب..بامبرز..رضاعات..
*البالغين و كبار السن :ادويتهم ..عدساتهم اللاصقه..نظاراتهم الطبيه ..
*اغراض للترفيه : كتب تلوين ..كتب احاجي و الغاز..جرايد ..مجلات..كتب..
*اوراقك الرسميه:لازم تحتفظ بها في مكان معزول عن المويه .شهادات بمختلف انواعها ..عقود..قسايم تأمين و اسهم..شهادات تطعيم..جوازات سفر..ارقامات حساباتك في البنوك..ارقام مهمه..مجوهرات..ذهب..اغراض تخاف عليها ..
الحين يمديك تشتري ها لاشياء اذا مهيب عندك و تحطها في كرتون قبل موعد الاعصار بيومين واذا بدا الاعصار تاخذ كرتونك و تدخل الغرفه اللي انت مضبطها..
عمل خطه
1-اجتمع مع العائله ..تكلم معهم ..خصوصاً الاطفال ..اشرح لهم وش بيصير و وش مطلوب منهم ...اشرح للجميع واجباتهم لمن تبدا العاصفه ..ووش ممكن يصير لمن تبدا و مضاعفاتها...
2-حدد وين بتكون لمن يبدا الاعصار..اذا بتجلس في بيتك؟..اختار غرفه صاده ..شبابيكها صغار او ممكن تامين شبابيها ..تكون في الدور الي تحت واذا ما قدرت احرص انها تكون صاده عن الشارع..لان الشارع مساحه كبيره و تيار الهوا يكون فيه قوي و ماتكون الغرف اللي عليه آمنه ..
الاعدادات من اجل اطفالك
لازم تدرس مسالة كيف بتاخذهم من المدرسه و تجيبهم للبيت في يوم الاعصار..انت ..اخوهم...السواق ..كلها لازم ينحسب لها حساب ..و اشرح للاطفال انفسهم وش بيصير عشان ما يصيرون في خووف كل الوقت ..
الاشخاص المضطرين للعمل خلال وقت الاعصار
اذا ما تقدر تكون مع اسرتك وقت الحدث..احرص انك مأمنهم من جميع النواحي بما ذكر سابقاً..
اجتمع مع الجيران
افتح الموضوع مع جيرانك و خذو من بعض استعدادتكم لها لشي..حددو من بيكون محتاجكم اكثر فيما لو كانت اضرار العاصفه كبيره ..و من ممكن يكون يساعد الجميع اكثر شي..
تكلم مع اطفالك
-اشرح لهم وشو الاعصار :وهو عباره عن رياح مطيره شديدة السرعه ..و هي خطيره لكن مع الاستعداد المناسب كل شي بيكون اوكي ..خل شرحك بسيط.. كل ما كانت معلوماتهم عنها وافره كل ما كانو في امان اكثر ..
- علمهم وش سويت عشان تخلي البيت آمن في وقت الاعصار
-فهمهم اهمية انهم يسمعونك زين و يفهمونك زين..و كل اللي مطلوب منهم يسمعون الكلام ويكونون مطيعين..عشان كل حاجة تمشي تمام..
- علمهم الغرفه اللي بتجتمعون فيها لمن تبدا العاصفه ..
- جهزاغراضهم:العابهم ..بطانياتهم ..اكلهم اللي يحبونه..اغراضهم الخاصه ..فرشاة اسنان و معجون..
الخطوات الاساسيه؟ خطوتين..</B>
استعد قبل</B>
راقب الطقس</B>
تأمين البيت
بما ان بيوتنا مسلحه فماراح نحتاج الا اننا نأمن الشبابيك اكثر شي ..خصوصا في الغرفه اللي بنجلس فيها وقت العاصفه..
عشان تامن شبابيكك؟ حط عليها تجليده شفافه ..او تيب (لزاق- شطرطون) عريض على شكل اكس...بس حط في بالك ها لااشياء ماراح تمنعها من انها تنسكر لو ضربها شي..اقلها بتمنع القزاز من انه ينتثر..
لكن اللي عنده ستاير خارجيه عازله للضوء؟ بتساعده كثير و بتحميه و تحمي شبابيكه من انها تتكسر..
الي عنده اريل طويل فوق بيته يشيله ...لان العواصف غالبا يكون معها صواعق ..منتب محتاج صاعقه فوق بيتك..
لازم تكون سيارتك جاهزه و فيها بنزين كافي ..في حالة لو طلبو اخلاء المطنقه..
الغرفه اللي بتجلس فيها
اختار الغرفه اللي شبابيكها صغار زي ما قلنا و ابعد عن اللي بيبانها متحركه ..حط فيها اغراضك اللي جهازتها من بدري ...
حيواناتك الاليفه
في اليوم المتوقع للاعصار لا تخليها تغيب عن عينك ..عشان مو اذا بدا الاعصار جلست تدورهم..حدد من الشخص المسؤل عنها و مطلوب منه ينقلها للغرفة المجهزه..
والله يا اني ضحكت يوم تخيلت قطو مرتاع شاطف الشباك وهو مطيره الهوا .هههههههههههههههههههههه :funny: :funny:
اقتراب العاصفه</B>
الحين قرربت العاصفه وش تسوي؟؟..
سكر الكيبل...الغاز...المويه ...
خذ العائله وحيواناتك الاليفه للغرفه اللي جهازتها ..شيك على الاغراض شف اذا كل شي جاهز..
راقب الاعصار..افتح الراديو..اسمع المحطات وش تبث و تقول..قرريب؟..مو قريب؟؟..كم بقي له و يوصل منطقتك...
لا ترتبك ..تهبل بحرمتك و عيالك..خلك راكد..حافظ على هدوئك..
توقع ان شبكة الجوال ممكن تنقطع ولا ما تووصل...
انتبه للتحذيرات ... في وسائل الاعلام..
وقت العاصفه</B>
وقت العاصفه وش تتوقع يصير؟
ريح :بتكون قويه بشكل مره كبير
مطر:راح يكون غزير و قوي وبيضرب بشكل شوي يخووف
البحر:بيكون مره امواجه قويه و يمكن يفيض على المناطق الساحليه
سيول:وهي شي متوقع جدا في حال العواصف..فنكون مجهزين انفسنا لها الشي..الملاحق ممكن تغرق بالمويه ..وكل شي فيها ممكن يخرب..عشان كذا انقل عفشك جوه لا يروح.. ونفس الشي للي لهم في البدرومات اجهزه و معدات تخرب من المويه ..لازم تستعد لمسئلة انه ممكن المويه تعبي لك البدروم او الدور الارضي..كلن حسب بيته ...لكن ابعدوها عن الاماكن اللي ممكن تفيض..او ارفعوها عن مستوى الارض...ولا تنسون الكهررب تراني قلت سكررو الكيبل...
بعد العاصفه</B>
بعد العاصفه عاد؟ تحمد الله بسلامتك و سلامة عيالك و حلالك
تنظف البيت و تشوف وش خرب وش ما خرب..و تذكر مهما كانت خسايرك؟ انت و اهلك بخير و هذا الاهم و لا الباقي يتعووض ..توقع ان الكهرب ممكن يكون مقطوع لفتره بعد العاصفه...
اهم شي اهم شي ؟
خلك هادي عشان تعرف تتصرف
هذا اللي قدرت اترجمه من هاالموقع
http://members.aol.com/minnyminew/we...hurricanes.htm
و باختصار اخذت لكم المفيد ..
الباقي ما اخذته لانه يا كلام مكرر ولا مبالغ فيه او ما يناسب بيئتنا ووضعنا...
اسال الله السلامه للجميع
والله يحفظكم ..
رد مع اقتباس
المشاركة الأصلية كتبت بواسطة alshargawi
