ميزانيتي كبيره مره فوق الـ 100 الف ][ اقتراحاتكم ][

[سليمان عبدالعزيز]

السلام عليكم
ميزانيتي حول الـ 300 الف ريال


وش تقترحون علي اسوي

انا بسوي موقع كوره

يعني اسوي فنايل وطواقي واوزعها عند الملعب ومواقع تنصحوني اعلن فيها



ولا اسوي قناة ولا وشو بالظبط

دمتم بود


الموقع بيكون حق كورهـ

[محمد بن عبدالعزيز بن سيف]

لانصحك

لان الفنايل والطواقي اللي عند المللعب على ريالين

وفيه الف شخص يبيع

يعني لو بتحتكرها انت لحالك صح ويمكن


شف لك مشروع افضل يدخل لك 10% خلال السنه الاولى

[الإبداع]

سو فيها مدرسه ونجح نفسك ولاتخرجت سولك مشروع جديد

[موقع روش]

لو تبغى تسوي قناه فاضيه
ممكن اساعدك
fcis_acm@hotmail.com
ممكن تتناقش وتشوف المووضوع وكدا
وبعدين قرر

[bman]

افتح مطعم راقي

[أبوهيثم]

استقطع مبلغ 20 الف من المبلغ الي معك و خله خيري

10 الاف صدقة جارية تنفعك حتى بعد مماتك[بعد عمر طويل ان شاء الله]

10 الالف تبرعات وخاصة لاصحاب الحاجة الي ما يسألون الناس

وباقي 280 الف افعل بها مشروعك وبحول الله ان الله بيغنيك بسبب الصدقة

ابوهيثم

[سليمان عبدالعزيز]

فهمتو الموضوع خطاء

بالـ200 الف

بسوي موقع كوره

اقترحو علي وش اساليب الدعايه

وفكرت قناة على التفلزيون تدعم الموقع حلوه او لا


والاخ شبكة الاصيلة

ماقول ابي ابيعها بحطها مجانا

وعليها طبعت الموقع

[نيشان كوم]

اخوي موقع كورة ماخوذ خيره مهوب من زين كورتنا العربية الشي الثاني نشاطه موسمي

انا اقترح انك تفكر في موقع خدمات من اي نوع ولا تبدا بكل قوتك خلها شوي شوي عشان يكون تقدمك بثبات

لان اذا بديت بقوتك كلها واتجهت في مسار خطأ بتجد نفسك غير قادر على تحويل مسارك

اما البناء بهدوء والاعتماد على التطوير المتناسق مع مسار الموقع بيعطيك فرصه اكبر لتفادي الاخطاء ومواكبة التطور للموقع وفق حاجته


واي موقع تبي تسويه انصحك نصيحه لوجه الله ان تعتمد فيه من البداية على Search Engine Optimization والمقايس القياسيه له

وانا اشوف ان الاستثمار في النت الفتره القاده راح يكون مربح خاصه مع تطور البنية التحتيه للاتصالات ودخول الحكومات الاكترونيه لحيز التنفيذ في السنوات القادمه لهذا نحن مقبلين على ثوره في عالم النت وسيتضاعف عدد المتصفحين بشكل خيالي وستتغير نوعية التصفح من ترفهي الى خدمي

والجميع امامهم الفرصه لتجهيز لاستقبال هذا التطور





الفكره لا تباع بثمن وانصحك ان رايت موقع فكرته لها مستقبل اما ان تشتريه وتطوره او تشارك صاحبه بعملية تطوير للموقع واهم شي بعقد رسمي



اما الدعاية انصحك بمحركات البحث اتبع كل الطرق للوصول لها لانها هي اكبر ضامن لاي موقع واذا اردت الدعايه المدفوعه فجعلها ايضا عن طريق محركات البحث



اسف على الاطاله


تحياتي

[Njm-Alryiadh]

نصيحة اخ لأخيه .. فلوسك لا تحطها في الانترنت نهائى ..

شوفلك مشروع خارجي تشرف عليه بنفسك ..


والله يوفقك ويسعدك

[أزدي]

استقطع مبلغ 20 الف من المبلغ الي معك و خله خيري

10 الاف صدقة جارية تنفعك حتى بعد مماتك[بعد عمر طويل ان شاء الله]

10 الالف تبرعات وخاصة لاصحاب الحاجة الي ما يسألون الناس

وباقي 280 الف افعل بها مشروعك وبحول الله ان الله بيغنيك بسبب الصدقة

ابوهيثم

و بالنسبة للإعلانات أستخدم GoogleAdwords طريقة ممتازة لإستهداف زوار معينين
جربتها لمدة شهر دفعت فقط 48 دولار مقابل 650 ألف مشاهدة و 138 ضغطة .. " مجرد تجربة "
يمكنك تحصل نتائح اكبر اذا عرفت تخلي اعلانك جذاب

[ريان الحربي]

اخوي القناة غالية كثير

تكلفك فوق نص مليون ريال 500 الف اقل شيء

وهذا بس قمر فضائي واجهزة

وكمان فيه قناة جديدة بتعرض لقطات كورة جديدة


استثمرها في شيء يعود لك بالنفع

[سليمان عبدالعزيز]

تسلمون


نيشان كوم

وانا مافكرت بالنت الى عشان اشوف التطور والتقدم العربي من الناحية الالكترونيه


ومن ناحية المحركات البحث بتكون روابط نصيه بمواقع رتبتها تتعدى الـ 5

افضل بكثير



ريان الحربي
مابعد استفسرت عن الاسعار انا وزين انك علمتني عشان اوقف من اللحين


أزدي
ماعرف لذي الاشياء وقوقل ادسنس
وشلتها
===========
Njm-Alryiadh

لا اخوي النت افضل بكثير

[PHP Expert]

نصيحة اخ لأخيه .. فلوسك لا تحطها في الانترنت نهائى ..

شوفلك مشروع خارجي تشرف عليه بنفسك ..


والله يوفقك ويسعدك

اتفق معك
اخوي لاتضيع فلوسك بالنت ترى مامنها الفايده,,, يعني لو بامريكا يمكن تستفيد بس هنا قابلني اذا استفدت

افتح لك مطعم حق مشويات يطلع فلوس بالهبل
ووزع فنايل عليها صورة بروستد مع رقم تلفون المطعم

واعضاء سوالف اتركهم يتغدون وتعشون ببلاش بالمطعم

[سليمان عبدالعزيز]

خخخخخخخخخخخخخخخخخخخخخ
ابطت اخليه ببلاش ارفع عليكم الاسعار هههههههههههههههههههههههههههههه

اخوي بس الفكره والداعمين لي

على اساس موقع على الانترنت

[King of Knights]

والله دام الميزانية طيبة ماشاء الله لا تضيعها على شيء ماله داعي بالنت

عن تجربة سمعتها من شخص

دفع حول 100 الف ريال واشتهر موقعه فترة وماش جاك مدحدر

اتحفظ على اسمه وعلى موقعه

لكن مثل الاخوان افتح لك مشورع خارجي

او انك تشتري موقع كبير وتشتغله صح

دامك هاوي كورة

ليش ما تشري موقع سبورت 4 ايفر سومه شوف كم يبون مكتوب

ليش ما تساوم في موقع الميلان العربي قوي وحلو تنضيمه وفريق ميلان منتعش وبقوة هالفترة

مو احسن لك تاخذ شيء جاهز وتطوره من البداية من الصفر

ونصيحتي لك اشتر موقع وصلات اذا كان راح يبيعك فهو افضل الموجود حالياً ومهي خسارة فيه

تحيتي ..