افضل عروض لافضل شركات اجنبية اقل مساحة 100 غيغا والسعر رخيص مره

[فارس الحربي]

سبحان الله دائما تصدف معي

اذا ادور على شي ما تمر 24 ساعه إلا احصل احد يتكلم فيه <<< ماعليكم ههه

اخوي r7y تسلم لي على موضوعك هذا وراح يفيدني كثير وحبذا لو تضع موضوع الريسلرات وعمل مقارنه جميله مثل هذه

في الإنتظار

[r7y]

أخوي فارس
الله يسلمك ويعافيك
العفوو اخوي ما سوينا الا الواجب
والله بصراحه بالنسبه لموضوع الريسلرات انا كنت ناوي احط لريسلرات والفي بي اس والسيرفرات بعد بس يوم ما شفت تفاعل كبير مع الموضوع هونت بس الحين ان شاء الله اعدكم قريبا اني احط مواضيع للريسلرات والفي بي اس والسيرفرات بعد

اتمنى يكون الموضوع مفيد وكل شخص تعامل مع هالشركات وعنده راي في هالشركات يقولنا علشان الفايده تعم الجميع ...


اخوي متعب وينك اليوم مختفي

[Matab]

موجود أخوي لكن ننتظر تكملتك

[Gmc.9]

قمة بإضافتك Msn ,
Bo0ox (At) Hotmail (Dot) com

ضروريِ

[فارس الحربي]

اخوي r7yمتابع الموضوع وانتظر التحديث القادم

[arwa]

يا اخي هل هو تغرير عبر سوالف ؟
تضيف المواقع الاجنبيه عبر نظام العموله .. فلا نستطيع الحكم على الإستضافه لانك تمدح بها لقاء عمولتك

[r7y]

يا اخي هل هو تغرير عبر سوالف ؟
تضيف المواقع الاجنبيه عبر نظام العموله .. فلا نستطيع الحكم على الإستضافه لانك تمدح بها لقاء عمولتك

اخوي او اختي
خلني انا كذاب وامدح علشان العموله

ادخل www.google.com

كتب top web host

بتطلعلك عدة مواقع اتصفحها وان لقيت اني ضايف شركه من راسي كلمني علشان اكلم ادارة سوالف يحذفون الموضوع .....


بس سوال صغير ؟؟

لو ضفت الشركات ولقيت عموله عيب او حرام ؟؟؟؟


بتقولي لا عيب ولا حرام بس تغرير ؟؟؟

بقولك مره ثانيه ادخل القوقل وابحث عن افضل الشركات وتعال ارجع كلمني بعدها مره ثانيه
....

انتظر ردك اخوي

[الجبل الشاهق]

يا اخي هل هو تغرير عبر سوالف ؟
تضيف المواقع الاجنبيه عبر نظام العموله .. فلا نستطيع الحكم على الإستضافه لانك تمدح بها لقاء عمولتك

سبحان الله .. الكيبوردات عند بعضها !!

عروض مميزة وقرأت عن بعضها في الـ wht لكن سؤالي بخصوص اللود :con2: أيش المشكلة أذا كانوا محددين الشروط ( مساحة باندويث ) ليش الكثير من الشركات تحط عروض ولا يجي أسبوع إلا يقولون لك 48 ساعة تسوي باك آب و تنقل أو ترقي :anger2: ؟؟ هل هناك شروط مخفية ( مع أني لا أقرأ العقد على أي حال ) :funny: هذا اللي يكرهني في الكثير من الشركات .. :con2:

[الجبل الشاهق]

للتو قرأت ردك في المشاركة رقم 22

يا أخي العزيز ( لا غبار ) على ما فعلت فيحق لك الأستفادة من نظام المشاركة ( العمولة )!! لكن لا اكذب عليك و أكون صادقاَ معك .. فأنا كما ( arwa ) حينما شاهدت الروابط و قبل أن اقرأ رد ( arwa ) .. قلّة أهمية الموضوع الرائع و مصداقيته عندي أنا شخصياَ .. ولو أوضحت ذلك في نهاية الموضوع لم تكن تجد ردي هذا أو رد أي شخص آخر بخصوص هذه النقطة ولم و لن تجد الا الشكر و التقدير .

جزيت خيراَ

أخوك : الجبل الشاهق

[r7y]

سبحان الله .. الكيبوردات عند بعضها !!

عروض مميزة وقرأت عن بعضها في الـ wht لكن سؤالي بخصوص اللود :con2: أيش المشكلة أذا كانوا محددين الشروط ( مساحة باندويث ) ليش الكثير من الشركات تحط عروض ولا يجي أسبوع إلا يقولون لك 48 ساعة تسوي باك آب و تنقل أو ترقي :anger2: ؟؟ هل هناك شروط مخفية ( مع أني لا أقرأ العقد على أي حال ) :funny: هذا اللي يكرهني في الكثير من الشركات .. :con2:

أخي العزيز شاكر لك مرورك الكريم....

بالنسبة لمشكلة اللود اخوي فللاسف الكثير يعتقدون ان اللود على السيرفر يعني الباندويث وهالشي غلط
اخواني مشكلة اللود على السيرفرات تحصل كالتالي

طبعا كل موقع مستضاف على خطة استضافه مشتركة على سيرفر يوجد على ذلك السيرفر عدة مواقع اخرى

يحدد لكل موقع نسبة معينه من اللود على السيرفر مثلا 10%

كيف تحصل مشكلة اللود

مشكلة اللود تصير يوم يكون عدد زوار موقعك كبير جدا في لحظه معينه
يعني مثلا السيرفر يستحمل وجود خلونا نقول على سبيل المثال 100000 زائر بنفس اللحظه
اللحظه = مدة زمنيه لا تتجاوز 90 ثانيه

طيب لو قلنا الشركه عطتك 10% معناه انه اللود المخصص لك يستحمل 10 الف زائر بنفس اللحظه
طيب لو كان عندك منتدى كبير ومتصل بنفس الوقت 11 الف زائر شو اللي يصير ؟؟
هنا موقعك تخطى حدوده شوي وزاد عدد زواره ما يغلقون الموقع الا اذا استمر هذا الضغط لاكثر من 90 ثانيه يعني لو كان عدد الزوار بنفس اللحظه 11 الف وبقى لمدة 30 ثانيه مثلا ما في مشكله بس لو استمر لاكثر من 90 ثانيه هنا يوقفون موقعك يوقولون لك اللود عندك عالي

طيب لو كان عدد زوار موقعك 100000 زائر باليوم او حتى مليون عادي مافي مشكله طالما انهم غير متواجدين بنفس اللحظه

هذه مشكلة اللود وليست المشكله في الباندويث يحق لك استخدام كل الباندويث المخصص لك طالما ان موقعك ما يسبب لود عالي

مثل ما تشوف اخوي شركة هوست روكيت تعطيك باندويث غير محدود تقدر تستفيد من هالشي طالما ان عدد الزوار لموقعك ليس كبيرا خلال نفس الوقت

كثير من الشركات توفر خطط اخرى

مثلا هوست روكيت يوفرون خطه اسمها semi-dedicated في هالخطه سعرها تقريبا 74 دولار شهريا
بس ما يحطون غير اربع مواقع على السيرفر
واللود المخصص لك 25% من موارد السيرفر
مما يجعل الموقع يتحمل لود عالي لكن المشكله في السعر بصراحه 74 اشوفها غاليه شوي ولو ازيد عليها شوي اقدر اخذ سيرفر من بعض الشركات


ومثل ما ذكرت يحق لي الاستفاده صح ؟؟
والله يوفقك اخوي الجبل الشاهق وشاكر لك مرورك الكريم وردك على الموضوع
واتمنى تكون مشكلة اللود فهمت المقصود فيها واي شي اميلي موجود بالتوقيع ضيفني وان شاء الله اوضحلك اكثر

[الجبل الشاهق]

10/10

شكراَ جزيلاَ لك الآن اتضحت الفكرة عندي و راح أجرب أحدى هذه الشركات و على الله ما يقولون البورت يوسع جمل شيل عفشك ., ><

أخوك : الجبل الشاهق

[r7y]

العفوووو اخوي الجبل الشاهق

ونحن بانتظار تقيييمك للشركة اللي بتحجز منها

[r7y]

مثلا هوست روكيت يوفرون خطه اسمها semi-dedicated في هالخطه سعرها تقريبا 74 دولار شهريا
بس ما يحطون غير اربع مواقع على السيرفر
واللود المخصص لك 25% من موارد السيرفر
مما يجعل الموقع يتحمل لود عالي لكن المشكله في السعر بصراحه 74 اشوفها غاليه شوي ولو ازيد عليها شوي اقدر اخذ سيرفر من بعض الشركات

عفوا اخطات في اسم الشركة

الشركة ليست هوست روكيت الشركة هوست جيتور

[فتى العرب]

الله يعطيك العاااافيه ,,,,
من زماااااان و انا ادور لهذي الشركات


بس سؤال يا الغالي
وش الفرق بين reseller و shared ??

لاني لقيت فرق بالسعر بس وحده فيها whm و الثانية لا ؟؟ ياليت توضح لنا
و هل اقدر اني اخذ ريسلر بمساحه كبيره و اجر ريسلرات منه ؟؟؟

[r7y]

أخوي فتى العرب

الفرق بين reseller و shared
ان الريسلر تقدر تبيع منه مواقع لعملاء ثانين يعني تقدر تقول تسوي فية شركة استضافة
اما الشارد لا فهي الاستضافه العاديه اللي تسوي فيها موقع شخصي لك او تدير فيه مواقعك الشخصيه الاخرى ولكن ما تقدر تبيع لاحد ثاني لان لوحة التحكم بتكون واحده ومشتركه
شارد يعني مشترك