السلام عليكم ورحمة الله وبركاته
أسعد الله أوقاتكم جميعاً
وتقبل الله منكم صلاة الفجر ^_^
أنا هنا لاأذم الشركات العربية ..
بل سأكت من واقع تجربات عريقه معي ^_^
بالبدايه اول ماتعلمت الاستضافه كنت مستضيف عند بن عمي صاحب استضافه قدييمه جداً جداً على سنة 2002 تقريباً والحمدلله كنت مطمئن له
واستمريت معه فترات طويله وبمواقع كثيره ولن كنت ادفع ريال واحد !!! بيض الله وجهه
واول استضافه دفعت لها فلوس استضافه فهي شركة"مربع" والله ثم والله ان هي الشركه الي كنت ارتااح لها نفسياً بصراحه !!
استمريت معها قرابة 6 شهور والحمدلله مرتااح معهم
ومن طلعت معهم مدري وش صار لهم بالاختراقات والبهذله لكن والله اني ماكنت اتمنى هالاشياء تحصل لكن ماقدر اقوله لهم "أعانكم الله يامربع على مابلاكم"
بجي لشركه قليل الحديث عليها يعني مالها طاري بسوالف سوفت وقليل يشاركون بها مب زي اول
شركه متخصصه بالسيرفرات
انا اخذت سيرفر معهم وتعاملت معهم شهرين فقط .. صح قليله ؟؟
لكن سأتكلم عن تجربة أصدقائي وها هم معنا بسوالف سوفت وان شاء الله انهم بيردون على هالموضوع لكن ماني ذاكر اساميهم
صديقي XX تعامل معهم اكثر من سنه والله يشهد على كلامي وماقد فصل الموقع او اخترق الا من السيكربتات اما السيرفر ماقد اخترق طوال الفتره الي كان فيها عندهم .. وجربته طناخه وقام نقل لشركه اجنبيه وها هو متبهذل الأن ,,, لايعرف انجليزي ولايعرف كيف يحولهم .. الله يعينه
اول كان بالشركه ذي ومدلع وكل شي تمام
حتى كان يتأخر بالدفع مع ذلك كانو يساعدونه ..
وانا والله العظيم تأخرت بالدفع لمدة 15 يوم واكثر ولم يقفلو السيرفر علي نهائياً وانا طلبت منهم ايقافه واول ماغلقوها طلبت باك اب قامو شغلوه لي علشان اخذ نسخه ودفعت لهم المبلغ المتبقي اول ماشغلوه لي
صديقي XXXXX فهو صاحب استضافه عريقه بمجالها
ماخذ منها اكثر من 5 سيرفرات له ولعملائه !!!
شوفو الأمان والثقه كيف .. ؟
وله معهم اكثر من سنتين وهو مرتاح نفسياً تخيلو دعم فني ماعنده موظفين البطاقه الي تجيه مشكله بالاستضافه على طول يحولها للشركه ذي وهم يحلونها دامها بأحد مواقع السيرفر بشرط تكون المشكله بالسيرفر وليس بسيكربتات الموقع !!
والباك اب عندهم فوق الممتاز ودعمهم يردون عليك بأقل من 12 ساعه واقل ان شاء الله
صديقي XXX
ماخذ منهم سيرفرين او 3 ماني متاكد لكن مب اقل من سيرفرين وله تقريباً سنه والله ماقد شكى منهم ابداً
انا اخذت منهم عن ترشيح بذولي الأصدقاء وبالفعل مالقيت الراحه الا معهم بالفعل !
اقسم برب العزه اني جالس اكتب الموضوع وموظفين الشركه ذي مايدرون اني كتبت الموضوع
انا هنا لأعلمكم الشركه الي عن تجربات عريقه معها لي ولأصدقائي ومدى مصداقيتهم
انا الان على وشك افتتاح مكتب للإستضافه والتصميم وستكون كل سيرفراتي معهم وماراح احتاج موظف دعم فني سيرفر فقط راح احتاج لشخص ينقل البطاقات من موقعي لموقع الشركه ^_^
الشركه هي
إيجي مكس
والله ثم والله الي بيرتاح نفسياً وتعبان من الشركات الثانيه انصحه فيها بكل شدددددددده
والي تعانون منها يااخوان لو كل 5 مواقع تتقاط شهرياً 100 ريال تاخذون لكم سيرفر منها وكلكم فيهم افضلكم والروت يكون معهم
واقول لكل شخص بيستضيف عندهم بعد مايجربهم شهرين اتمنى انه يدعي لي ولأولادي :shy:
ايجي مكس شركه رسميه بمصر
بها شباب أكفاء وخبراء بالسيرفرات سأذكر الي اعرفهم شخصياً فقط
المعلم إبراهيم
والباشمهندس عمرو
والأمير احمد
عذراً يوجد لديهم موظفين اكثر من هالعدد لكن الي اعرفهم معرفة مسنجر ذولي بس ,,
لي ربع ساعه اكتب الموضوع تعبت
وأشكركم لسعة صدركم لقراءة الموضوع ومعليش ان أخطأت بالتعبير لكن كلمة الحق تقال
ولحد يجي ويقول اجنبيه ومدري ايش قسم بالله بكره تروح لها وماتعرف انجليزي وبتدق نجر وانا عارف هالشي
ونظام الاجانب من يرتفع اللود شوي قفلو موقعك .. حتى العرب كذا لكن العرب بيتساهل معك من حيث التفاهم
زي مايقولون
عمر الظفر مايطلع من اللحم ... والا أنا غلطان ؟
أستودعكم الله
مُحبكم