السلام عليكم ورحمة الله وبركاته
قدر الله اني عند شركة الشهادة لله ممتازه جدا بالخدمات او الدعم او الاب تايم وما حدث ان أحد المشرفين وبسبب بعدي وانشغالاتي عن الموقع ثقل العيار مره على المراسلات وتم ايقاف الموقع
الى هنا الوضع تمام تواصلت مع الشركه وبعد جهد جهيد قال لي انت مخالف ويا مرحبا بك تاخذ الباك اب الخاص بك وتزيح وقلت ما عليه مع انها المره الاولى الي تصير مع الموقع عندهم
استأجرت مساحه ثانيه وقلت لهم لا هنتو عطوني الباك اب فردو علي بأن الباك اب المضغوط فوق 5 جيجا وماهو بالامكان انهم يعطوني اياه كلنك وطالبوني بحساب SSH وقلت حاظر وبعد اخذ وعطا ارفقت هويتي واثباتاتي الشخصيه للشركه الجديده عشان يفتحون الخاصيه حسب السياسه المتبعه عندهم وارفقت بيانات ssh للحبايب الحاليين وقلت يا جماعه انقلوه وفكوني اشوف اشغالي
كان الرد ان شاء الله خلال 24 ساعه يتم النقل ويوم واثنين ومن تذاكر لين شات لايف لين تلفونات وكل وقت ويجيني وعد بأن العمليه بتتم بأقرب وقت
لين ما جاني الرد اللطيف ما عندنا لك باك اب لأن على موقعك برامج مقرصنه أي غير مصرح فيها حسب سياسة الـ USA والي موجوده على مجلد كان اخر تحديث عليه بأول 2006 وانا نقلت عندهم قبل 5 شهور بس
طبعا تمت اكثر من محاولة دون اي جدوى وما بقى شي ما سويته لين ما قالو احنا لو تساعدنا معاك وحاولنا نساعدك بنكون خرقنا القانون ومستحيل يصير هذا
فلو كان هناك شخص يقدر يقول أنا اقدر اجيب الباك اب وانقله لك لوجه الله بقول له رحم الله والديك دنيا واخره
ولو كان هناك شخص بيقول انا اقدر اجيب لك الباك اب وانقله بمقابل يحط المقابل وايميله لكن يكون فعلا على استطاعه انه يجيبه ماهو كلام
ولو ما فيه احد مافيه مشكله والله يعوض خير وراح اغلى