السلام عليكم

يمكن شدكم العنوان بس هذي الحقيقة !

مشكلتي معاهم من أول يوم كنت بشتري دومين ودفعت بالباي بال على ايميلهم الموجود بالرغم كانوا كاتبين تقدر تدخل من هالرابط أو تدفع بإرسال المبلغ زي أي عملية عادية طبعاً أنا سويت الخيار الثاني وابتلشت !
قامت تقول الموظفة اللي بالموت ترد أن المبلغ ما وصل حاوت منا ومنا قالوا ما وصل ظليت 3 أسابيع بعد مراسلات لباي بال وإقناعهم أن المبلغ ما وصل ورجعوا المبلغ وبعدين دخلت حسابي بسيدو ودفعت من الرابط وبالفعل وصل المبلغ
بعدين أرسلتلي الموظفة أن المبلغ وصل وراح يسوون مراسلاتهم ظليت يمكن ثلاث أيام ادخل حسابي, ولا أشوف من الرسايل الموجودة بالحساب مو من الإييميل كود النقل وطلبوا مني أنقله
والموظفة المفروض تقولي من الإيميل مو اشوفه بحسابي وأتفاجأ والعادة من سيدو من قبل أنا شريت دومين منهم أنهم ياخذون الدومين ويعطوني لوحة تحكمه أو يسوونله (Push) أو أطلب نقله ,,
المهم قلنا يلا خلا نطلب النقل بعد ما طلبت النقل أخش الإيميل بعدها بيوم (الجمعة) ولا تقول الموظفة الذكية ! أنه ممكن يسوون للدومين push أو نقبل النقل وكان يوم جمعة أرسلتلها قلت أسرعلي خلاص سوو للدومين push ولا تجيني رسالة منها اتوماتيكية تقول فيها انها ماراح تكون موجودة بالمكتب الجمعة يعني أيضاً ماراح تكون موجودة لا السبت ولا الأحد لأن عندهم عطلة :looking:
قلت يلا انتظرنا شهر ننتظر زيادة بعدين ردت علي الأثنين قالوا انهم راسلوا البائع وبيسوي للدومين push شوف الغبية كيف يخلون الدومين عند البائع !!
المفروض ياخذونه علطول من اول ما دفعت مو ياخذون كود النقل بس يعني البائع يعطيهم اياه او يسوي للدومين push على حسابهم ( الدومين على شركة معروفة ومشهورة جداً ) ومش معقولة ما عندهم حساب عليه المهم طبعاً انلغى لأني فضلت أنهم ينقلون الدومين من حساب لحساب وانتظر يوم يومين أسبوع !! وما انتقلي اي دومين وراسلتها وقالت خلاص اطلب نقله لأن البائع مايرد ! طلبت نقله مرة ثانية من جوداددي الطلب الأول كان من ريجستر فلاي وقلت لها قبلوا النقل
ولا تجيني رسالة منها تقول
( The seller informs us that he received a transfer request from the registrar
GoDaddy, which he hasn\'t answered yet. )
شوفوا الغباء الحين اهم مغيرين ايميل تسجيل الدومين اللي تجيه رسالة النقل إلى إيميلهم ( طبعاً ما سووا غير هالخطوة أما باقي المعلومات لحد الآن بإسم البائع ! )
يعني شمدخل البائع في السالفة ألحين انتوا حاطين إيميلكم خلاص قبلوا النقل وفكونا !!
المشكلة البائع من قبل ما يرد ( شكله ما صدق ياخذ الفلوس ) لأنه اهي طلبت منه يسوي بوش للدومين ( بوش ولا صدام ) ولا رد عليها لو انه كان يرد كان طلبت منها يقول لها على الأقل يحطون ايميلي واسوي النقل أنا وافتك بس ماااش
بعد الرسالة السابقة قلتلها ايوى من جوداددي خلاص قبلوا النقل ولا تجينيي رسالة توماتيكية ( نفس الرسالة اللي كانت بيوم الجمعة) تقول أنها ماراح تكون من 20 إلى 31 أغسطس :anger2:
وقالت اذا انت مستعجل ( لا بقعد استناك ) كمل النقل عند هالإيميل transfer@sedo.de
وطبعاً راسلتهم على الإيميل السابق ومن الموقع من أكثر من قسم :app:
ولا اشوف بعد كمن ساعة يرد علي موظف قلت والله جيد بسرعة رد قالي افتح الإيميل اللي جاك من جوداددي وسويت المطلوب في الإيميل وراسلته وقتله سويت ( علما أظن هالخطوة عشان توصل رسالة النقل ) المهم بعد هالرسالة قبل ثلاث أيام للحين مارد لا اهو ولا غيره

ما أدري هل في حل ولا بقعد كذا أنتظر
أنا أذكر شريت من قبل دومين من عندهم بس بالبطاقة الإئتمانية وكان الموظف تمام سريع وبسرعة خذ الدومين من البائع بعد ما سووله push لحسابهم وبعدين عمله push على حسابي ( كان الدومين في enom)
كانت العملية سريعة بس ذي طولت حيل
ألحين لي تقريباً ثلاث أسابيع من يوم دفعت لهم المرة الثانية ( من الرابط)

على فكرة اسم هالموظفة valeria arellano
تالله عليها :court:


سؤال آخر :
أنا دايما إذا بنقل دوميناتي أنقلها من إينوم بس قلت مافي الحساب $$ قلت نطلب من غيروو >> مايبي يشحن بــ 100
المهم اذا طلبت النقل من جوداددي واذا قبلوا النقل شتكون حالة النقل

الآن حالة الدومين Authorization Required ) Status ) هل يعني قبلو النقل ولا لا ؟


أعتذر اذا كلامي كان سريع أو فيه أخطاء إملائية بسبب استعجالي ,,,,,,,,,,