ايه رأيكم فى يوم رمضانى ؟؟!

[كريم بيومي]

ونكم يا شباب انتم نستم اليوم ولا اية
دة حتى احنا بقينا كتير اهو

[Any-Services]

اية يا جماعة هو الموضوع باظ ولا اية فينك يا عم ايجبشن مش عاملى فيها منظم بقى ورئيس رحلة ومشرف الراجل بيسخنا ويجوعنا ويخلع

عايزين نظبط بقى ..........

[كارم ابراهيم]

ايه رايكم الخميس الجى يا شباب ؟

[Egyptian]

:eek2: :con2: :eek2:

اه اه صح ..
افتكرتكم :funny:

اولا اسف للتأخير ..

رمضان بقى والعزومات وكل سنة وانتوا طيبين ..

المهم ..

الرحلة ان شاء الله

حتبقى يوم الخميس 27 / 9 يعنى يوم 15 رمضان ان شاء المولى ..

برنامج الرحلة كالتالى ..

التجمع فى اسكندرية ( محطة مصر ) محطة القطر يعنى .. من الساعه 3 لحد الساعه 4 عند النصب التذكارى .. ( دانا حعذبكم .. فى الشمس دى )

بعدها حناخد جولة حرة ساعة لحد مانوصل للمكان اللى حنفطر فيه .. اللى انا لسه معرفوش :funny:

حنفطر .. وبعدين نصلى المغرب ..

وبعدين نتمشى شوية .. ونصلى العشاء والتراويح فى المرسي ابو العباس ..

بعدها ننطلق على قلعة قايتباي نكمل السهرة هناك لحد السحور ان شاء الله

القعدة دى بقى حتبقى قعدة تقنية انترنتية مهلبية ..

حنتكلم فى اي حاجة وكل حاجة وتبادل خبرات يعنى ..

بعدها صلاه الفجر بعون الله ..

بعد الفجر اللى حيقدر يقعد يقعد .. واللى مش حيقدر يروح

-------------

دلوقتى فى حاجة ..

تكلفة الافطار والسحور لسه ما عرفنهاش .. حعرفها على بكرة او بعده بالكتير وطبعاً دى التكلفة للفرد ..

فدلوقتى فى اختيارين ..

ان كل واحد حيدفع مبلغ معين والله اعلم توتو على كبوتو يعنى فى الاول فطار وسحور وقعدة عند القلعة ..
أو كل واحد يقضيها مع نفسه ويدفع لنفسه ؟!

لكم حرية الاختيااااااااااااااااار ..
والسلام عليكم ,,

[كارم ابراهيم]

ياعمى وماله كل واحد يتكفل بنفسه اشطة الحاية

[mad921]

انا بدفع معكم حق فطار بس الصور خل نشوف صور حقيقه لمصر

وشبابها الطيبين وافضلحل كل واحد يدفع عن نفسه وبكسر حاجز

احراج او Egyptian يحاسب عن الجميع

[moslem_tk]

توتو على كبوتو .. طيب كل واحد يحضر شنطته اليوم ده علشان حنفطر فى القسم ان شاء الله

المهم ان كل واحد يأكد حضور قبل اليوم مباشرتاً وكلنا نضرب بومب .. رمضاني

[Abo_ELleal]

علي بركة الله واعتقد اليوم مناسب للجميع

ولكن حكاية عند النصب التذكاري دي ساعة حتبهدلنا واحنا صايمين

واعتقد انن نحدد جهتنا للافطار ونكون قبلها متواجدين بساعة
حتي لا تأكلنا الشمس

وانا معاكم

وفعلاً الافضل ان كل واحد يدفع لحاله

[كارم ابراهيم]

انا والله ماعرف حاجة فى اسكندرية خالص بس مدام منظم الرحلة حدد مكان نلتزم بيه هى شوية وهننجز مافيش حد من

المنصورة هنا رايح

[كريم بيومي]

طيب انا معاكم
اولون وربنا يسهلها توتو
وكابوتو استر يارب الحكومة عملة دماغ فى اسكندرية الايام دى
هههه

[Egyptian]

ياعمى وماله كل واحد يتكفل بنفسه اشطة الحاية

اشطة الكلام ..

[Egyptian]

انا بدفع معكم حق فطار بس الصور خل نشوف صور حقيقه لمصر

وشبابها الطيبين وافضلحل كل واحد يدفع عن نفسه وبكسر حاجز

احراج او Egyptian يحاسب عن الجميع

والله ياعم حتشوف الصور ..

وربنا يخليك .. وشاكرين تطوعك الكريم

الموضوع مافيهوش احراج .. انا ماقولتش انا عازم حد

عيش حياتك , ,

[Egyptian]

توتو على كبوتو .. طيب كل واحد يحضر شنطته اليوم ده علشان حنفطر فى القسم ان شاء الله

المهم ان كل واحد يأكد حضور قبل اليوم مباشرتاً وكلنا نضرب بومب .. رمضاني

القسم .. طيب اشطة .. يبقى الفطار مع حضرة الظابط ..

بمب ..

يبقى القسم فعلا

[Egyptian]

علي بركة الله واعتقد اليوم مناسب للجميع

ولكن حكاية عند النصب التذكاري دي ساعة حتبهدلنا واحنا صايمين

واعتقد انن نحدد جهتنا للافطار ونكون قبلها متواجدين بساعة
حتي لا تأكلنا الشمس

وانا معاكم

وفعلاً الافضل ان كل واحد يدفع لحاله

ياسيدى والله الشمس مش حتبهدلنا ..

ثم احنا حنتقابل ونقعد فى الضل لحد ماحد ييجى ..

حتقولى حتعرف ازاى حقولك فى موبايلات يترن عليه

[Egyptian]

انا والله ماعرف حاجة فى اسكندرية خالص بس مدام منظم الرحلة حدد مكان نلتزم بيه هى شوية وهننجز مافيش حد من

المنصورة هنا رايح

ماشي يامنظم ..

المهم بقولك .. انت من المنصورة يعنى تعدى عليا فى طنطا يومها ونطلع سوا ..

حنظبطها على الماسنجر ..