ايه رأيكم فى يوم رمضانى ؟؟!

[Egyptian]

السلام عليكم ورحمة الله وبركاته ..
اعزائى السوالفيين الكرام ..
بعد التحية والدباجة والذى منه ..
احب اقول ..

ايه رأيكم لو عملنا يوم رمضانى ..
افطار جماعى ..
نتعرف فيه على بعض ..
نتقابل ..
نتناقش ..
على ارض الواقع ..
بعيداً عن الانترنت ..

نعتبره يوم رحله ..

وياريت يكون فى اسكندرية " انا مش من اسكندرية .. انا من طنطا .. " بس بعز اسكندرية اوي يعنى .. :eek2:

رحلة وحيكون ليها برنامج جامد ان شاء الله ..

بس نجمع الناس والبني ادمين .. :app:

طبعاً الدعوة عامة ومفتوحه ..
مش مهم جنسيتك ايه ..
مش مهم بلدك ايه ..
المهم انك مسلم .. جاي تشارك فى حفل افطار جماعى لفئة من فئات الانترنت ..
وارجو الا اكون مغروراً حين اقول اننا افضل الفئات على الانترنت ان شاء الله .. ( والله اعلم ) ..

فنحن من نقوم بصناعه المواقع ..
والمواقع دى البنية التحتية للانترنت

اه يبقى اظن احنا اعلى فئة على الانترنت وبرضه ( الله اعلم )

انا عن نفسى وبالاجماع .. بعين نفسى وبالاغلية ( هى فين الاجماع والاغلبية دى :funny: ) مشرفاً على الرحلة

ربنا ييسر ..

حنظبطها ان شاء الله ..

بس الناس تيجى ..

وحنظبط البرنامج بإذن الله ..

كل اللى يحقدر ييجى .. يأكد حضور لو سمحتم ..

وبالنسبة لليوم ..

حنشوف اليوم الانسب لينا كلنا ..

فى انتظار ردودكم الكريمة ..

سلام :1power:

[Any-Services]

وعليكم السلام

معاك يا محمد باشا الاسكندرية
It's my land

بأذن الله يكون فى ناس كتير ونحدد المعاد ونتقابل بأذن الله

[Egyptian]

قوول يااارب ..

[moslem_tk]

شعور نبيل منك وانا مستعد انى اشارك لو حنتعزم على حسابك او حنفطر فى موائد الرحمن انا افضل انه يكون فى فندق تحت الماء علشان العطشان يمد ايده على طول ..
.. انا مش من القاهرة ولا من اسكندرية بردك لكن اقرب مدينة لي هي اسكندرية

لو الموضوع فى جدية انا معاكم ان شاء الله حدد الميعاد المناسب وعلى خير

احنا الآن 3

[Any-Services]

moslem_tk


تمام كدة بأذن الله نعمل بس عدد كويس ونحدد المعاد ونتفق على كل شى

[Egyptian]

شعور نبيل منك وانا مستعد انى اشارك لو حنتعزم على حسابك او حنفطر فى موائد الرحمن انا افضل انه يكون فى فندق تحت الماء علشان العطشان يمد ايده على طول ..
.. انا مش من القاهرة ولا من اسكندرية بردك لكن اقرب مدينة لي هي اسكندرية

لو الموضوع فى جدية انا معاكم ان شاء الله حدد الميعاد المناسب وعلى خير

احنا الآن 3

اخى الكريم مسلم ..
شكراً لتلبيتك السريعه

بس بالنسبة لموضوع انى اعزمكم على حسابي .. انت تأمر طبعا ( دا الواحد حياكل ضرب :funny: )

بص ياريس .. انا حعملكم الرحلة اه ..
على حسابي :eek2: .. يبقى معرفكش :con2: انت مين الىل جابك هنا ؟ :con2:

احنا لحد دلوقتى 3 .. ولو فضلت على التلاته دى حنعملها ان شاء الله ..

انا مش فارقة معايا ..

بس اتمنى طبعاً ان ناس كتير تشاركنا ..

وادينا بنجهز ولسه فاضل حوالى عشر ايام على رمضان ..

والله المستعان ..

اخوانا الكرام ..

شخشخ جيبك شخشخ جيبك .. واستعد للرحلة ..

صدقونى حيبقى يوم جميل ان شاء الله ..

ومحدش حينساه ..

[Egyptian]

moslem_tk


تمام كدة بأذن الله نعمل بس عدد كويس ونحدد المعاد ونتفق على كل شى

ان شاء الله ياعمرو حنعمل عدد كويس ..

بس الناس تقول يالا بينا بس .. :eek2:

حنستنى لما الناس تصحى من النوم :court:

[moslem_tk]

اخى الكريم مسلم ..
شكراً لتلبيتك السريعه

بس بالنسبة لموضوع انى اعزمكم على حسابي .. انت تأمر طبعا ( دا الواحد حياكل ضرب :funny: )

بص ياريس .. انا حعملكم الرحلة اه ..
على حسابي :eek2: .. يبقى معرفكش :con2: انت مين الىل جابك هنا ؟ :con2:

احنا لحد دلوقتى 3 .. ولو فضلت على التلاته دى حنعملها ان شاء الله ..

انا مش فارقة معايا ..

بس اتمنى طبعاً ان ناس كتير تشاركنا ..

وادينا بنجهز ولسه فاضل حوالى عشر ايام على رمضان ..

والله المستعان ..

اخوانا الكرام ..

شخشخ جيبك شخشخ جيبك .. واستعد للرحلة ..

صدقونى حيبقى يوم جميل ان شاء الله ..

ومحدش حينساه ..

خلاص ولا تزعل نفسك خليها على المرة دي كل واحد يشخش جيبه وانا بتولي الموضوع ده ان شاء الله بعزمكم فى افخم فندق مائدة رحمن فى مصر

بس انت ايه رأيك لو كل واحد يفطر في بيته ونقضي اليوم ده فى السحور

على العموم كل واحد يشخش وان شاء الله خير

فى انتظار المدعوين للحضور .

[Egyptian]

خلاص ولا تزعل نفسك خليها على المرة دي كل واحد يشخش جيبه وانا بتولي الموضوع ده ان شاء الله بعزمكم فى افخم فندق مائدة رحمن فى مصر

بس انت ايه رأيك لو كل واحد يفطر في بيته ونقضي اليوم ده فى السحور

على العموم كل واحد يشخش وان شاء الله خير

فى انتظار المدعوين للحضور .

فندق مائدة رحمن فى مصر :con2: انا سمعت الاسم دا قبل كدا .. :con2:

ااااااه .. افتكرته :eek2:

جامد الفندق دا .. مش دا اللى تحت الخيمة :funny:

ماشي ياريس عزومة مقبولة ..

بالنسبة لموضوع كل واحد يفطر فى بيتهم دا يبقى ان شاء الله مش حنتقابل فى سنتنا ..

ليه ..

حتتقل ..

ونفسك تنام ..

دا حتى لو كنت نشاط وحيوية وناعمة وقوية .. ونزلت .. اللى جايين من مدن تانية زي حالاتى وحالاتك وحالات كتير .. حيحللوا قصدى حيحمضوا فى الطريق على ماييجوا ونكون احنا نشفنا فى انتظارهم ..

عشان كدا ميعاد الاجتماع لازم يبقى قبل الافطار بساعه كاملة على الاقل ..

عشان التعارف وكدا وكمان التنظيم حضرتك :court:

لسه فى انتظار البني ادمين اللى حييجواااا .. :anger2:

[إبراهيم عبد الغني]

انا موافق بس ياريت فى القاهرة لأنها منطق وسطية ..
أخوكم من المــنــيــا
و شرط أخير .. آه شرط
إن البرنامج يكون من الصبح بدري و كله تقني بحت .. يعنى ممكن نختار مجموعة منّا تحضر محاضرات تتكلم فيها.
و مفيش مانع من ورشة عمل لطيفة فى أى نت كافيه

[Egyptian]

انا موافق بس ياريت فى القاهرة لأنها منطق وسطية ..
أخوكم من المــنــيــا
و شرط أخير .. آه شرط
إن البرنامج يكون من الصبح بدري و كله تقني بحت .. يعنى ممكن نختار مجموعة منّا تحضر محاضرات تتكلم فيها.
و مفيش مانع من ورشة عمل لطيفة فى أى نت كافيه

السلام عليكم ..
هيما ..
لو ماكنتش بتخيل .. هو انت هيما نت بتاع زاجل زمان ؟! ..
لو انت يبقى تضيفنى حالاً وفوراً على الماسنجر ..
لو مش انت برضه ضيفنى عادى :funny:

بس ياريس ..
هو موضوع القاهرة دا صعب شويتين ..
القاهرة زحمة جداً
وفى رمضان عشان نفطر فى مكان زي الحسين .. يبقى كل سنة وانت طيب ..
والمتوقع العدد يبقى كبير ان شاء الله .. يااااااارب
دا اولاً ..

ثانياً بقى ياوحش من اول اليوم ..
حنعانى من الحر والعطش والجوع ..
لاننا زي مانت بتقول عاوزنا نعمل لاب كدا ونعيش ..

ودا فى حد ذاته صعب جداً ممكن نعمله بالليل برضه ..

لاننا حنكون مع بعض لحد الفجر بإذن الله ..

ومافرقتش من القاهرة لاسكندرية

دول تلت ساعات زيادة سفر ياراجل
فى انتظار ردك الكريم ..

[Egyptian]

على فكرة هو انت هيما نت ..

ضيفنى ياهيمااااااااااااااااااااااااااا :@

[إبراهيم عبد الغني]

أيوه انا بتاع هيما نت .. الموقع اللى مكملش ع النت 3 شهور
فكرتني بالذي مضي
بصراحة انا مش بستعمل الماسنجر

[كارم ابراهيم]

فكرة حلوة ياورسر

[Egyptian]

أيوه انا بتاع هيما نت .. الموقع اللى مكملش ع النت 3 شهور
فكرتني بالذي مضي
بصراحة انا مش بستعمل الماسنجر

ماشي ياعم هيما ..

بتستخدم ايه :anger2:

فى انتظارك ..