بسم الله الرحمن الرحيم
السلام عليكم ورحمة الله وبركاته
بشرح لكم خطوات بسيطة لكن ممكن تكون شوي صعبة للي مايعرفها او اول مره يسويها ونتيجتها فعاله للجهاز لانه بيكون فعال وبكامل قوته من المعالج والرام ,,,,
(( ملاحظات )) .
- هذه الخطوات بتكون لتنظيف الجهاز من كل الملفات الزائده والمؤقته والي مالها داعي من مخلفات البرامج .
- هذه الخطوات مالها اي دخل بسرعة الانترنت في الجهاز ومابتزيد اي شي فيه .
- هذه الخطوات فقط لحذف الملفات الزائده الي كانت تعيق عمل الجهاز بكامل فعاليته .
- هذه الخطوات مالها اي ضرر عالجهاز ( طبقها وانته مطمن 100% ) .
(( قبل البدء )) .
- حاول تحذف اي ملفات صور اغاني فيديو برامج انته مب بحاجه لها او انها قديمه مامنها فايده .
- فيه برنامجين صغار بنحطهم عالجهاز للمساعدة .
(1) برنامج ad aware مضاد لدود الانترنت وملفات التجسس ( مجاني ) . ( حمله من هنا
http://www.uaeshow.net/up/up_down/3452aaw2007.exe
(2) برنامج منظف الريجيستري لتنظيف الريجيستري من مخلفاته ( مجاني ) . ( حمله من هنا
http://www.uaeshow.net/rapid/downloa...4f4b65415c5b8c
او من هنا
http://www.uaeshow.net/up/up_down/3452aaw2007.exe
- ثبت البرنامجين على جهازك .
- برنامج ad aware بيطلب تحديث , سوله تحديث وخله .
(( البدء ))
- اول شي مطلوب تسوي اعادة تشغيل للجهاز وارجع افتح على هذه الصفحة بدون فتح اي برامج اخرى .
- الحين بعد ماسويت اعادة تشغيل للجهاز اول شي نسير عند ايقونة ( Internet Explorer ) ومنو منا مايعرفها يمكن نفتحها الف مره في اليوم .
والحين بعد ماعرفناها نضغط عليها بالزر اليمين من الماوس ونختار ( properties )
وبعد مانضغط رايت كليك بتفتح لنا هذه النافذة الصغيرة .
والحين من هذه النافذة نضغط على بعض الازرار عشان نفرغ بعض الاشياء وهي ( ملفات الارتباط , ملفات الانترنت المؤقته , عنواوين المواقع الي زرناها ) الاخيره مب لازم اذا ماكنت تبغي , نضغط عليها واحد واحد وكل زر بعد مانضغط عليه بيطلب منا التاكيد ونضغط اوكي للتاكيد , واخر شي نضغط ( OK ) من تحت , وخلاص بتسكر النافذة بعد اتمام الافراغ , يمكن تاخذ بعض الوقت .
- الحين نتجه الى ( start ) نضغط عليها وبتطلع لنا خيارات ثانيه ونختار منها ( RUN ) .
والحين بعد الضغط على RUN بتفتح لنا نافذة صغيرة ونكتب فيها الكلمات التالية ( temp , prefetch , dllcache )
كل كلمة نكتبها بروحها وبتفتح لنا نافذة مجلد و اول ماتفتح نظلل كل الملفات الي داخل المجلد ونحذفها
( ( تذكر كل كلمة بروحها وتضغط OK وتحذف وبعدين ترجع لـ RUN وتكتب الكلمة الي بعدها ) )
كررها ثلاث مرات لين تخلص كل كلمة وحذف محتويات مجلدها .
والحين بعد ماخلصنا نتجه الى ( My Computer ) نضغط علي دبل كليك عشان ندخل .
والحين نتوجه الى القرص ( Local C )
ونضغط عليه بالزر اليمين من الماوس وايضا نختار اخر خيار الي هو ( properties ) .
والحين بعد ماخترنا بروبارتيز بتفتح لنا نافذة صغيرة مثل هذه , ونختار منها على ( Disk Cleanup )
وبتفتح لنا نافذة مثل هذه ومعناها جاري تجميع الملفات الي ممكن حذفها . ( ممكن تاخذ وقت شوي )
وبعد مايخلص بتفتح لنا النافذة هذه .
و اول شي نسويه نضع علامة صح على المربعات الصغيرة الي باليسار ونحاول نحرك البار من اليمين فوق وتحت عشان نحط علامه على كل المربعات الي عاليسار , وبعد ماحطينا عليهم كلهم نضغط من التاب فوق على الخيار الثاني الي هو ( more options ) ونضغط اخر خيار تحت وهو تفريغ لاخر ملفات استعادة النظام ( مالها داعي ) وبيطلب منا تاكيد ونضغط OK للتاكيد وممكن ياخذ ثواني وبعدها من تحت نضغط OK لتاكيد كل العمل الي سويناه .
وبعد ماضغطنا على اخر OK من تحت بتطلع لنا هالنافذة لتاكيد اتمام العمل واتمام التنظيف وننتظرة لين يخلص .
(( يتبع بالاسفل ))
