مشكله بعد ماحولنا لنسمـا !

[Naif2php]

السلام عليكم ورحمة الله وبركاته

يمكن الموضوع مايكون بالقسم المناسب ويعذرونا المشرفين بس القسم الخاص بالموضوع ماعليه اقبال مثل القسم العام .. ,

كان اتصالي من أول نت .. وخلص الاشتراك واشتركت مع نسمـا نـت

من بعد مااشتركت في نسما .. طلعت لي مشكله بالتحميل

اي ملف احمله مايكمل التحميل .. لازم يوقف فجأه ولا يكمـل

جربت احمل باستخدام برامج نفس الحـاله مانفـع

جربت أستخدم بروكسي وبدون بروكسي ونفس الحاله .. مايكمل التحميـل

اللي عنده الحل او سبق ومرت عليه هالمشكله ياليت يساعدنـا ..

وجزاكم الله خير .. ,

[mad_4u]

لو انك تركز على المودم تلقاه يفصل الاتصال
نسما سيئة جداً والدعم الفني اسوء
اتصل عليهم محد يرد عليك
وان رد عليك تبع خدمة العملاء بدل مايرد بنفس طيبة يقول لك (نعم)
قبل يومين متصل عليهم رد علي واحد واول ما رد قال ( نــــــــعم )
قلت له انت شريطي ولا موظف شركة ترد على العملاء
قال لي اش عندك ؟
استغربت من اسلوبة قلت له ابي الدعم حولني للدعم
اول سؤال يسألونك اش المودم الي عندك مهما كانت نوعية المودم يقول لك المشكلة من المودم مع العلم ان الاتصال يفصل من عندهم
جيت قلت له عندي مودمين حدد الي تبيني اشغلة واشغلة لك
اذا لقاك فاهم في الشغلة وعارف ان المشكلة عندهم يقول لك حط رقم تلفونك ونتصل عليك ويسحبون عليك من وقتها
الرقم المجاني 800 محد يرد
رقم الرياض محد يرد
رقم جدة يلطعونك في الانتظار لين يفصل الخط
الرقم الموحد اضغط على المبيعات يرد عليك من اول رنه واطلب منه يحولك للدعم لانك لو ضغطت على تحويلة الدعم محد بيرد

[جمال2]

للآسف مشكلة أغلب الشركات ..
الدعم الفني مشغول ولا ما يرد , وإذا رد عليك يعاملك على أنك بزر وما تفهم شي بالكمبيوتر ..
مرة أتصلت يقول أضغط ابدأ وروح تشغيل واكتب ماأدري أيش واكتب بنق .


فيه خدمة ( شامل ) من الاتصالات السعودية يعني تدق 907 وتشترك المزود سعودي نت , بس ما أدري أحد جربها ولا لا .

لأن أشتراكي ( اول نت ) بيخلص بكرة والإ اليوم وصراحة اشتراك سيء جداً ..

[خالد العازمي]

صارت معي نفس المشكلة بنسما, الإتصال فاشل والدعم الفني فاشل بس أنت جرب بطاقة جيل أو سيبيريا صراحة هذولا أفضل شي

[Stella]

غريبة ...!!!

انا متصل الحين من نسما والحمدلله ماعمرها واجهتني المشاكل اللي انت تذكرها

يمكن المشكلة لو عندك مودم سبيدتتش اللي كله مشاكل × مشاكل

عندي مودم 3Com ومتصل مع نسمــا وصراحة اتصال رائع والتحميل ماعمره فصل وماعمري استخدمت بروكسي مع نسما

وعلى فكرة ... مو كل شركة تشتغل زين على كل المقسمات ... يمكن لان المكان اللي انا فيه ماعليه ضغط كثير من المتصلين لانه حي جديد عشان كذا تشتغل معي زين

ويمكن اشتراك نسما مايشتغل زين على المقسم اللي عندك فحاول تجرب شركة ثانية .. وانصحك بعد نسما بـ SPS او صحـارى

[سلطان الجالي]

السلام عليكم

اتوقع اخوي على حسب المقسمات في المنطقةالي انت فيها اتصل على 904 وقول لهم الدي اس ال عطلان عندك يفصل وقولهم انك كلمت موفر الخدمة مالقى لي حل

بالنسبة لي انا تمام الحمدلله عندي مودم 3Com ولاعمره سوى لي مشكلة ماشاء لله عليه فعلا مودم جبار يشتغل 24 ساعة

[بدر 821]

الله يعينك

نصيحتي لكم عن تجربه لا تدور غير sps اتصال ممتاز جدا والدعم سريع

تلقونها في مكتبة جرير ومحلات ميد

[Ameen Al-Harbi]

حسب المقسم

مشكلة انقطاع الاتصال وتعذر التحميل بسببه كنت اعاني منها احيان في نسمه , تستمر شهر , ويتعدل الوضع بعد كذا

لي مع نسمه ثلاث سنوات تقريباً , اخذ احيان من باب التجربة من هنا ومن هناك , ما وجدت أفضل منهم , فيه استقرار بالاداء , ولكن ترجع للمقسم أولاً وأخيراً

[mad921]

للآسف مشكلة أغلب الشركات ..
الدعم الفني مشغول ولا ما يرد , وإذا رد عليك يعاملك على أنك بزر وما تفهم شي بالكمبيوتر ..
مرة أتصلت يقول أضغط ابدأ وروح تشغيل واكتب ماأدري أيش واكتب بنق .


فيه خدمة ( شامل ) من الاتصالات السعودية يعني تدق 907 وتشترك المزود سعودي نت , بس ما أدري أحد جربها ولا لا .

لأن أشتراكي ( اول نت ) بيخلص بكرة والإ اليوم وصراحة اشتراك سيء جداً ..

انا جربتها معهم اول شئ طلبتها منهم قالو 24 ساعه وتشتغل جلسو 72 ساعه ماشغلوها

يفولون عطل في نظام شغلوها لي اول يوم ماشيه ثاني يوم بطئ بشكل لا يتصور ثالث يوم

يفصل كلمتهم واللغيتالخدمه وهم تبع سعودي نت وشريت بطاقه سعودي نت وافضل منهم

وافضل اشراك يشتغل على مقسم الي عندي سيبيريا

ويمكن عند شخص اخر يكون زفت سيبيريا

[Naif2php]

فهمتوني غلط

انا اتصفح الحمدلله ماعندي مشاكل .. لكن المشكله في التحمييييل ..

يحمل الى نصف الملف واحيانا يكمل 98% من الملف ويوقف بعدها !!!!!

هذي مشكلتي مع نسما .. في التحميل

اما التصفح عال العال الحمدلله

[London]

لو انك تركز على المودم تلقاه يفصل الاتصال
نسما سيئة جداً والدعم الفني اسوء
اتصل عليهم محد يرد عليك
وان رد عليك تبع خدمة العملاء بدل مايرد بنفس طيبة يقول لك (نعم)
قبل يومين متصل عليهم رد علي واحد واول ما رد قال ( نــــــــعم )
قلت له انت شريطي ولا موظف شركة ترد على العملاء
قال لي اش عندك ؟
استغربت من اسلوبة قلت له ابي الدعم حولني للدعم
اول سؤال يسألونك اش المودم الي عندك مهما كانت نوعية المودم يقول لك المشكلة من المودم مع العلم ان الاتصال يفصل من عندهم
جيت قلت له عندي مودمين حدد الي تبيني اشغلة واشغلة لك
اذا لقاك فاهم في الشغلة وعارف ان المشكلة عندهم يقول لك حط رقم تلفونك ونتصل عليك ويسحبون عليك من وقتها
الرقم المجاني 800 محد يرد
رقم الرياض محد يرد
رقم جدة يلطعونك في الانتظار لين يفصل الخط
الرقم الموحد اضغط على المبيعات يرد عليك من اول رنه واطلب منه يحولك للدعم لانك لو ضغطت على تحويلة الدعم محد بيرد

والله العظيم صدقت .. اسوأ دعم فني .. ياخي تنتظر 10 دقايق وبالاخير يقول عفوا لايمكننا خدمتك!! صارت لك كذا مرة .. و 24 ساعة مشغول خطهم

[Legend KSA]

جربت سعودي نت واول نت


وبعدين رجعت لمحبوبي سيبيريا


صحيح انه يفصل


ولكن في الشهر مره او مرتين


واذا فصل دقيقه ويرجع



طبعا الدعم انسى انهم يردوا عليك


يطولوا بس احسن ما فيه ما فيه مشاكل

[الرومانتك]

سبق وجربت كذا شركه
منها سعودي نت ـ أول نت ، sps ، نسما كذلك سيبيريا

والآن صاير لي حول السنه مع icc ماشاء الله من أروع الشركات

[الشبكة]

سعودي نت وغيرها لاتدور

بصراحة توهقة بنسما بس مالي الا الصبر

[Naif2php]

ارسلت ايميل للدعم الفني والحق ينقال
ماكملت 5 دقائق وردوا علي .. بعدها ربع ساعه ودقوا على جوالي

لكن سوينا كل شي والمشكله مازالت موجوده

المشكله اني بزعت واخذت 512 ..

الله يعيننا ..,