والله انك طبيت على الجرح ..
فيه ناس في الفترة الماضية يسألون الوالد .. يقولون عبدالله في الرياض !!
نسيت الناس .. قليل جدا طلعاتي من البيت .. بعض الزواجات القريبه مني ما حضرتها !!
جتني فتره صرت انسى فيها كثير .. يرن الجوال مسجل فيه فلان .. يارب منو هذا فلان .. والله مدري منهو
في الفتره الاخيره صار عندي عندي جفاف في العين وسبب قرحه واستخدم قطارات بشكل دوري
زاد وزني وقلة حركتي وصار لعبي للكوره قليل جدا ومن عرفت نفسي وانا ودي اروح للنادي . سجلت كم مره اروح اول اسبوع والباقي ما اروح
الصراحه فقدة الاشياء الكثيره بسبب عزلتي وجلوسي على الانترنت والكمبيوتر وخصوص بعد ما ركبت الدي سي ال قبل ثلاث سنوات ..
وضعي صاير يا نايم يا اكل يا اصلي يا في الجامعه ياجالس على الجهاز
من الاشياء الي يستغربونها الناس لما يسئلني الواحد سيارتك كم ماشيه موديل 2005 ما مشت الا 32 الف
كلهم على طول يقولون لي فاصل العداد ؟؟
صار لي مشاكل مع اهلي ولما يشوفوني معهم يقولون اكيد الدي سي ال مفصول
ولو جلست معهم يصير فكري بالكمبيوتر ..
جتني حالات مضحكه
مثلا
يعني اول ما ادخل الغرفه ادور جوالي مثلا .. ودي اظغط على Ctrl + F عشان بسرعه اطلع الي ابي
او اذا جاني شي مزعج بتفكيري ودي اظغط Ctrl + Alt + Delete واسوي End Process
الحمدلله الآن اعتبر وضعي افضل .
بحيث صرت احط جوالي ينبهني بحيث اجلس اربع ساعات وبعدها اقوم
مهما يكن يوم الخميس والجمعه ما اشتغل في شي .. اتصفح البريد ومر مرور خفيف على الاشياء المهمه
الزمت نفسي بدوريه اسبوعيه مع ربعي ..
احاول اروح كل اسبوع لم استراحتين .. كثير الي يعزموني .. مره عند اخوي ومره عند ولد عمي
وافضل شي سويته وربطني اكثر بالناس هي استخدام رسائل الجوال
مراسلة الاقارب والاصدقاء والمعارف بشكل نصف شهري بحيث اني دايم على البال ولا احد ينساني وصراحه هي احسن شي سويته ..
وموقع موبايلي.ws افادني كثير ..
مسوي مجموعات الاقارب والاصدقاء وارسل لهم كل فتره رسائل
ويوم الجمعه رساله للجميع .. صراحه يعني الحمدلله صار اذا نسيت ولا ارسل بعضهم يرسل لي يقول وين رسالتك ..
لكن ياليت الي عنده حلول وقد جربها افضل يقولي لاني بديت انسى اسماء واشكال الناس :s