السلام عليكم
كل عام وانتم بخير أولاً
ثانياً الظاهره هذي مو جديدة شي طبيعي انو العميل يقولك عطني معلومات الرووت ، لأن السيرفر سيرفره
وفوق هذا يكون موقع معك عقد ادارة السيرفر بمبلغ مو بسيط وحرام ينهضم حقه.
بالنسبة لي شخصياً عانيت منهم كثير كل شوي مخرب حاجه ويقولك تعال صلح ، لا ويتصل عليك تلفون وانت متفق معه على نظام البطاقات.
يعني لو ماكان الشل معاه ماكان قدر يعمل حاجه ، وخلاص طالما هو مش قد المسؤولية ليش تكون معه كل هالصلاحيات اللي ممكن تدمرة خلال لحظات.
في الاسابيع الاخيرة ، جاني عميل معاه سيرفرين ، وطلب مني الادارة واتفقنا على كل حاجه وكل الامور كانت تمام ..... بعد فترة لما اخبروه الدعم الفني انو راح تتغير كل المعلومات بعد الانتهاء من الاعداد وراح نسلمه معلومات ال whm على بريده
رفض وعلطووووووووووول اتصل فيني، يقول ياخي انا لازم ادخل واكتب الامر top واراقب السيرفر <-- اخس يالمدير.
طبعا حاولت اني ارضيه كونه عميل جديد ولا يمديني اقسى عليه بعد، تركت معاه الشل كونه ياخذ بك اب خارجي بشكل يدوي برى السيرفر.
الا ان الرجال عمل عمله واضطرينا الى عمل reload للنظام ، لكن اخذت حقي بكل صراحه جراء هذه العملة ، اخذت قيمة الادارة مدبولة مقابل اني اعيد تركيب المواقع واعداد السيرفر من جديد.
هل هذا من حقي أم لا ؟ هذي نقطة
والنقطة الثانية هي مسألة ان العميل يقولك ابغى أتعلم على السيرفر!! ، ولو حصل خطأ او تسبب بمشكلة طبعا بتكون انت المسؤول مش هو بناء على عقد الادارة الموقع معاه.
وغير كذا العميل ممكن يعطي معلومات الشل لأي واحد فاعل خير ، وبهذا صار السيرفر يديره اكثر من شخص ربما تتضارب الاعدادات أو خطة الادارة الخاصه بك تخرب.
بالنسبة لي بدأت افكر بنوعين من الادارة :
الاول / ادارة كاملة ولا يحق للعميل طلب الشل اطلاقاً ، فأكون انا المسؤول عن كل شي.
الثاني / الدعم التعليمي ، وهي بمبلغ رمزي على كل مشكلة ممكن يسأل عنها العميل ، طبعا بهذه الحالة انا مالي اي علاقة تجاه ادارة السيرفر ، ولو اضطر العميل انو يرجعلي بسبب مشكلة او يطلب معلومة او طريقة حل ، ماعندي مشكلة اساعده ولكن بمقابل هذه المشكلة فقط.
يعني لو عطب النظام بالكامل وطلب مني استعادته من جديد ممكن اطلب عليه 50$ ، واذا كانت المشكلة غير كذا كتغيير نظام البك اب أو تركيب برنامج للسيرفر او ماشابه يكون المبلغ 5$ على حسب الجهد اللي راح يبذل
وبكذا اكون اعطيتهم فرصه واعطيتها لنفسي برضوا.
لأني بصراحه عانيت معاناة شديدة تجاه العملاء ( يبي يتعلم ) ، وبسبب تشددي في مسألة الشل خسرت عدد كبير منهم ، وبالمقابل ريحت راسي من شوية قلق.
من هنا أبغى ارائكم ولا سيما حلول أفضل أن وجدت.
رد مع اقتباس
المشاركة الأصلية كتبت بواسطة LinuxAC 
