[الكويت] إشتـراك الـوطـنيـة W-Net ... وداعاً للـDSL !

[BoNasser]

السـلام عليـكم والرحمة ..

فضلت في البداية كتابة كلمة "الكويت" في بداية الموضوع، لأن الخدمة متوفرة فقط في الكويت، قبل يـومين قمت بالذهاب الى فرع الوطنية في المطار، وقمت بشراء القطعة USB Modem التي تعطي سرعة 3.6Mps عند استخدامها، وعند تطويرها تعطي سرعة 7.2.

قيـمة الإشتـراك 28 دينار شـهريا، لسـرعة 512Kbps، بحيث تزيد السـرعة عن المحدد، لكنها لا تقل عن هذه السرعة، الا في بعض الحالات !، كما يوجد اشتراك اخر بـ14 دينار لسرعة 256Kbps لم اجربه الا عبر الهاتف عن طريق البلوتوث.

سـعر القـطعة الـUSB MODEM حيث يمكنك استخدامها عبر اللاب توب، وكذلك الدسك توب، فالسـرعة رائعة جداً، مع امكانية استخدام الـTorrents، فأحيانا -على حسب الملف- يقوم بتنزيل 150kb في الثانية للملف !!!.

والآن مع الصـور للسرعة بأوقات مختلفة:
الـساعة 7 مساءاً - يوم السبت - وقت الذروة !

ملاحظة: التـورنت يعمل عند فترة القياس !

وبعد اطفاء التورنت:


شـكل القـطعة:

لـكن ينقصها شـعار "الوطنية" الرائع .

[بومعاذ]

جربتها 6 شهور فعلا فاشله

8 مرات اتصل بخدمة العملاء كلامهم واحد نكتب شكوى للدعم فقط , اثنين ردو علي رد جهل وحده قالت شنو تبي اسوي وثاني قال الشركه بطوره من جذي قللت السرعه لكم حلو هذي خوش شركة موظفينها دايخين

غير زين مافي زين

كلام بمعنى الكلمه اسلوب دعايتهم مو كذب وضحك على عقول الناس مثل الوطنيه تقول اسرع انترنت اما زين دعايتها لانهايه مع ego

وشكرا

[Aryam]

مبروووك عليكم فى الكويت هذى الخدمه المودم يو اس بي

وان شاء الله تكون حلوه وسريعة

واللى يجربها يقول لنا رايه فيها اية؟

[BoNasser]

جربتها 6 شهور فعلا فاشله

8 مرات اتصل بخدمة العملاء كلامهم واحد نكتب شكوى للدعم فقط , اثنين ردو علي رد جهل وحده قالت شنو تبي اسوي وثاني قال الشركه بطوره من جذي قللت السرعه لكم حلو هذي خوش شركة موظفينها دايخين

غير زين مافي زين

كلام بمعنى الكلمه اسلوب دعايتهم مو كذب وضحك على عقول الناس مثل الوطنيه تقول اسرع انترنت اما زين دعايتها لانهايه مع ego

وشكرا

لاتـخـوفـني
انا استـعمال يـومين وللحين تمام، وصـارلي يوم كامل شابك فيها ماشفت منها اي قصـور !

اما زيـن، حسب اللي اعرفه انها تمنع تنزيل الـTORRENTS وكذلك محدودة المساحة !

[bassem]

صح لسانك اخ بومعاذ

بالفعل خدمة العملاء عندهم فاشل انا استخدم جهازهم من شهر 6
الخدمة سيئة بكل ما تحمله الكلمة من معنى , و ايضا الجهاز بسهولة شديد يخرب مع استخدام كم شهر
وهم ما يقدمون ورشة صيانة للقطعة !!
لسبب بسيط انهم اغبية بكل ما تحمله الكلمة من معنى ,,, و يبونك تشتري القطعة منهم من جديد كل شوي
لحسن حظنا هنود حولي يعرفون يصلحون اي شيء و الا كنت اشتريت منهم القطعة 3 مرات .

اما سبب عدم وضع الشعار على الجهاز لأنه اصلا هم مالهم دخل بالجهاز لا من قريب و لا من بعيد
شركة عالمية تصنع هذه الاجهزة الي تدعم انترنت هوائي
وهم بس يوفرون خط هاتف عادي مثل خطوط هواتف الجول مع مواصفات خاصة .
اما السرعة
فأنا كنت مشترك على اساس 1.8 ميجا و لا تنزل عن 512 كيلوبايت .
اغلب الوقت تنزل عنها
و نادر ما تصل الى 1 ميجا ... و من سابع المستحيلات تصعد عنها
و انا عندي فلاش جيت و اتابع سرعة التحميل
وهي متوسطها 70 كيلوبايت ... للعلم ان سرعة التحميل من فاست تيليكو (512 DSL ) تقارب هذا الرقم

و السبب الي يخلينا نتحملهم .
احتكار الفشل ... بمعنى ان زين حراميه اكثر منهم . يعطونك بس 5 جيجا تستخدمهم
بعد ذلك كل 1جيجا تدفع دينارين
و لا يوقعونك على عقد ... لازم تشترك معاهم لمدة سنة كاملة و الا تدفع غرامة !

كلنا ننتظر شركة اتصالات الثالثة الي على الاقل بتحرك السوق شوية .

[بومعاذ]

اخوي باسم انا كان عندي ego بس كان عيبه 5 جيجا بس شسوي ابي سرعه نفس العالم اضطريت اني اشترك فيه لما سمعت عن الوطنيه وعند الاشتراك مالها المفتوح من غير مقدمات اشتركت فيه ممكن شهر او شهرين اوكي بعدين بدت الفضائح والتعب لما نزل مالت شركة زين الي اهيا 7.2 ومفتوح رحت وطورت القطعه القديمه الي خذيته اول مره وطلع السرعه زي الفل ميه ميه وانا انصحك فيها اما الوطنيه بخليه اشتراك بو 14 دينار وبخليه لخوي الصغير يطق طق فيه وابي ارد للقديم الي كان 5 جيجا وابي اخليه مفتوح لانه خلوها بالخدمه الجديده مفتوح وهذا شي زين وانت جرب

بس مخابينا مشقق وتخر فلوس

والمشكله انا بمنقطه جديد مافيها خطوط وله ما اعترفت فيهم بالاساس يالله ننطر شوارانا

[بومعاذ]

اخوي بو ناصر في شغله يعتمد على الشبكه يمكن علشان انا بمنطقه مافيها تلفونات فا يكثر فيها الضغط ويسبب قله بالسرعه اذا انت بمنطقه فيها تلفونات طبيعي تكون مريحه هالشبكه

بس مو معنا اني بمنطقه مافيها تلفونات ومايضبطون لنا الشبكه عدل لازم يهتمون فيها

اذا ما اهتموا يدل على فشلهم

[Q83GP.COM]

السلام عليكم النظام الجديد من زين الاشتراك ب 27 دينار شهري اذا كنت مشترك قديم



اما اذا جديد بثلاثين شهريا الموظفين والدعم الفني يقولون مفتوح وبصراحه انا صارلي اسبوعين مجربه سرعته بالتحميل عجيب لكن مرات يخورها والظاهر من الشبكه

لكن في نقطه قالي اياها الموزع والدعم ينكرونها انه الباندويث 30 قيقا شهري وبعدها ينزلون السرعه من 7,5 ميقا بايت ينزلون لي 512 كيلو بايت

[BoNasser]

لأول مرة من أمس، نزلت كمية التنزيل الى 10 كيلوبايت

انعطيت عين الظاهر

بس "زين" محد مدحها لي ابد، الكل يشتكي منهـا !، ولا ابي اروح لها،

بعدين بسـأل هل الداونلود محدود بكمية معينـة ؟

[3Rbi.Org]

بالفعل .. دايما يمدحون الوطنية :] ..

بس اعتقد زين كانت السباقة لسرعة 7.2 mb في الكويت .. والله أعلم "لست متأكدا " ..

عندي سرعة الداون لود 1 ميجا :P >> بس لاهو زين ولا وطنية :1power::con2:

[q8pm]

الله يعطيك العافيه اخوي

لكن انا من الــ 2003 الى اليوم هذا وانا استخدم الاتصالات وعاصرة جميع خدماتهم المتوفرة للنت ,,

الاتصالات افضل بكثير من الوطنية التي اثبتت فشلها في كل مره ,,,,

انا حاليا استخدم الــ ego 3.6

من اول يوم نزل وانا عندهم بالشركه

واشتراكي شهري (20) دينار مفتوح طبعا ,,,

لأول مرة من أمس، نزلت كمية التنزيل الى 10 كيلوبايت

انعطيت عين الظاهر

بس "زين" محد مدحها لي ابد، الكل يشتكي منهـا !، ولا ابي اروح لها،

بعدين بسـأل هل الداونلود محدود بكمية معينـة ؟

تفضل شوف



ومثل ماقلت اللي قاعد تشوفه ترى مو (7.2) لأ هذا القديم (3.6)

وفوق هذا الحين حاطين دبل السرعه بسعر مناسب (30) واللي من حلاتي وعنده اشتراك قديم ويبي يرقي راح يدفع بس (7) زياده,,

بذمتك موهذي الخدمات الحلوه ؟

مو الوطنية اللي بس نهب فيك

وعلى فكره اشتراك الوطنية مايغطي كل المناطق

وفوق هذا اشتراكهم (28) وسرعتك 512 كيلوبايت :con2:

قارن بنفسك وراح تلقى اشتراك الوطنية فاشل مقارنة بإشتراكات الاتصالات (زين)

يعني ادفع دينارين زياده واخذ من زين (EGO) بــ (30)

وخل عنك الوطنية لان حرام والله تدفع (28) وجدامك حلول ثانيه وافضل منهم

[q8pm]

ونسيت

اشتراك EGO 7.2 بو (30)

كل شي راح يكون مفتوح معاك

يعني مومحدد

[BoNasser]

الى الآن الوضـع تمـام معاي ..
بإستنثاء اللي حدث قبل كم يوم وادى الى هبوط السرعة بشكل كبير

بصراحة سألت ناس، الكل مدح الوطنية، بس ماسألت عن الإم تي سي ... لأن اذا تلفون عادي ماكو سيرفرس، هالمرة بإشتراك انترنت

بـجرب الحين الوطنية .. والوضع للحين تمام

[warba]

بصراحه اشتراك الوطنيه 100% ممتاز يمكن عشان انا كله بصبحان قريب من الشبكة لان السرعه عندي بالبيت 100 الي 150 تحميل طبعا وفي الدوام بصبحان 150 الي 240

وخصوصا من بعد 4 ايام فاتت الخدمه صارت اقوي واحسن .

بنسبة للدعم الفني فاشل 100% وعيبه يكلم الواحد مثل مايكلم واحد مو فاهم شي بالكمبيوتر وانا اكثر من 5 مرات اروح الشركه واتناجر مع الموظف وما اطلع الا لما ادش ع المدير لدرجه المدير طقها صحبه معاي
ومن وقتها اشتراكي ماعليه اي مشاكل بس الغريب بالاشتراك بعد الساعه 12 بليل مايصلح اخلي الصغار يشبكون منه المواقع التعبانه تشتغل بدون فلتره بس السرعه ميه ميه مادري شنو الاسباب

[ضاري جرافيكس]

اخوي انا خير مجرب

الوطنيه افضل

لانها ارخص 14 دينار مفتوح ودانلود يصل الى 70 كيلو بايت بالايركارد

ومافيها مشاكل عندي ابد حتى بالبلوتوث جيد



لكن زين ماعندهم مفتوح بالسعر هذا لو تموت عكس باقي الدول


احنا الوحيدين بالكويت بالدنيا كلها يستغلونا


تخيل لو عندك عملاء خارج الكويت او اي مكاله خارجيه تستلمها يحسب على الطرفين عكس الدول العربيه والخليجيه والاجنبيه


وسعر اشتراك النت بعد



لكن باختصار


الوطنيه ارخص وجيده
وزين اغلى واجود




الاخ اللي يقول 20 دينار مفتوح ممكن يقولي كيف الطريقه هذي ولا امتياز شخصي؟