لاحتوائها مشاهد غير لائقة.. سعوديون ينسحبون من مسرحية لعادل إمام بالبحرين

[khobar]

يعني الحين اي سعودي رايح البحرين او دبي على قولتك يا Dragon2oo2 بخربها هناك

ياخي انا رايح السينما علشان فلم نازل توه جديد وابي اشوفه مو كل سعودي راح البحرين خلاص ناوي يروح ملاهي ليليه وغيره

[Aryam]

السلام عليكم ورحمة الله وبركاتة

يا جماعه اللى مش عاوز يخش السمرح ما يخشه ولو رحت وشوفت كنت هتشوف عدد الجماهير الموجود ايام العرض

ثم اللى بيقول ان عاد امام شيوعى ؟؟؟فين الدليل؟؟؟

الناس الحين تقول انه افلامة مش كويسة واول ما ينزل له فيلم جديد شوف ايرادات الفيلم دايما فى المقدمة

[spectrum]

شللي حادهم يروحون ويدفعون فلوس الم يكن اجدر بهم دفعها للمحتاجين بدل من اهدارها على ( تهريج ) ومجموعة مهرجين
اغلب المسرحيات والافلام ان لم يكن كلها هابطة ونادرا ماتخلو من هذي المشاهد وكلها بدون هدف غير سحب الفلوس من جيوب المغفلين
فهل كانو يتوقعون انها تحتوي على مواعظ دينية مثلا ؟! :funny:


لا اتصور نفسي في احد الايام ادفع فلس واحد حتى اشاهد مهرجين

[ابوعليوه]

ينسحبون أو ما ينسحبون .. يعني مايعرفون عادل إمام ؟ وما يعرفون أسلوبه في التمثيل ؟ ومايعرفون إنه يعتمد على الإيحاءات الجنسيه في تمثيله ؟ ومايعرفون إن هالإيحاءات راح تخدش حيائهم ؟

العوايل المحترمه ... ما تروح إلا للأماكن المحترمه .. وهالعوايل السعوديه اللي انسحبت من المسرحيه الغلط راكبها من راسها لريولها .. واللوم عليها لأنها قبلت على نفسها تروح لمسرحية عادل إمام ..

وعموماً كل الفنادق والمسارح وصالات السينما والخمارات والمراقص والملاهي الليليه وبيوت الـ (...) في البحرين .. معموله خصيصاً للسعوديين ..

ونسبه كبيره من السعوديين يستغلون إجازة الحج والعيد .. عشان يفرغون شحنات الكبت اللي عندهم .. في دبي والبحرين .. واللي يقول غير هالكلام ينافق نفسه وعايش في الوهم ..

أنا ما أتهجم على الشعب السعودي .. بالعكس عندي أصدقاء من السعوديه ماشاء الله محترمين وملتزمين .. لكن الواقع مر .. ولازم نتقبله ..

كلن يشوف الناس بعين طبعه ..

[owner]

وعموماً كل الفنادق والمسارح وصالات السينما والخمارات والمراقص والملاهي الليليه وبيوت الـ (...) في البحرين .. معموله خصيصاً للسعوديين ..

ونسبه كبيره من السعوديين يستغلون إجازة الحج والعيد .. عشان يفرغون شحنات الكبت اللي عندهم .. في دبي والبحرين .. واللي يقول غير هالكلام ينافق نفسه وعايش في الوهم ..
..

ما شاء الله . يعني ان البحرين ودبي قائمة على الدعاره ! .

وش الحل برايك ؟ لما يجي من الجسر او من المطار نسأله وين رايح وليش ونخلي معاه شرطي ؟ صحيح ان في نسبة من الخليجيين يجون البحرين لكن ما تقدر تقول ان كلهم يجون الى هذي الاشياء .
نفس الوضع بالنسبة الى دبي .

وعلى العموم اهم شي النية .

[Alhawe Graphic]

لو هالعوائل مسافرين مصر .. ودخلوها .. كانوا ماغير في كل المجالس شفنا المسرحية وشفنا المسرحية ..

وثانيا ً يعني مافي الا العوائل السعودية المحافظة يامفكرة الاسلام .. كان العوائل الباقية اللى زارت البحرين واللى حضرت ماعندهم اي احساس او اخلاق ..

دائما ً نخصص السعوديين بالحمية والاخلاق وانهم احسن ناس عشان نبرز الخبر اكثر ..
كان قلتوا عوائل خليجية تهجر مسرح عادل امام بشكل مفاجي ..

يعني فكروا يا مفكرة الاسلام في إنتقاء العناوين بدل الحزازيات هذي في المواضيع ..