كم جبت في القدرات " القياس " يا عزيزي

[سلطان المالكي]

السلام عليكم ورحمة الله وبركاته

اليوم طلعت نتائج اختبار الخياس اقصد القياس

والله درجتي فاشلة مرة لازم اعيد الاختبار

جبت 65 انتم كم جبتم ؟!

[عبدالرحمن العنكبوتي]

الله يعينك انت في ثاني او توجيهي ؟ يعني كم باقي لك من اختبار ؟
أنصحك بدخول دورة القياس تراها مفيدة , وفيه كتاب أسمه على ما اعتقد الإستعداد لإختبار رام1 غير اللي صادر من المركز .

[saanina]

موبطي صراحه

بس جبت

بالاول : 73
بالاعاده : 78

بس لا يهمك تراه مايقيسون عليه .. اهم شي السنه التحضيريه "اقصد جامعة القصيم" ..

دمتم بود

[سلطان المالكي]

حبيبي عبدالرحمن

انا باقي لي اختبار فقط انا في ثالث ثانوي معدلي التراكمي حدث ولا حرج كلها من الانترنت اولاً ومن نظامه البايخ نظام المرن على قولتهم لكن الله يكون في العون ان شاء الله

اخي الغالي saanina

بالله اضيفني اذا كنت في القصيم او لك معرفة بنظام الجامعه ناس تقولي عنه وما فهمته نهائياً

ايميلي في التوقيع

شكراً لكم

[عبدالرحمن العنكبوتي]

صحيح النظام التراكمي لخبط وضع الطلاب , اللي شدوا حيلهم في ثاني تشوفهم في ثالث خملوا .
لكن بما انك ضيعت في ثاني فالآن عندك فرصة وفي النهاية نسبة الثانوي ماتشكل 30% من المعدل العام بالنسبة لأغلب الكليات العلمية , يعني فرق ابو 100% عن ابو 90% ثلاث نسب في المعدل العام .

باقي لك فرصة لاتضيعها أدخل الدورة , لأن مهم تجيب أكثرمن 70% سواء قدمت على جامعات داخلية او في نظام الابتعاث

[محمد المبارك]

الحمدلله 77 وتونّا باقي لنآ كم إختبآر ..
بالتوفيق للجميع يآرب ..

[الرفيع]

جبت 75

امزح معاكم ... هذي نتيجة اخوي عبدالرحمن.

وانتم الله يوفقكم ان شاء الله... الهمه الهمه يا شباب... البلد محتاج لكم وانتم ما تقصرون ان شاء الله.

[Khalid S. AL-Ghamdi]

أطبعاً أنا حالياً على وشك تخرج من الكلية
ولحقت على نظام القياس
أذكر إني جبت 75
وفي الإعادة 74

[سلطان المالكي]

اخوي عبدالرحمن كلامك واقعي جداً وانا الان والله قاعد افكر ومهتم والله مدري وين مصيري لكن وكلت امري لله وطبعاً نامي غير نظام الثانويات الثانويات من ثاني لثالث نسبة واحدة اما انا من اول ثانوي حتى ثالث معدل واحد


وانا انضحك علي في المدرسة من قبل المعلمين لكن حسبي الله ونعم الوكيل

وان شاء الله نشد حيلنا ونجيب نتيجة ان شاء الله

شكراً لكم جميعاً على المرور

[ابوعليوه]

اياااااااام زمان والله.. بس لسع ما شفتم شي

[ABU WSAM]

انا ما لحقت على القدرات ولا القياس ولا اعرف به شي .

[ABU WSAM]

العون صنم

الافضل الله المستعان او الله يعين .

[محمد بن عبدالعزيز بن سيف]

73


والاختبار الثاني

73

[سلطان المالكي]

صباح الخير

شكراً لكم جميعاً على المرور

وحظ الي ما لحقه

اخي شبكة الاصيلة خخخخ ما استفدت شي غير خسارة 100 ريال الله يعينك ويعينا ان شاء الله

وفقكم الله

[حسن البلوي]

الاول 89

الثاني 94


سنة 2005 .. الحين بامريكا والله يعين