أستعدوا بكرة ياأهل الرياض

[محمد 902]

من العنوان واضح أن فيه شيء بيصير في الريـاض ..

بكرة يتوقع خبراء الأرصاد نزول ثلج في الجهات الشمالية من منطقة الرياض بسبب إنخفاض درجة الحرارة في تلك الجهه (يعني مافيه الفيصلية بكرة ياشباب ) وأيضاً غداً تنخفض درجة الحرارة لتصل إلى 1 درجة مئوية صباح غداً الثلاثاء وكان الله في عون اللي عندهم مدارس ودوامات بكرة الصباح >> يعلمكم ماعنده شيء بكرة الصبح وودة يضحك على اللي بيصحون من صباح الله على هالبرد

ويتوقعون والعلم عند الله نزول صقيع أو ثلوج على الرياض من ساعات الصباح الأولى يعني الليلة >>> يعني كل واحد يدخل سياراته ويغطيها هاليومين طفرة والواحد ماله خلق يدفع 600 ريال تصليح قزاز ( خصوصاً اللي مثلي وتعدى المدة القانونية في الجامعة وتوقفت المكأفاة )

سبحان الله ماندري وش بيصير بكرة , وإن شاء الله تعدي على خير

التوقعات بحسب Weather
Riyadh Weather Forecasts on Yahoo! Weather

[سليمان عبدالعزيز]

الحمدلله ...
بس ياخي شينه تقوم الصبح للمدرسه برد ودرجة الحراره 1

ودك ترجع للفراش

[المنفلوطي]

واللي عنده اختبار وش يسوي

ياخوك كم معدلك

[M. Al-Dhafeeri]

لووووووووووول الله يعينكم الحمدلله اني بالكويت

بس والله ودي العب بالثلج شوي مايتييبولي جم ثلجه بقلاص اشوفهم

[b-najd]

يارجال شكله هرج فاضي بس نتظر ونشوف ,,

[محمد 902]

دنيا الجوال
والله ياأنا مفلم بأخواني أجيهم على الصبح واسحب البطانيات عنهم >>> وإذا خربتها أرش عليهم موية

المنفلوطي
كأنك تشوف اليوم عندي إختبار وموقف بعيد ( تعرف العلوم الإدارية ومواقفها ) وعينك ماتشوف إلا المارثون لباب الكلية
واحد تعدى المدة القانونية للتخرج تتوقع معدله عالي خلها مستورة :nice:

أبوجاسم
بعد اسبوعين بجيكم إن شاء الله ,,
تبي تلعب بالثلج قص لك تذكرة ورح روسيا وأنت تشوف الثلج صدق

b-najd
الحين درجة الحرارة بين 5-6 الأن الساعة تقريباً 11
إلا زين ماتصير بالسالب الصباح

[M. Al-Dhafeeri]

اقص تذكره؟؟ اي مو قالولك انا فاضي وماعندي امتحانات عشان اقص تذكره :P


ان شاء الله بالعطله بروح النمسا عند عمي

[طلال عبدالله]

ما تشوف لنا خبر كذا ثلج ينزل في جدة

للحين ما نسيت البرَد الي جا جده من زماااان مدري 10 سنوات او اقل

الله يرحم ذاك اليوم احلى يووم

[mad921]

طيب والي بكره عندي اختبار عملي على ارض واقع وش يسوي

وبعدها اختبار ريض

يعني اختبارين

اليوم الاثنين الساعه 6ونص بروده 3

[Khalid S. AL-Ghamdi]

ياشايخ تعال أنت وياه جدة
قسم بالله إن مشغل المكيف هالحين
جو عاد في الخارج فيه هواء لكن مو ذاك البرد
وفي الظهر لابس فنينيه كت ومشغل المكيف

تعالوا جدة ترى جده غير وجوها غيرين


حسب موقع البي بي سي
يقولون بكرة 4 تحت الصفر على الرياض
BBC - Weather Centre - 5 Day Forecast in Celsius for Riyadh, Saudi Arabia

[MANTEK]

موقع الطقس حق البي بي سي لا يوثق فيه

[t7t7.com]

توني اكلم اخوي بالجوال "فيديو" يقول والله ان البرد ماهوب طبيعي بالرياض

حتى بالكويت قسم بالله مايمديك والدوام الصبااااح انواع القلق مايمديك تغسل وتتوضئ يشييييخ

الله يعين

لكن بنظري ان الشتاء افضل من الصيف بااااااااالف مره

[طير شلوى]

هلا والله اخوي محمد


توي آخذ فكره سيئه عنك الدعوه سحب بطانيات ورش مويه هههههههه
حرام عليك


انا بكره طالع للديره ،، وبسنتر في الخيمه وشبة ضو وانواع الدفى

[البرق1]

حتى في القصيم مثل الرياض برررررد نسميها عندنا (قفصة) لازم تغطي كامل جسمك
واليدين لابسين مداس قفازات
والله يعين اللي يقومون الصباح والفجرية
وفعلا الشتاء أحلى من الصيف والبطانية لها لذة

[سعودي سمايل]

ابرد من هالأيام اللي راحت ؟ :looking:
الله يعين

اشوى ان ماعندي دوام الا الثلاثاء الجاي < هاليومين مهوب طالع ابد

ياشايخ تعال أنت وياه جدة
قسم بالله إن مشغل المكيف هالحين

حتى انا قسم بالله مشغل المكيف .. بس على الحار و يالله يالله