مشكله وتبي حل..!! والحل عند اصحاب هالمشكله.. اهيا مو مشكله بس مو حضاريه كلش :D

[M. Al-Dhafeeri]

السلام عليكم ورحمة الله وبركاته..

ماعندي مدونه.. ومابي اركب.. لاني ركبت وماكو Comments.. وبما انه ماكو Comments
يؤدي الى >>> ماكو تفاعل واذا ماكو تفاعل يؤدي الى >> حذف المدونه والملل >> والملل يؤدي الى الموت والكتابه المستمره في سوالف بدلا من المدونه :nice:

في موضوع بناقشه معاكم.. الصراحه شي يرفع الضغط وينرفز الواحد!! شلون!!؟؟ انا اقولكم شلون :1power:

مثال لموضوع في سوالف:-
*********************
السلام عليكم شباب..

شرايكم بهالتصميم..

.......................... << تكلمة الموضوع
*********************

او مثلا:-
*********************
السلام عليكم شباب تفضلوا هذا برنامج يبته لكم ان شاء الله يعجبكم..................

................ << تكملة الموضوع
*********************


شنو تتوقعون الردود بتكون؟؟ طبعا هالمشكله شفتها خصوصا بسوالف ماشفتها بمكان ثاني :deal:

الصراحه مرض

شوفوا الردود

****************
مشكور اخوي

(عالم التصميم.. خدماتنا................................. كن عميلا..................................)
****************

او رد آخر:-
****************
يعطيك العافيه

حياك معانا الى عالم................... العديد من الخدمات تجدها لموقعك او.....................
اسعارنا مميزه.......... واستضافتنا أميز....................... << طبعا مكان النقط قرقه زايده وشروحات :funny:
****************




متى ننتهي من هالمشكله العنيفه؟ !!!

هالكثر الواحد قام بس بيحط اعلان ومايدري شنو هدفه!!!!


لوووووووووووول انا اتوقع لما يتكلم مع احد اخر شي يقول معلومات عن خدماته وموقعه (صارت عشوائيه )


أتمنى اخذ رايكم بهالشي

[رينديفو هوست]

لا تعليق

[M. Al-Dhafeeri]

شكرا لعدم التعليق

[ابو مالك]

صراحة ما فهمت وش القصة

والنتيجة
لاتعليق)

[M. Al-Dhafeeri]

غريبه مافهمت!! مع اني واثق اني كاتب بالعربي!! :P

اقرى مره ثانيه بتركيز تام
شكرا للمرور

[Dragon2oo2]

أنا فهمت الموضوع :deal:

اطلب تصميم لموقعك او لسكريبتك High Quality Desings
Less Prices ONLY 10$!!!
====
مهـنــدسـ كـويــتــــيـ ..

[اكوي]

أنا فهمت الموضوع :deal:

اطلب تصميم لموقعك او لسكريبتك High Quality Desings
Less Prices ONLY 10$!!!
====
مهـنــدسـ كـويــتــــيـ ..

الرجال يقصد

انه يتم الرد لكي يعلن عن استضافتة او موقعه فهمـت :nice:


مثل انه يكتب الرد ويحط على الرد تحديد ويحط ارتباط شركته على الرد ,,,

[Dragon2oo2]

أعتقد الغالبيه حاطين إعلاناتهم بتواقيعهم ..

[YASSEROVIC]

هم يعتقدون انه بيفيدهم بقوقل !

مايدرون ان سوالف حاطه نو فلو !!

السؤال اللي براسي .. ليش مايحطه بالتوقيع وخلاص ؟؟

على فكره لاتنسى تضيف موقعك بالدليل <<---- خخخخخ

[M. Al-Dhafeeri]

اخو dragon انا كلامي مفهوم وواضح انا قصدي بالردود مو بالتواقيع


اكوي انت اللي فاهمني هات بوسه :nice:

عاشق لووووووووووووووووووووووووووووووووول حلوه

شاكر مروركم الحلو

[s6ur]

يعني اذا واحد حاط برنامج شنو تبي تقوله غير مشكور هذا اذا تبي ترد؟

تبي تسوي له هليله وتجيب له فرقة حسب الله وتسوي له زفه بموضوعه؟

اذا الموضوع بالاصل مو مووع تفاعلي كيف تبي تتفاعل وياه؟

اعتب على الي مايتفاعلون في مواضيع حيويه والي يبخلون في خبراتهم يوتجاهلون مواضيع ودروس كثيره

[M. Al-Dhafeeri]

انت فاهمني غلط!!


شوف انا قصدي (اللي الحين نشوفه انه الواحد لما يكتب رد مثلا (مشكور اخوي على البرنامج) تحته تلقى يحط معلومات عن شركته او استضافته وخدماته) يعني الموضوع مو مال هالشي اي ليش تتكلم وتحط اعلان لموقعك بموضوع يتكلم عن شي ثاني!!

هل الواحد قام يفكر بأي طريقه للاعلان فقط بدون هدف!!

[فيصل السلوم]

للاسف المشرفين في سبات عميق

لو كان هناك انظمه صارمه كان عرفوا ان الله حق وتركوا منهم الكلام الفاضي

والرد من اجل وضع اعلان

[سلطان المالكي]

بعيدا على الموضوع اخي

وش معنى انت خبير في التسويق الصراحة انا اتكلم من جد ابي استفيد منك بعض شغلات ايميلي في التوقيع

تحياتي لك

[Dragon2oo2]

بعيدا على الموضوع اخي

وش معنى انت خبير في التسويق الصراحة انا اتكلم من جد ابي استفيد منك بعض شغلات ايميلي في التوقيع

تحياتي لك

شوف ياخوي هالمواضيع .. وراح تعرف ليش أخونا شاعر الظلام "خبير في التسوق بالإنترنت"

http://www.swalif.net/softs/swalif12/softs195006/

http://www.swalif.net/softs/swalif12/softs217509/