السلام عليكم
بكل النت من إشتغلت فيه من عام 2002 ما إرتفع ضغطي إلا من سعودي بروفايدر ومعاملتهم الأسوء من سيئة ودعمهم الغير موجود أصلاً
بديت معهم من 2005 وجبت لهم مالا يقل عن 30 موقع عن طريقي بس بحكم أني أشتغل بالتصميم وأوجه الناس لهم وما كنت آخذ عليهم أي شي فقط أواجه توقف موقعي من حين لآخر وسوء الدعم الفني ..
الحق يقال أول ماتعاملت معهم كانو في غاية الروعه لكن فيما بعد وعدن كل تجديد أجلس بالأيام والأسابيع بإنتضار رد على مذكرة من مذكراتي
فيه شخص أسمه عبادي
أتصلت فيه قبل 5 أيام قلت له أن فيه موقع وقف عندي أبغى أجدده وأبطلع لسيرفر جديد قالي بطريقة أو بأخرى لا تروح وأن السيرفرات الثانية مو مضمونه ولا تقدر تستهلك مواردها وووو إلخ
قلت له يا عبادي أنا مايهمني الفلوس كثر ماتهمني الخدمة رغم إني محصل أرخص منكم ريسيلر وبفرق شاسع لكن مايهمني سوى الدعم الفني
قالي حول وماعليك
حولت مبلغ 1300 هو كان 1302 وبعد حب خشوم نزلي ريالين
هالمبلغ على أساس ريسيلر 15 جيجا و 4 دومينات
رحت وكلمت واحد من ربعي يحول لهم المبلغ لأن ماعندي حساب بالراجحي ولا بالأهلي
تحول المبلغ دقيت عليه باللعنه رد علي وقالي رح أخوي وحط مذكرة
حطيت المذكرة بتاريخ 1/2/2008
ومن هنا بدأت المعانات مع سعودي بروفايدر
أول يوم محد رد
ثاني يوم محد رد ورحت قلت الريسيلر ماياخذ معكم 5 دقايق تنفيذ فعلوه ولا هاتو فلوسي حسب ماهو مبين في موقعهم 30 يوم تجربه ولا نرجع فلوسك إذا كانت الخدمة سيئة
رحت قلت يا جماعة مواقعي مو بس لي لي ولغيري لا تفشلوني وأحفظو ماء وجهي ولا عطوني مبلغي وخلوني أتوكل على الله لإستضافة ثانية
قبل نهاية اليوم الثالث رد واحد وقالي أننا بنشغل الإستضافة لك وبنحول التذكرة للأسماء والنطاقات بعد ثلاثة أيام من المذكرة
قلت خير مو مشكلة بس المهم أستعجلو عشان أيميلي مقفل ولا أستقبل رسائل ولا عندي بيانات للوحة التحكم
رد وقالي بنرسلها لك قريباً هذا قبل يومين
أتصل على عبادي مايرد يمكن 100 إتصال ومطنننننننننننننننننننننش عبادي هو عبد الرحمن صاحب الإستضافة وأسمه بالكامل عبد الرحمن بن سلمان بن صالح الجربوع
أرقامهم كانت كثيرة لكن الموجوده حالياً بأسماء خياطين ولا مفصولين عن الخدمة
فيه رقم عبادي وهو 0553494955
ألحين أبي أعرف وش أسوي عشان أتخلص منهم وأرجع مبلغي علماً أن لي خمسة أيام محول ولا أحد عطاني وجه أو إهتم فيني بس يبغون التحويل وبعدها يطنشون
أنا أبي أظمن التالي
عدم تعرض مواقعي للأذى أو للتخريب أو مواقع العملاء اللي عن طريقي
إرجاع المبلغ المستحق لي نظراً لسوء الخدمة وهو 1300 ريال
كيف يتحقق هذا بدون مشاكل أو ضرر لي ولا لهم
مالعمل يااااجماعة علماً أنها إستضافة سعودية مرخصة حسب كلامهم وهذا ماحصل لي معهم
الغريب أني بحثت قبل شوي ولقيت أكثر من شخص يشتكي منهم الله لا يوفقهم
وهذي المواضيع اللي حصلتها
http://www.swalif.net/softs/swalif68/softs202038/
تحذير من شركة سعودي بروفايدر - شبكــة ابـن الخـليــج
http://www.swalif.net/softs/swalif68/softs205124/
http://www.swalif.net/softs/swalif68/softs190681/
المواضيع اللي تسبهم أكثر من اللي تمدحهم لكن وش نسوي هذي بعض منها ولا لو بجيبها كلها بتمتلي الصفحة مواضيع ويمكن للكل البحث عن مشاكل هاؤلاء الأشخاص ..