كيف اشتري دومين .com.eg الخاص بمصر

[سحاب اون لاين]

سمعت انه يجب ان امتلك سجل تجاري وان اشتريه من شركة لينك او غيرها

ولكن هل يجب ان امتلك الدومين بدون .eg
حتي يضاف اليه تلك اللاحقة
مثال : يجب ان امتلك هذا الدومين yahoo.com حتي اضيف اليه yahoo.com.eg

ام يمكنني شراء اي اسم حتي لو كان محجوز لغيري في .com :anger1:

وهل ما زال يوجد دومينات بهذه اللاحقة .com.eg
تحتوي علي حرفين فقط ام تم حجزها بالكامل :con2:

[البلالام]

سحاب .. ثاني لقاء لك في سوالف الاول احتاجك والثاني تحتاجني سبحان الله

اول حاجه مش شرط انك تمتلك دومين على .com علشان تحجزه بال .com.eg

اهم حاجه يكون عندك سجل تجاري وتصريح مزاولة نشاط وموافقه امنيه طبعا في حالة شركات الانترنت

بتقدر تشتريه من لينك او تي داتا اسهلك من اجراءات الحكومه الروتينيه الي هتطلع عينك

اعتقد ان الدومينات الي فيها حرفين بس موجوده لان في عملاء كتير عندي حاجزين حرفين ..

بس المشكله ان دومينك ممكن يتقبل انه يتحجز وممكن يترفض ....


ربنا يوفقك ياباشا

[سحاب اون لاين]

من يضحك اخيراً .. يضحك كثيرا
ولسه الايام الجاية كتير وحنشوف مين يقدر علي التاني

ومصر كسبت 4-1 يعني محدش يعرف ايه اللي مستخبي :eek2:
ثانيا بخصوص موضوعك ها عملت فيه ايه
عرفت تجيب الطريقة ولا لسه
انت ممكن تضيفني لكن متتعشمش خير لكني اوعدك اننا نقعد نطبش لحد ما نجيب الحل :anger1:
m_d335@yahoo

المهم
يا ريت تقولي علي سعر الدومين

[سحاب اون لاين]

في سؤال تاني
دلوقتي لو عملت سجل ضريبي وفتحت مكان للشركة علي اده
ايه موضوع الضرائب
انا سمعت انها بتكون بعد خمس سنين
ولكن فيه واحد قالي ده كان زمان

ها يا ريت تصحيح للخبر

[FadyCoder]

في سؤال تاني
دلوقتي لو عملت سجل ضريبي وفتحت مكان للشركة علي اده
ايه موضوع الضرائب
انا سمعت انها بتكون بعد خمس سنين
ولكن فيه واحد قالي ده كان زمان

ها يا ريت تصحيح للخبر

احلى سؤال يا سحاب :nice:
و انا منتظر معاك اسمع رد و شرح تفصيلى عن موضوع الضرائب ايضا و خاصة لو عندى موقع بيجيب دخل جيد هل لازم يكون لى سجل ضريبى حتى لا اكون متهرب من الضرائب و لا ايه نظام قانون الضرائيب الجديد ..
و تذكر دائما ان "الضرائب مصلحتك أولا" :funny:

[Dlo3y.com]

في سؤال تاني
دلوقتي لو عملت سجل ضريبي وفتحت مكان للشركة علي اده
ايه موضوع الضرائب
انا سمعت انها بتكون بعد خمس سنين
ولكن فيه واحد قالي ده كان زمان

ها يا ريت تصحيح للخبر

نفس السوال الذ احاول ان اجد له حل ولكن السؤال لغير الله مذله الي اسالة يعطيني جمله مختصرة

ياريت تقبل اضافتي اخواني الغالين لكي افهم موضوع الشركة الرسمية والضرائب

support@dlo3y.us

[البلالام]

سحاب الايام بيننا

موضوعي انا حاولت فيه شويه بالاجاكس وبحاول اظبطه فاضلي فيه حاجه بسيطه ان شاء الله

بخصوص سعر الدومين لو حجزته من شركه فهو 100 جنيه في السنه او 150 بتختلف حسب الشركه

لما تفتح سجل وتعمل بطاقه ضريبيه طبعا مفيش خلاص ال 5 سنين كان زمان وجبر

بس دلوقتي قانون الضرايب لجديد انك بتقدم الاقرار الضريبي بنفسك وبتقدم الفواتير بنفسك وبتكتب الي المكسب والانفاق الي حصل خلال السنه برضو بنفسك

طبعا فواتيرك كلها لازم تكون عليها رقم البطاقه الضريبيه بتاعتك علشان بتتقدم من الشركات التانيه في الانفاق بتاعها لما بيقدمو الاقرار الضريبي بتاعهم .

حاول تشوف محاسب قانوني يرتب لك الورق دا ويكون معاك في كل حاجه في موضوع الضرايب . والترخيص والحاجات دي شوف محامي يخلصهالك بسرعه

وتذكر كما قال فادي "" الضرايب مصلحتك أولا ""

[سحاب اون لاين]

الضرائب في مصلحتي :eek2: أكيد أكيد محدش قال حاجة
بالظبط زي "الشرطة في خدمة الشعب" :court: برضك أكيد محدش قال حاجة

وبخصوص كلمة "بنفسك" اللي انكتب في ردك 13 مرة :funny:
طب ما انا اصلا زمتي واسعة بس مش قوي :funny:
ولو كسبت 10 حقول خسرت 20 :eek3:
طب ايه اللي يوثق كلامي وخصوصا اني سمعت انهم بيضربوا رقم في السماء
يعني مثلا يقولوا ان شركتي نفس مجال شركة لينك :looking:
يبقي اكيد بتكسب نفس مكسبها
والاقي في الاخر عليا ضريبة 13 مليون ولا حاجة
ويقولولي كل حاجة مكتوبة :deal:

[البلالام]

ههههههههههههههههههههه لا مش للدرجه دي

انت بتتحاسب على الي انت مقدمه في الاقرار الضريبي الي بتكتبه بس خلي بالك من الفواتير الي بتكتبها لشركات بتقدمها مكتوب عليها بياناتك ورقمك الضريبي فهم طبعا هيقارنوها بالي انت كاتبه وبيشوفو انت بتتهرب ولا لا

ولو اتقفشت بتتبعت هههههههههههههههههه

وكمان الفواتير بيكون عليها سيريال ... عموما شوف محاسب قانوني زي ما قولتلك هيفيدك اكتر في الحوار دا وبيخلصلك كل حاجه وورقك سليم ..

[Mr.Mahdy]

والله احنا زهقنة من كلمة الضرائب مصلحتك أولا
عملين يخدو ويخدو
وعمرنة مشفنة منهم حاجة الى فلحين فية هوة ان الى بتدفعة بيجيلك تانى كلام وبكل صراحة خ ن ق ة اوى
الله يكون فى عونك اخى سحاب وتقدر تشترى الدومين

[Gendows Systems]

طيب لو كان الدومين
.edu.eg

نفس النظام ولا اية؟؟؟
الكلية موجوده واعتقد ان ورقها سليم
بس مصاريفة هتبقى كام
ونظام حجزة اذاى
وخصوصا انها جهة حكومية (مع انها كلية هندسة خاصة بس تبع التنسيق)


اية اللى مطلوب منى بالظبط لانى انا هكون المتكفل بكل حاجه والكلية عليها الورق وبس وانا اللى هدفع

[البلالام]

الدومين التعليمي نفس السعر بس لازم ورق الكليه وهي الي تقدمه

القطاع التعليمى: ما يفيد تبعية الجهة لوزارة التربية والتعليم او وزارة التعليم العالى والدولة للبحث العلمى).

القواعد المتبعة لأختيار اسم النطاق

1- الجهة المراد تسجيل النطاق لها موجودة داخل البلاد او يوجد ممثل لها داخل البلاد.
2- يجب ان يقتبس اسم النطاق المراد تسجيله من اسم الجهة او طبيعة عملها والا يكون اسم عام.
3- يجب ان يبدأ اسم النطاق بالحروف بحد اقصى 22 حرف ولا يقل عن ثلاثة حروف.
4- يتم تسجيل النطاق على اساس أسبقية طلب التسجيل.

[Gendows Systems]

الكلية موجوده بكفر الشيخ داخل جمهورية مصر
الاسم سيكون اختصار لاحرف الكلية + kfs
مش مستوعب الشرط الرابع بس اللى فهمتة ان اللى سبق كل النبأ
يعنى اللى يحجزة الاول ياخده ؟؟؟

[Gendows Systems]

الكلية هتقدم الورق لميين؟

[سحاب اون لاين]

حبيبي بلا لام
مين حبت الكلام اللي انت حطه في اقتباسك
يا ريت تقولنا عليه